行程來到第四天了, 呢日係去小樽呀, 可謂整個旅程其中一個相當重要既景點! 本身係第三天去的, 但因為下雨, 所以推到呢日, 呢日亦係我地係扎幌最後一天, 可謂係最後機會了, 好彩, 呢日天公造美, 放晴了, 我可以好好欣賞呢個我最期待的景點了!
因為呢日得一個景點, 行程不趕, 我和樂兒不想咁早起身, 咁佢兩公婆就自行去吃早餐再閒逛, 我同樂兒就多睡一會, 然後兩個才施施然去吃早餐~
呢間早餐簡簡單單, 一件多士和咖啡, 不錯, 不過我忘了影相
會合佢地之後, 我地就乘JR出發去小樽了, 沿路風光也很好啊, 車程約需四十分鐘
一落車, 好凍啊, 點解凍咁多既, 我仲貼左個暖貼~
凍到咁去食下小甜點先
呢日其實我仲有個任務, 實在不相瞞, 我發現自己竟然帶少了一條底底, 我咁好記性點會記錯架, 可能真係當日早左一天去住機場酒店, 醒唔起, 所以今天我要去買一條呀
姐夫想去博物館看看先, 咁我地就反方向(不是玻璃街過邊)出發, 本身想坐巴士去的, 但原來一小時才有一班, 反正我們沒事做, 就慢慢行去
沿路風光不俗
差不多行了四十分鐘便行到去博物館了
可能大家都湧哂去玻璃街, 呢邊反而無咩人, 好恬靜
戶外有驚喜, 呢度可以影好多靚相,
不過可能影得太忘影了, 小樂兒不小心跌倒, 慘豬豬呀, 手頭上得番一張消毒紙巾, 簡單消毒後, 我地唯有等出返到小樽站才有便利店買膠布, 痛死佢了
我地費時行了, 見到有個火車改建的西餐廳, 就決定係到食午餐
食完午餐後, 打算問店員邊度有巴士站出番去, 因為樂兒跌親, 唔想佢再行出去了, 點知店員好熱心, 同另一個年紀比較大的女士相量完後, 年紀大的女士就叫我們上她的私家車!!!我們有推的, 但佢太熱情了, 我們唯有上車, 真係唔好意思!
但一上車, 發覺佢不是向返小樽站方向駛去, 而係反方向, 開頭佢地覺得係走小路, 但作為方向感極強的人, 我肯定不是! 越過一條隧道後(剛才根本沒經!) 右道全是大海! 完全好像去緊另一個縣咁!!!! 我登時叫停她, 她將車駛埋一邊, 鷄同鴨講一輪, 她終於明白, 又反方向駛回!!! 真係捏一把汗! 有驚無險, 不過日本人真係超有心, 太好人了, 真的很感謝, 我很喜歡這裡的人啊!
返回小樽站, 同樂兒去家品店買膠布, 但卻沒底底, 真怪啊!
好, 再出發了, 先吃雪糕,, 也不錯
我最期待的景點, 呢個地方想來很久了, 終於來了!
我仲嚷著要去Letao食個high tea, 呢個亦都係來北海道唯一飲杯野時間, 個芝士蛋糕好出色
然後我地去參觀玻璃商店同音樂盒店
有間舖好多龍貓賣
五點多又天黑了, 我地本身想去間叫串鳥的食肆吃串燒, 可惜佢不是禁煙, 我地唯有放棄
係便利店買下生果, 又想買底底, 但成六十幾蚊一條, 咁貴既, 雖然有牌子, 最終無買, 諗住返扎幌仲有掛
返到去扎幌都係求其搵間野食, 最終揀左麻布, 不過我覺得味道麻麻
食完佢地想去電視塔, 咁又行去參觀下, 原來電視塔的乘lift處正是翌日去登別的候車處
不過乘電梯上去因為架lift 不是實心, 即刻可伸手出去, 都幾驚架
而當然天氣麻麻, 視野很一般了, 當然不及藻岩山咁靚了
看完夜景, 再經過便利店, 我決定買了, 雖然六十幾蚊咁貴…….而且仲要得一個碼....可能唔啱.....始終都要著啊….
因為怕第二天入去登別這些郊區更加買不到…….
好了, 呢晚要好好休息, 明天要出發去浸溫泉了!
沒有留言:
張貼留言