子游與天空之城 ~~~~~~ 風帶著他走上 最長的旅途 一路跟著晚霞 再沒有停下 擁著溫暖星光 也吻過夜裡的花 一路肆意流浪 還記得故鄉嗎 任生命穿梭 時間的角落 它靜靜看著人們 愛過和恨過 隨時間漂泊 隨它忘了或記得 他離開她的回憶 重複地活著
星期六去了阿始最喜歡的Royal Pacific食din buffet。食物都係保持一貫水準，今次最驚喜反而係坐o既地方。事緣平時去royal pacific食都係兩、三個人，一直都被安排坐係大廳，不過好好彩每次都係坐都窗邊，如果坐係攞野食附近地方就會好disturbing。因為今次有8個人，我都好驚會坐響個d長枱位置，但因為唔係太清楚o個度o既setting，所以都無特別request坐係邊。點知今次好開心，原來佢有一個地方好似一間貴賓房咁，可以放兩張大o既四方枱（不是長枱），而且有地毯（大廳無），仲係坐有柄的梳化椅（大廳都無），地方好濶落，salad b係到行o黎行去都無問題，
最緊要係有一個私人空間，唔洗同人迫，d人又唔會disturb到你
。正！
另外，上星期同同事去了東涌吃buffet（都當係公事），折後＄200一位，食物就普通d啦，無咩驚喜，都有魚生o既同生蠔，不過想平平地食一餐，都可以考慮，但就話要早成個月去book wor。
或者人大了,總愛懷緬過去,
而這個過去,通常都比現在美好。
最近不停尋找昔日所過的生活,很想再做一些從前喜歡做的事,
希望找回一些東西。
拿來一本塵封的小說,兩年半了,一頁我也沒有翻開過,它就像其主人一樣,時間停留在那個時候,被人遺忘了。
它是我那未完的小說，我終於鼓起勇氣，細讀一遍，怎麼了，原來我已寫了十萬字，這曾是嘔心瀝血的十萬字，那時候我怎會讓它停下來，胎死腹中？
十萬字的心血，怎麼在這段日子變得一文不值？我對它又為何如此陌生？
當我看著它的時候，曾有一剎想過，不如再寫下去吧（扔掉十萬字好像很浪費），但轉頭又想，我是否仍有昔日那份情懷？
倒不如再創作一個新的故事吧（正如J先生說：”你應該有可以寫的題材”）
這個，也可以想想的，
但想，
又不知要再想多久
昨天跟朋友仔去了小肥羊,
原來荃灣的小肥羊是有任飲任食的,咁幾好wor,因為其他分店要散叫,價錢貴而且人數少的話試得唔多款,任食就可以試多d同價錢平d。
近年打打邊都少去了旺角的酒樓,最多去就是小肥羊同稻香(或者大家都好景了少少),最喜歡小肥羊是它的湯底,夠濃,肥牛好吃,(雖然我常被人質疑我不愛吃羊,點解會鐘意小肥羊?), 稻香也不錯,但我最愛它的竟是其混醬,無錯,個醬真係好好味,當然佢d食物都ok,但我覺得佢個selling point應該係d醬。
話分兩頭,打邊邊都幾heavy,我的戰鬥力已不復當年…………所以好快就好飽咁….
其實我最鐘意都係係屋企打邊邊,因為可以買哂我鐘意o既野食
終於結束了……
Audit完了，其實我沒有特別感覺，反正就算俾人check到有問題，我都覺得無咩所謂，反正都係internal之嘛，但上星期真係有d壓力，唔係怕俾人捉到錯處，純粹只係怕累到阿凶考唔到第一（一如所料，佢真係考到No 1，auditor讚佢做得非常好，已check了9成office，阿凶個office做得最好wor），佢當然係心花怒放，我同d同事都好開心，大家唔好以為我地咁有事業心，因為如果佢考唔到第一，我地幾個都要陪葬
。
講開audit，我發覺自己做襯d工都要成日俾人“審查”，而家呢度一年兩次（internal and external），以前舊公司就要考ISO 同5常法，成日俾人check住哂，加上我處理paper work都幾亂下（哈哈），所以真係好煩。不過相比以前，而家我都唔係咁緊張（壓力只來自阿凶一人），反而以前就慘好多，考個d試等如成份工o既全部，我仲好記得那年開大會時，大老闆（我至憎個件）問我有無信心考到5常法（因為那時我in-charge呢個試），我唔知邊度o黎o既勇氣答佢：盡量啦。佢當然嬲到噴火咁，仲話：唔係盡量，係一定要！
而家諗起佢個樣都好好笑，但我對佢o既憎恨到而家都無減過！因為呢個試年年都要番check,鬼唔望佢一年衰過一年！
昨天放工便會合了CY（明明唔係約左佢，但最終應該出現的沒有出現，無心插柳的她卻出現了
），想來，我和她很久沒有一起吃午飯了，最經典係CY竟然肯去銅鑼灣（為了就我去做facial），我們去了皇室堡對面的商場（唔知咩名），又去了意粉屋，大家唔好以為又係我o既主意（雖然我都好鐘意食），不過今次係CYo既意思。怱怱吃完個午飯，我就趕住去做facial，CY亦好緊湊咁趕去下一場gathering
。今次做facial真係大件事，事緣我已經發現左我d眼紋好耐，但一直無理會，不過最近好似多了些，好鬼驚，
未老先衰咁，我好少買眼部護理產品，最多都係買過d cream搽下，不過都無咩特別，今次諗住問下個美容師有咩介紹（可謂自投羅網），其實上次去已經買了d補濕產品，今次當然都唔少野，買了一支eye cream 同一支eye mask，兩支好細o既野已經係大出血！希望真係work la!本來諗住去sogo o既ans買個袋（因為係sogo 有＄100 coupon），不過最後都決定唔買（住），或者我之後會唔鐘意呢（幾天真？？）
女人錢，真係好鬼易賺
不過買下野，有時真係幾開心
short short 地
昨天返工等巴士期間,看見三婆孫(我相信他們的關係是這樣)一路朝著托兒園方向走去,期間個媽咪(二十出頭)不停咁同個小朋友講(約2、3歲的男童), “你快d跟我講死x街啦”(原諒我唔可以打埋個X字), 個小朋友呆哂咁,佢媽咪又重覆叫佢快d講,最經典係個婆婆話：”咁細個唔好教佢講住啦，等大個d先啦”
救命！簡直係荒謬！全場人都為之側目，排係我前面個女仔仲好大聲話：癡線！
我認得個阿婆住係我個座樓，於是將情況話左俾媽媽聽，媽媽一聽我描述已經知我講邊個，仲話佢成家都講粗口，個阿婆仲湊大好多個內、外孫，其中媽媽見過佢一個已經十幾歲o既孫變左一個飛仔。
天呀！其實唔想教又何苦要生呢！咁樣真係累左好多人呀！
我又係屋企開了個”懷舊金曲”演唱會,放假嘛,就是這樣
清明節,由於三月已經拜左山,所以變得好得閒,相約了兩位朋友仔唱K,(不明白何以要揀係清明才相見
)好耐都無唱k,新歌都唔係太識,唯有搵返d舊歌來唱,明明有個din buffet ,我地又唔知點解咁 hea, 無咩攞野食,想食時已經無咩款
,不過就越唱越想唱,無咩意思走,還得朋友提醒:”你聽日唔洗返工咩??”(真係一言驚醒,其實我一直都記得,不過就真係唱得太投入,個刻完全無諗過返工早起o既問題)咁我地先至決走la。
返到屋企,唔知係咪仲咁亢奮(咁樣形容唔知對不對), 失眠呀,係嚴重失眠到5點!!好誇,返到公司個樣好死,好彩阿凶心情ok,佢又掟左好多野俾我對,咁我先至無訓著。
放工後約左多月不見的W小姐,雖然只是怱怱一見,不過我覺得我地已經好好,起碼我地都知大家無失踪到,席間談及了一些朋友的問題,多年來,我們的角色都沒有太大改變,變o既可能係大家o既生活模式。不過下次我唔想一路食壽司,一路看住師傅係我面前劏魚,攪到我無哂食慾
(我們記住要出年一齊大攪生日!)
明天放假，其實無咩放假mood，因為一諗起星期六又見到阿凶就已經唔開胃
，連我老細都同我同事講：”佢（即我）都捱左好多個禮拜六．．．．．”
大家可想而知個種嘔電o既感覺．．．．．．
今天放工，有點不想回家的感覺（很少有吧，大家都知我好黏家），於是又去到荃灣（其實係之前買了件衫未攞），會合了路過的S小姐，又行了一會。不過今次我地再唔係買自己衫，而係掃bb衫，佢當然係買俾佢o個b,而我，亦當然係掃俾莎樂b啦（唔知我幾時可以買衫俾自己o個b呢？好像遙遠到係不可能o既夢想，不過，我當然都好開心買衫俾我至愛o既兒甥女啦
）
返到屋企，掛住同阿b玩同試衫，飯都唔想食，等佢返屋企之後，我先好頹咁扒完碗飯。
而家都唔想訓，但唔訓，又有咩好做？
最近不停找些舊歌來download, 人老了,便喜歡懷緬從前………….
人間 王菲
風 雨 過 後 不 一 定 有 美 好 的 天 空
不 是 天 晴 就 會 有 彩 虹
所 以 你 一 臉 無 辜 不 代 表 你慒 懂
不 是 所 有 感 情 都 會 有 始 有 終
孤 獨 盡 頭 不 一 定 惶 恐
可 生 命 總 免 不 了 最 初 的 一陣 痛
但 願 你 的 眼 睛 只 看 得 到 笑 容
但 願 你 流 下 每 一 滴 淚 都 讓人 感 動
但 願 你 以 後 每 一 個 夢 不 會一 場 空
天 上 人 間 如 果 真 值 得 歌 頌
也 是 因 為 有 你 才 會 變 得 鬧哄 哄
天 大 地 大 世 界 比 你 想 像 中矇 矓
我 不 忍 心 再 欺 哄 但 願 你 聽得 懂
但願 你 會 懂 該 何 去 何 從
藍色街燈 黎明
誰讓寂寞無言飄過
時光偷窺我倆的奈何
人如離別 此刻怨言若太多
如追悔 心中也自覺很傻
藍色街燈徐徐隱退
能否推開你我的眼淚
離別重聚 多少次離合告吹
遺失的一些再無法面對
藍色街燈 映不出的痛楚
流浪風裡 反覆低唱這首歌
藍色街燈 路已漸變孤寂
明日倘會 傷心失意 可掛念我
到底有誰能告訴我 郭富城
到底有誰能夠告訴我
要怎樣回到從前
有你在我身邊 拿生命換都情願
到底有誰能夠告訴我 要怎樣回到從前
隨風作流浪的夢 和你再相逢
請你告訴我 是誰說最堅強的承諾 如今卻變得脆弱
請你告訴我 是誰說要永遠地等候 如今讓我孤獨地走
轟轟烈烈 風風光光 我又曾經擁有什麼
來來去去 過過往往 真心付出結果又如何 請告訴我
