凶

只能用一個字來形容她,

"凶"

對,是”凶”,不是”兇”

看著她的樣子和感受她的態度,我已找不到其他形容詞,

好恐怖兼乞人憎,

未見過d人EQ咁低,鐘意將公司變成自己屋企,隨便撒野

偏偏,這些人永遠係你o既上司

年貨

昨天跟媽媽去辦年貨,

其實所謂辦年貨,都係趁下熱鬧,因為媽媽早前已經買左好多野。

去到市中心,真係明智的選擇,因為如果下星期先出來,一定好似淪陷咁,

下星期天我跟媽媽都認為留嚮屋企會好d(出面太多人了)

我地諗住買張浴室地毯,不過揀唔啱,無買到,

跟住買了d keroro揮春同利市封(唔明點解阿b咁鐘意個幾隻”怪獸”)(媽媽仲破天荒因為個孫而買卡通利市封)

媽媽買了一對鞋,我就去左ans買左個袋(ans大減價,實在不容錯過!),就當係去唔成旅行,慳左筆錢而買俾自己o既禮物啦!哈哈

一切隨風

很多事情,也逃不過這樣的宿命

當你很想追求它時,你會用你最大的熱誠與耐性,奮力地爭取,希望有一天,你能擁有它。

但當你耗費了多少青春與心力的時候,才發覺夢想已經變得遙遠而虛無,意興闌珊,再找不著當日的勇氣與衝勁,

一切隨風。

緣,自會隨風轉。

唉

很可惜…….

斷背山男主角英年早逝 (明報) 01月 23日 星期三 10:10AM

電影《斷背山》男主角希夫列達被發現在寓所床上赤裸倒斃，附近更發現安眠藥，警方稱，暫沒明顯證據屬自殺案。

美國    紐約    警方表示，希夫列達約了按摩治療師到家中服務，當按摩師到達時，發現他赤裸倒斃在床上，身旁有安眠藥，但暫沒有證據顯示他是自殺。

希夫列達的發言人表示，他們對於意外深感傷痛及震驚，希望記者尊重他家人的私隱。一批「狗仔隊」已在他家外聚集。

希夫年達終年28歲，在2006年曾因主演電影《斷背山》而獲提名奧斯卡    最佳男主角，而他最後一齣電影是《蝙蝠俠黑夜之謎》，他在片中飾演小丑，電影尚未公映。

曾與他拍攝電影的米路吉遜表示，他曾對希夫列達有很大希望，但料不到剛起步時，就失去生命。希夫列達原籍澳洲    ，於19歲時移居美國，拍攝電影。

希夫列達曾於去年11月向紐約時報記者透露，他扮演小丑一角，感到壓力，他形容小丑的角色是心理變態，沒有同情心，喜歡殺人。他指出，每晚只可睡2個小時，腦內不停思索，身體已抵受不起了。

呢幾日

這幾天都睡得很差，常常發惡夢，又常常醒，攪到個樣好殘咁。

 

剛過的星期五，極累！這種角力賽好像久違了。事情還未知結果，很累人，雖然都打定輸數，但總希望有奇蹟，奇績wor，咁易咩？定係結果同人生都係咁上下，無咩驚喜？(你們也知道，我最唔開心，就係唔可以去朝聖)

 

星期六跟Y小姐、J小姐、B先生、N小姐和她的F先生去了double star吃tea，我點了一個勁難吃的blueberry cheese cake，真係未食過咁難吃的cheese cake，大家千祈唔好試佢個度d cake。雖然同工作地點頗近，但我真係無咩行過新都會，原來個度有好多外表好似幾ok　o既食肆，有機會真係去行下街先。

 

星期日跟媽媽喝茶後，便去市中心配隱形眼鏡，咁快又一年了。行左一陣已經唔想行，實在太多人了！之後去到街市，比商場仲要迫好多，我越來越怕人多的地方，好似會窒息咁，買了很多野，好重呀！加上未買哂，去到屋企樓下個街市又買過，返到屋企已經散左（好明顯成日都唔陪阿媽去街市）。是夜打邊爐，不過，今次係我提議，我喜歡在家中打邊爐，因為d野會好食d，不過媽媽就要做到暈。

長命咳

好了兩天，又咳了，何時變得這樣弱不禁風？與外表不相襯WOR

不想看醫生，太懨悶了，媽媽便買了不知名的成藥給我

奇難吃的藥水！

一邊吃，一邊嘈（當然係有點誇）

阿b問我係咪咳咳，我就扮喊（細佬都呃）

點知傻b即刻抱著我的頸，還拍拍我的膊頭

冧死啦，抵我咁錫佢啦

花茶

雖然我不是常喝花茶,但卻很喜歡它的”優雅”,每一次喝都覺得好”有性格”同”有氣質”(好明顯辭窮,咁o既形容詞都得)

最深刻印象是很多年前,在肇慶某酒店喝過的玫瑰奶茶,簡直一喝傾心,在香港已經找不到那種味道

今次喝的是蜂蜜玫瑰花茶,淡淡的玫瑰香味,配上清甜的蜂蜜,好滋潤,最重要是它的賣相,好優雅!

飯局2

昨天跟兩位朋友去了富記吃飯(這可是願意去的飯局)

點了一個香蒜蒸肉蟹、脆皮海鹽雞、上湯芥胆和踏雪尋梅(有蛋白、蝦仁、芒果,伴餅乾來吃,)

四款菜都好吃,最喜歡那個蟹,白飯沾上了蟹汁與香蒜,好惹味。

這間飯店價錢偏貴,但味道不俗,款式多,偶一為之亦未嘗不可。

有興趣的朋友可試試它的法式片皮雞(內裡夾鵝肝),幾特別

飯局

 

終於，我都出席了這次飯局

吃了藥，眼訓得很，成餐飯都雲遊太虛咁

不停吃，還不停吃，沒有說太多的話，

總覺得自己是outsider，係唔係度都唔重要，

但無奈地，佢地都需要一個夾錢的紙板人．．．

O黎緊又有兩次類似的聚會，

好鬼煩呀。

 

終於都等到星期五，快d捱埋聽日就可以

重光一天咁多

好轉

反反覆覆,昨天又看了醫生,嫌錢腥,

今次的藥好像好些,(其實係因為轉了醫生),吃了後不會太散,

咳少了,現在只是有點眼睏,

心情也好了些,

只是想到今晚的飯局,便有點不開胃了,

聽著她們的說話,真係好想唔去

幾時先等到星期六?

心情有點．壞

可能病，還沒有完全好過來，

人，始終有點消沉。

星期四有一個很不想出席的飯局，

很不想去哦．．．，

其實類似的飯局已推過很多次，

但出來做事，呢d公司o既俾面派對似乎唔可以推太多，

放工都要對住d唔鐘意o既人，唉

病

捱了兩天,終於敵不過病魔,看了三百元醫生(簡直搶錢)

今天請了病假,從與一姐的對話裡,感受到她那份煞氣,

也是的,今天輪到佢同我一個week,可能佢覺得我有心避佢(問心個句,真係唔想對住佢)

但我最飲恨的是,今天是星期六,我又蝕了半天,

從來我也沒有甚麼事業心,有時總想在weekday病下,’(番查記錄,原來兩年來我只請了一天病假??)

對上一次病仲衰,星期六病,病假寫在星期日,我叫醫生也省回這假紙了,

好明顯犯賤吧,永遠放假才來病,

今天由早睡到夜,現在才有點點意識,好想又煲碟,但卻沒有mood,等夠鐘食藥後便睡…..

愉悅

聽著你說”愉悅”這兩個字,真的久違了

雖然它跟現實還有一段距離,但總好過無吧

要知道在若干年前,這樣字眼已是絕跡了

08年,希望你會有個好開始

元旦

昨天為08的元旦日。

跟Hello B去了pizza hut, 叫了她最喜歡的兒童餐,仲有一個bear bear送俾佢,攪到佢咁開心,之後阿B就叫隻bear 做Pizza bear bear。

吃完後,去了玩具反斗城,班細佬係反斗城真係好瘋狂,阿b係裡面走來走去,玩完呢樣又玩第二樣,非常enjoy,不過阿b好好呀,玩完係放低,沒有嚷著要買(定係未識?),姐姐確實調教得不錯。最後係我話買野送俾佢,佢都話唔要,真係一個傻b。

離開市中心,相約了Ms S來一個Tea,還收了一份聖誕禮物,呵呵!

夜晚去了姐姐家打邊爐,無錯,又係打邊爐………………有點暈

吃得很飽,大夥兒忙著洗碗,執抬,我就繼續同阿b玩,佢好乖呀,同d公仔蓋被,”講”故事,還抱著它們,哄它們睡,好攪笑(按:今天我返家時,她又拉著我說,豬豬已睡了,並已蓋好被子了,見到佢咁得意,真係攪到我好開心)

能夠跟hello b過元旦,真係好開心

返工

終於都放完呢個悠長假期，如果我仲係留響到做的話，相信又要等下一個聖誕先可以儲到咁長o既假，好傷感

 

今日起身返工，唔係唔想返，係直頭唔想撈，好嚴重。

 

而家o既希望已經放農曆年個3day，人生的意義膚淺如此

 

係公司，好唔實在，

 

而家又係得番我同老闆，好懨悶，有時真係好想返同事們o個d working hours,起碼對少佢一個鐘

不翼而飛

唔見左兩篇留言

激氣

Testing

testing