乘纜車下來的風景
行番去皇后鎮大街大約要15分鐘, 呢一日太陽又係好好,
見到d風景真係好開心,
咁我地未夠鐘集合, 就係附近商店格下價,
呢隻蜂膠牙膏係必買手信, 打算回來晚上去完牧場才回來買~~
見到Starbucks有開, 即刻衝入去~~~
紐西蘭第一杯星巴克!!!!!!!!!價錢同香港差不多
較啱時間, 我地就與團友們集合,
係呢度發生左件趣事,
領隊見我地齊人, 就問剛才上山頂時,
有沒有團友留低左個背包在車上, 因為他送部份團友返酒店時, 在車上發現左呢個背包, 當然大家你眼望我眼, 無人有反應, 因為我自己由始至終都係孭著背包的, 我朋友仔都無反應,
咁我再望下朋友仔, “你個背包呢???”
朋友仔才驚覺”背包是我的!!!!”
原來佢一整個下午都無左個背包而不自知!!! 太奇了吧~~(事關係佢本身有一個小手袋, 只裝銀包與手機的, 但總不能連背包不見了也不知吧~~~~) 呢件事俾我地笑左好耐啊~~
之後行去碼頭, 我地要乘蒸汽船啊~~
等船埋岸時, 見到田北辰落船wow, 世界好細呀~~
其實呢個行程本身安排在中午的, 不過尋日咪話因為聖誕節, 好多行程都要重組, 所以呢個船河改在傍晚進行, 雖然當時日照時間好長, 但我都係希望呢個行程可以安排在中午, 原因係無咁辛苦,
一陣再講下點解
出發時間係下午6點左右, 船程大約一小時~
一上船朋友仔就有點悶悶不樂, 原來佢部電話無電呀~~咁我就笑話咪仲好, 終於可以真正享受個旅程, 佢當然好少理我, 咁我其實有powerbank既,
但我係android機, 無iphone線wow, 點知朋友仔好努力問其他團友有無,
又終於俾佢借到, 登時開心哂,
電話既魔力@@
朋友仔又嫌哂, (佢同時應該係急於幫部電話叉電), 唔肯行出去船頭,
咁我唯有自己出去吧, 好大風啊,
好彩遇到團友幫我影下相, 如果唔係呢次旅行我真係無咩個人照@@
咁坦白說, 呢程船我都覺得有點長, 可能係太早起身, 行程亦很密, 能量開始有點用完, 有點攰了~~而呢架船都幾爆架, 想找靚位記住早點上船
落左船, 又係驚艷, 講呢度係世外桃園也不好過吧~~
去到今晚我地食飯既地方, 好靚呀, 怎麼農莊也這樣美~~
影影下又見彩虹, 靚到呢~~
今晚食自助餐, 味道唔錯, 不過呢晚開始我有少少唔舒服, 無咩胃口~嗯, 女生們應該好理解~~
食完就去看剪羊毛~~在塔省時也看過一次~~
因為差不多夜晚九點, 有點攰, 大部份團友也沒有去看趕羊, 便上番船等~~如果下午來可以參觀它的羊製品, 買下野, 不過我地無咩時間了~~
又乘了一小時船才返回皇后鎮, 晚上十點了, 華, 好凍呀,
我覺得係堅凍, 好像得番幾度~~攪邊科, 溫差這麼大~~
因為覺得好攰, 咁我同朋友仔都直接行番去酒店, 唔買住蜂膠了~有些團友就繼續閒逛,
咁例牌我地唔知點解又攪到兩三點先訓, 明天又要好早起身啊~~但我依然係失眠, 我究竟有幾耐無訓過了~~究竟我是甚麼構造~~點樣先肯訓~~已經過了一半行程, 我勁攰但點解仲訓唔到~~~~
天然美景，靚啊！
回覆刪除紐西蘭確實很美
刪除