2020山系阿禪第一炮: 西貢太墩之旅

說好要在2020年成為山系阿禪，坐言起行，就在第一天出發！

咁多地方，去邊度好呢？作為2020第一炮，當然要去我最愛的西貢～而今次就想搵些新地方行行，最終找來了從未行過的太燉！

呢日天氣幾凍，大約得17-8度，咁都係去飲個早茶先

因為係公眾假期，有96R直接去到北潭涌, 不用在西貢再轉車,方便很多~

一去到北潭涌忍不住又食

呢日公眾假, 頗多遊人, 不過太墩並非熱門路線, 所以唔算多人

停車場盡頭就是太墩的起點

跟絲帶會找到路

大欖涌水塘有「千島湖」美譽，西貢太墩就有「千島海」既壯麗景色。

太墩位於西貢北潭涌，高318米，相比大欖涌，登上太墩原來要艱難得多，它並非正式行山路線，整個路段均是泥石路，我地行左10來分鐘已覺得唔太簡單, 這山徑完全是由行山人士＂開墾＂出來，且草叢非常茂密，部份坡度甚為陡峭，甚不好走，

不過一路也有好風景

 

我們好像第一次走這種只容一個人身而過的行徑,  幸好有風景相伴

不過路徑尚算明顯, 而且有熱心人士在樹上掛上絲帶為記，我們抖下停下, 大約一個多小時, 慢慢走著走著就可以攻頂。

一到頂, 真係好靚呀, 可惜呢日天陰陰, 如果陽光普照真係無得頂(到時應該又噪哂話好熱好辛苦)'

太墩山頂景色甚為遼闊，360度無死角欣賞西貢沿海景色，除可俯瞰糧船灣、斬竹灣、黃宜洲、黃泥洲仔、滘西洲乃至牛尾海，亦能環視牛耳石山、雷打石山、雞公山等，最遠最遠，仲有蚺蛇尖作為背景！(這個永遠只能遠觀啊) 

我地係度食下乾糧

與大欖涌一個個小島相比，太墩的視野真的更為廣闊更為宏偉。

上山的路不算容易，但仍可應付，唯真正的考驗卻在後頭，

我們往長山方向下山（雷打石路段艱巨，plan路線時已一早skip左）決定直接往斬竹灣離開，

但下山路線十分陡峭，需手腳並用，一開始真的不知怎落山，心裡也有一絲擔心，亦有少少淆底是否行錯路(對, 我地多次認為行錯路, 無理由咁難行!)，

但其實在做資料搜集時, 有些人的確說這段路對新手頗難的, 對我地,原來真係好難!!! 有一大段路我們真係要四腳並用, 好斜啊!!! 我們卻沒有帶手套, 好刮手! 幸好這路段不算很長（技術有限，竟也爬了接近半小時），慢慢走著也是可以完成（我因為掛住講野也跣了一跤🤣）, 朋友仔話呢段路太觸目驚心, 我就覺得係有點斜, 但還是可以完成啊

去到呢度, 最難行的已行完

慢慢行

其實都仲有一大段路要行, 但風景很好

遠處有人燒烤, 從高處看好像一大個小島

終於行完, 正常話用3小時, 我地用了5小時, 好攰

最大獲係回程的車, 因為由黃石開出, 真係無位座, 對行了大半天山的我們來說, 好攰啊, 好彩企左半小時, 到西貢附近竟然有位坐, 否則要企到去鑽石山了!

晚飯時間

呢次太墩之行完全係一次森林浴的大體驗，因為大部份路段也要穿越密林，基本上由頭到腳也要與樹林作全面接觸，長衫長褲配備手套是必需品。而它路程雖短，但坡度甚高，是體力與耐力的挑戰賽，絕對不建議炎夏前行。雖然有困難的路段，但風景甚美，做足準備也是值得前往的～

呢日公眾假但遊人不多，明顯它不是熱門的行山路線，正因如此，可靜靜欣賞西貢美景，雖然天氣不似預期，但能夠走動走動，親親綠林，也是很愉快完滿的一天。)

路線：北潭涌- 太墩- 長山- 斬竹灣

難度：3.5星(部份路段為4星，需手腳並用，當然行慣山的會視作碎料)

景觀：3星

長度：約5公里

時間：正常約3小時 (不計影相及hea), 呢次我們用了5小時

呢次行程確實比從前走過的有點辛苦與困難（朋友仔表示不會再去🤣），但路是人走出來的，只要相信，一定會搵到出路的，期望我們可以早日脫離山系初階，要更上一層樓呀

#山系阿禪

#最長的旅途

#森林浴

#意志與力量賽