2019收爐日~大棠紅葉大欖涌水塘一天遊

12月是清假的時候，一心想將假期放係行山上，點知第一天假期卻病到嘔，被迫留家休息，一星期後，病情好轉，但狀態不算大勇，本來想行西貢，最終唔想咁辛苦，就唯有行下屋企附近，度來度去，朋友仔建議去大欖涌水塘, 順便去大棠看紅葉。

對呀住得這麼近，卻從未來看過這裡的紅葉，咁好啦，就去看看

呢日係朗屏站出發，附近無咩好酒樓，咁我地去快食過西式早餐了, 兩個奶茶控

然後乘K66接駁巴士出發去大棠

呢日其實係閒日,但係好多人呀,可能係紅葉旺季吧

慢慢行上去

 

大約半小時去到我的龍貓樹, 即係涼亭, 大約要半小時 (平時會係呢度燒野食, 沒有再行上去了)

好多學生在旅行,多人到呢,

去埋洗手間繼續出發 (之後都係罕廁,要把握機會了)

 繼續上斜, 但唔算難行,

見到第一棵了,

 

太多人爭住影

多走十來分鐘, 可以來到楓香林

都開左唔少, 又幾靚呀

紅葉開了很多，但相信未到最盛之時，相信過多兩至三星期，這楓葉林的樹都應該可以全轉色了～

 遊人很多, 要拍照真考技術

雖然未算盛開，遊人已經多得很，未來應該更會擠得水泄不通，要想好好影相真要想點辦法。

 

 

因為今天主線不在紅葉，我的人群密集強迫症又要發作，逗留片刻便出發前往千島湖觀景台，

遠離紅葉區域, 遊人少好多, 心情又起動了

 好靚既芒草?? 定蘆葦呀

這段山路鋪得很好，只是樹蔭比較少，曝曬指數頗高，不過山勢坡度不高，最高也只有200M，走起來也算舒適, 但我地都熱到出哂汗

食下乾糧

沿途上上落落咁

造工好靚

終於來到清景台! 這兩隻小動物也來拍照

今天天氣很好

遊人太多了

～記得上次去看千島湖已經是十年前的事，當年是從屯門掃管笏出發，經麥徑攀上碎石泥路才可遠眺千島湖，距離比較遙遠，而呢次我地就前往今年才落成的清景台去看千島湖，顯然是比較易行，景觀亦更好開揚，當然，遊人亦比以前更多了。舊地重遊，同一樣的景色，不一樣的心情，還好的是，我們仍然有緣相聚，要好好珍惜～

 慢慢行出去

好大舊石

呢段路也很不錯

呢個地方係十年前我地來摘士多啤梨, 再上山看千島湖的, 當然呢段路不及清景台好走, 但可以用另一角度看千島湖, 咁就十年了,當年我們還沒有愛上行山這運動!!!

斜陽很美

倒影好強

見到山羊咩咩咩

終於去到掃管笏, 太累了, 行不出去黃金海岸, 乘小巴走了

返到屯門勁攰, 也是求其搵野吃了

呢段路正常約3個多小時（我們今次則用了5.5小時）難度指數不高，景色亦不俗，而且近我住的所在地，下年可以再來啊

呢次亦係2019收爐之作（好像開爐不久），來年我要成為山系阿禪, 而家正努力實現中, 希望可以去探索更多美好的風光!

路線：元朗大棠、楓葉林、千島湖清景台、大欖涌水塘、掃管笏

難度：2星

景觀：3星

長度：約９公里　

＃紅葉落索的時候

＃風景依然

＃療癒的大自然

＃最長的旅途