子游與天空之城 ~~~~~~ 風帶著他走上 最長的旅途 一路跟著晚霞 再沒有停下 擁著溫暖星光 也吻過夜裡的花 一路肆意流浪 還記得故鄉嗎 任生命穿梭 時間的角落 它靜靜看著人們 愛過和恨過 隨時間漂泊 隨它忘了或記得 他離開她的回憶 重複地活著
我：傻豬，知唔知自已今年讀咩班
沙律：上幼A！（A字讀起來時異常高音）
我：我同你一齊開學wor
沙律：咁你讀咩班呀?
我：（語窒）上…..上大A啦！
沙律：？？？
畢業了N年的我，終於又再開學。感覺異常有趣，因為可以同沙律一齊開學，她展開人生很重要的一頁，而我又再為自己的人生出發。儘管很多人對我現在才選擇再入校園而感到費解，我仍然深信這個決定是正確的。能夠沉浸於文字的世界裡，但願可以為小小的人帶來多少生機。
開學在即，不禁想起一些年少往事，想起那三年的大學生活，回憶雖不及中學時代豐富，但仍然有一些人與事令人很唏噓。時至今天，究竟學會了多少？
正在努力學習的，那怕仍是， 放下眉頭
無論面對朋友、工作，還是懨悶的感情世界，都需要學會，也務必要學好
很喜歡許志安“單手擁抱”裡的兩句歌詞
“這世界已經寸步難行，不需要有這個你來做我敵人”
吸一口新鮮空氣，再看看那些曾經相干或者從不相干甚至不應相干的人與事，
呼出的人生，才可以輕鬆一點
星期六文學邦去了阿始最愛的royal pacific 食tea buffet，慶祝K小姐的生日
$150一位真係好抵，魚生雖然弱了少少，但整體水平也不俗
我竟然幾鐘意佢o既雜菓撻（明明係好食的，大家竟然你推我讓
）
我首次沒有吃朱古力噴泉，奇怪
熱葷是普通了點，但味道不俗，特別推介pizza。
那青澀的歲月,已遙遠得不知往了哪裡去
櫻花樹下 張敬軒
昨天早上經歷了一場”鬧劇”後，
心，早已離開了office，一路等收工
由於返早了，所以可以1230閃。
一夠1230即刻打咭走，好彩剛剛有部的士，即刻跑上車，（當日係第三次上的士了
），飛的去青衣地鐵站（好豪哩，其實因為lunch buffet時間已經係12點開始,行去地鐵站要20分鐘,而飛的都唔洗跳錶），然後轉乘地鐵去了欣澳站，跟住等左一陣就搭”老鼠”車, 暫時得自己走進這個奇妙之旅。
去到廸士尼站才不過1時,但因為要等shuttle bus,所以要1點3先可以去到廸士尼樂園酒店,入到去已經係窗外o既米奇迷宮見到阿b係度跑來跑去,不亦樂乎,好明顯大夥兒已經吃飽了,四散去陪阿b周圍玩,而我,就要同時間競賽,因為buffet時間只係去到2:30,我都算大犧牲,哈哈,咁都肯揀呢個時間。
可能我晏入去,所以架車無咩人
這天其實狀態極差,受生理狀況影響,熱葷我只吃了這些,係咪好誇?
阿b給我”拿”的甜品(由於我時間有限,大家都輪著替我取食物,哈哈)
好多食物都係為小朋友而設，我呢個窩夫很好味
廸士尼o既character會滿場飛,你可以跟他們一一合照,但佢地永遠會被一班細路”重重包圍”著
米奇唔知叫阿b望咩野
我們所選的是位於廸士尼樂園酒店的Enchanted Garden Restaurant,環境非常一流,services也很好。至於食物,其實都不錯,最基本的buffet食物也有供應,當然是少了點驚喜,但o黎得呢度,食物係其次,最重要都係為左阿b見到d米奇,所以我地都滿意個氣氛
酒店的lobby,幾靚o
呢度夜晚o既buffet分兩場,每場兩小時，會食得hurry d, 反而下午人流較少,而且食到230，有兩個半小時（昨天其實3點都仲可以攞野食），所以如果純粹想俾小朋友感受下d開心氣氛（大人也很開心的，因為成場你都會聽到d細路係度歡呼o既聲音），食下午也不俗的
一口氣看了蝙蝠俠與Mummy,
蝙蝠俠：好好睇wor
無咩冷場，好刺激，兩船人決定對方生死一幕足見人性本善，猶見精彩。飾演小丑的希夫列格比主角還要突出，一路看覺得很心碎，佢又何苦咁入戲？
睇睇下又諗到＜斷背山＞，佢真係一個好出色o既演員，好懷念。（我也太入戲了）
Mummy：非常一般………….定係我地期望過高？
但也要多謝L再次提供的免費飛，讓我與阿C用騰出來的金錢買爆谷汽水。
跟頭兩集真係無得比較，故事簡單也不要緊，但就沒有一幕是特別緊張刺激的，“兵馬俑”可塑性很高，但沒有好好利用。西方人不及我們東方人好看，哈哈，最突出的個人認為是梁洛施。
完場後同C去了OPA，各有收穫，這陣子真的買了很多
