行程去到第三天, 都係要咁早起身, 真係日日早過返工
呢日去左另一間餐應食早餐,
又幾好味wor, 今日早餐我喜歡, 有多士仲有碗蜆肉湯
之後我地出發去北海道神宮
都係好想落雨咁
竟然有紅葉呀, 開心!!! 雖然得小小, 但總算見到, 始終未到真正季節
環境好舒服
我地都作個福
好得意呀
我都許左個願, 希望香港要好好的
行左一陣就離開了
然後我地去左二條市場, 一路下雨, 很煩啊
夕陽蜜瓜, 點都要試下, 仲試左兩檔
好好食呀, 即烤即吃
去狸小路商店, 先吃個飯
問下三點後才非禁煙, 咁我地安心去吃了
我呢個係梅蛋飯,沒肉的, 夠素吧
然後我地開始去藥妝店零食店買手信了~~~
姐夫可能對購物沒興趣, 就先行回酒店休息,
咁我同姐與樂兒便繼續逛, 因為知道之後可能無咩機會掃手信, 所以買了很多
我地行到五點幾, 姐夫話check 左天文台夜晚應該無雨, 可以去藻岩山看夜景, 咁我地就即刻返去酒店會合佢
雖然地圖話好近, 但我地不知是否行錯路, 我又拿著大量手信, 真係又重又攰, 好彩當時無下雨, 最終差不多行了四十五分鐘才回到酒店!!
而我放低戰利品後, 想抖一陣, 但佢地話太晏了, 要即刻起程!! 咁我地快快在便利店吃過飯團, 便出發了
呢程車都幾甘, 因為係巴士, 全程企, 廿幾個站, 又好迫, 可能碰著下班時間吧
大概三十分鐘車程, 下車後, 天也全黑了, 搵極也搵不到架接駁巴士(後來才知正正在巴士站的對面!點解會搵不到架), 咁唯有問人, 店員教我地直接行上cable car個站, 因為其實好近, 咁我地就一邊撐傘一邊行大斜路上去, 都怪自己無咩做運動, 佢地真係行條斜路完全不用抖啊!!!
係買飛時, 我地見到個站話原來有直接車去扎幌站, 太好了, 咁就不用再乘頭先架巴士!
去買飛先
呢架觀光cable car 也幾有趣, 不會太多人, 舒適
上到頂了, 好大風, 好凍呀, 又下著毛毛雨, 真係凍到冷震!!
呢度話係新日本三景, 我當時望住呢個景, 覺得雖然好靚, 但最靚的風景始終在香港, 香港幾時先可以好返呀!!!
咁之後就落番去, 大安旨意有巴士, 咁買下野先
原來我地看錯時間, 八點幾已經無左返扎幌站的直接車, 即係我地要坐佢接駁巴, 去返乘剛才的巴士!!
好彩回程時有位坐, 咁就不用咁攰了!
因為我地堅無食飯, 咁就再買左少少野食返酒店吃, 我的飯團
還有下午買的提子, 好味/!
呢日真係攰到一個點, 要早點休息了
沒有留言:
張貼留言