長咀, 10多年前已相中的地方, 長居我香港山系bucket list的第一位。去長咀講求天時地利人和, 講左好多好多年, 都沒有成事。早兩年常常想, 人生有甚麼事情我好想做而未做呢, 腦海想起要去長咀看日出。長咀迢長路遠, 路途艱辛, 體能與技術與天氣皆不可缺, 資深山友一般要走8小時才可完成, 天光走至天黑。而我呢種慢如蝸牛的, 究竟要用多少時間呢? 時間不等人, 與其幻想可否做到, 不如試試看。
今年年初三, 終於可以去長咀了
呢日天氣好好, 天公造美, 15至20度, 出咀的好時間,
8點已去到鑽石山早餐, 嚴陣以待, 像我這樣新界西人, 要咁早出發不是易事, 但因為長咀路遠, 一定要盡早出發
10點準時在北潭凹起步 (始終都攪到咁晏才出發, 哈哈)
一開始都好多人
我們一路逆走麥徑二段, 過往會停留影相, 但呢日一路向下衝
但赤徑太美了, 不得不停留, 我地通常係入夜先會在赤徑出現, 好少可以日間影相
雀仔很可愛, 呢度好寧靜
開始長命斜, 幾辛苦, 但只係熱身
去到呢度要抖下,
去到大灣差不多用了兩小時時間, 要加緊了, 來過大灣已好幾次, 我地今次第一次向更東走!
長咀就在眼前!
在大灣末段找到絲帶路去東灣方向
行一陣到了這個懸崖位, 真係超靚, 藍天白雲大海, 太治癒
沿路一直走, 海岸在身邊, 看到浪不斷衝擊崖岸, 也太靚了吧
因為景色太靚, 也忘了辛苦
長咀其實還有很遠
下山往東灣去, 呢段路確係幾崎嶇, 但小心行還是可以!
進入東灣, 要休息了, 由出發起到此已差不多用了三個半小時
東灣很寧靜, 但我比較大灣,
在東灣盡頭找路上山,
路開始難行, 人亦更少
但沿路風景真係靚到暈, 真係太令人響往
但有不少位也臨近崖邊, 真係要加倍小心!
我為自己定下時間, 無論去到那裡, 是否能到達長咀, 下午三時前必須啟程離開, 這樣反而令自己無咁大壓力, 因為係預左一定去唔到的, 個心定好多, 可以按自己速度去行, 也可以好好享受過程。
終於到達長咀入口, 足足花了五小時, 當時大概係下午三點幾
呢面係東灣山及米粉頂
無諗過真係來到, 雖然只係入口
但已經好感動, 終於可以看到長咀了
腳程太慢, 我地決定起程離開, 因為行番出去也要五小時!!
我一定會回來!!
回程也要加緊腳步, 最少要係入黑前回到大灣, 因為東灣路況始終難行
沿路仍要繼續影相, 真係靚到暈
感恩天公造美
日落了, 這樣的景色也太強吧。
返到大灣, 呢個沙灘今次好像特別長
在咸田灣扯上去呢段路變得非常困難, 腳已無力
呢日我仲同朋友仔講, 西貢好像無咩野生動物, 點之我地就係呢段路見到箭豬, 好得意呀!
回到赤徑, 本身有艇家, 想去乘, 但她見們只有兩個人不肯載我們
我地拖住已無感覺既腳, 扯番上去北潭凹,不過一路有好多星星作伴, 感恩
終於在八點返巴士站, 等了差不多半小時才有車
真係攰到無命,
然後係西貢吃雲吞面, 加二,幾貴, 但紅日嘛
我地用左10時小時去走這躺旅程, 應該係我所走過最長的旅途。結果始終去唔到長咀。我地花了接近五小時, 才僅僅走到長咀的入口! 望著這個入口, 真有點望門興嘆既感覺。雖然係過門不入, 但我已經好感動好開心, 沒有想過自己可以跟長咀咁接近, 浩瀚的海洋, 大浪拍打岩石洞穴, 海連天地, 彷如人間仙境。
這躺旅程雖然沒有完成, 但已經係大滿足, 看到白鷺, 箭豬, 紅樹林、山崖, 岩洞、海灣、沙灘、叢林、怪石, 很辛苦但很難得的一次體驗。這段路是我走過最美的一段路, 感謝天公造美, 也感謝大自然送給我們的。期待下一次真的可以成功出咀!
整個行程非常不簡單, 真的攰到反艇, 體力要幾天才能恢復過來。但其實我還沒有去到目的地!! 時間的掌控, 體能的鍛鍊, 是今年要好好去實踐的。希望若干時日後, 可以再去走一次, 每一次多一點點, 我深信最終會去到的。
(由呢日之後三個月, 身體也好困頓, 係個種發唔到出來的攰, 覺得身體被困住咁, , 又好像重感冒但又沒有感冒症狀, 好唔舒服, 可能真係太chur了, 好彩呢種不適感去到四月尾慢慢消失, 真係要好好鍛鍊體能)
最長的路途
攰到反艇
沒有奇蹟只有累積
多謝朋友仔陪我顛
大自然療癒力
山系阿禪
去到長咀入口喇
下一站長咀
沒有留言:
張貼留言