閒遊洪水坑水塘

繼續係小小的人強化身心系列~

洪水坑其實與藍地水塘為鄰，為屯門另一個景色怡人既灌溉用水塘。上次因為時間不足，只去了藍地水塘，今次就專程來看看這個比較少人所知的洪水坑水塘。

中午飲個茶

呢日都係十幾二十度, 唔敢掉以輕心, 都係著番件褸先出發~

經過藍地大街，往福亨村路的斜路一路上，

因為地近石礦場，沿途都有大型車輛往來，可謂超級沙塵暴, 後悔一早就除左個口罩, 真係好大塵 (除左食塵, 因路面有很多泥頭車左穿右插, 大家行得要分外小心) 

經過石礦場往左走，

 見到呢度就靠左行

 

上斜20分鐘遇到分叉位,  

  
我們轉上左邊, 是錯的, 去到呢度才知行錯

跟住落番去分叉位, 行番去右邊才對,

然後見到左邊有一條長長的樓梯，往下走便來到洪水坑水塘。

可能去程的路段太過沙塵滾滾？遊人真係比藍地水塘少很多。不過我覺得呢度風景仲好，非常恬靜，遊人大可在此處好好休息一番。係呢度我地只係見到三四個遊人, 任影相打卡啊

 可惜呢日太陽欠奉

抄入右邊小路,  有危險牌, 行了幾分鐘便掉頭

有很特別的植物, 靚

朋友仔想下去水壩底看看, 我覺得有點危險, 放棄了

離開時決定不走回頭路，而往洪水橋方向走，離開就係近樓梯位的小通道,  

 右邊

呢邊雖不是正式行山徑，但路徑清晰易走，沿途樹木好靚, 很喜歡這條不太多人行經的小山徑

 回望水霸

中途更有小路下行至水塘下游，又可以好好打咭～

 

呢段路最令人振奮的，係見到很多車輛梅已盛開中，即係代表係時候可以行”分流＂了？我真的太掛住”分流＂喇～ (執筆之時已去左分流了, 下下下文再續)

 

 甚麼車

出番大路就是泥圍了, 結束了兩個多小時親親小水塘之旅

晚飯時刻, 打完呢次邊爐, 便發生邊爐群組事件, 而家都無得打住了

我很少走水塘，首選亦不會是新界西北的山徑（起點終點往往在廢車場石礦場之類，而且山都是比較禿的），不過近呢兩次走過的水塘，簡單易走，風景亦不俗，係不想舟車勞動，但又可以輕鬆完成的絕佳郊遊路線，有空也會再走走吧。

路線：藍地大街—洪水坑—洪水橋

需時：2.5小時

難度：1.5星 (以5星為最)

景觀：2星  (以5星為最)

長度：約5.5公里

提升免疫力

保持身心康泰

能呼吸多好

山系阿嬋)