蛋糕

減甚麼肥？

從沒有節制的吃，想瘦才難。

最近吃了幾次蛋糕，很過份，但又很開心。

與友人係朗豪坊的starbucks度hea，點了兩杯Mocha同一件藍梅芝士蛋糕，個人認為Mocha有點失色，但件蛋糕就幾好味，有時找個地方hea下其實不錯，starbucks的環境與食物質素都不俗（也是高消費），但相比以前係X發茶餐廳叫兩個十幾蚊下午茶然後霸人張卡位成個鐘的日子，今天好像欠缺了甚麼似的。

其實那天想到Italian tomato食件cake,奈何友人選定了starbucks，唯有作罷。之後係無心插柳的情況，係第二個地區發現了Italian tomato café的踪影。咁就即刻黎一個dinner。其實對上一次去呢個café，已經係年前跟S小姐慶祝生日那次了。很懷念它的意粉。今次點了辣汁吞拿魚意粉（特意點了少辣，變到好似無味咁）、我至愛的忌廉煙肉雞蛋意粉、芒果芝士撻（唔係好掂），餐湯是南瓜湯，好味。記得以前我們有甚麼喜慶事（其實都唔會係特別喜慶，只係比平時好點），除了去royal garden吃宵夜buffet，還會到尖咀Italian tomato吃dinner buffet，不過而家連尖咀的分店都關了，其他分店也不見得有buffet吃。而大家聚會亦都好少去呢間café，所以今次去吃都有少少懷念。以前食“好野”會令我們開心些，不知現在又可不可以？

單刀赴會

坦白說，大家說我衰我也要說，我曾經想過不去的。

好掙扎，因為我從未去過一個飲宴，我只是認識新娘一人

而這位新娘，亦是中學畢業後已沒有聯絡那種（我和她最近三、四年才聯絡番，但也局限於一年見一次，甚至不見那種），

weekday兼係港島區，真係好掙扎

最後，我的良心還是戰勝了我的心魔。

這也由於半年來發生的一些事，她邀約我做姊妹，又親自送帖到我家等．．．．．

我八時八才抵達會場(都唔係真係咁遲ma)，真的糟糕，所有人都入席，燈也關了，reception都沒有了（想放低份禮然後閃都唔得）

幾經辛苦，才跟新娘講了兩句，我被安排坐的位置亦給人坐了（有兩個曾經熟悉的面孔，對我也似視而不見），新娘的弟弟堅持要找個座位給我才可以開始儀式（暈，全場都好似等緊我，我去了好多圍都無位，瘀到想死，過街老鼠又一明証，哈哈）

最終，我勉強找到位置坐下了。短片亦隨即播放。

那刻以前，我覺得自己對新娘子真的有情有義，十分滿分的話我呢個朋友都有九分吧。

但，看著那條短片，

我竟然見到自己與她的合照（當然還有三數人）（如果其他好友結婚見到自己不出奇，但我跟她吧？實在太震撼）

我確實有點動容，除了出席這場飲宴，還可如何報答這份“情誼”

雖然我沒有吃至最尾（實情真係好悶），不過我相信她也不會怪我。

恭喜您！我的老同學！

黑色幽默

是夜伴著我的，還是許志安版的“有了你”

你說得對

有時候，也要為自己鼓掌

也想寫一個“服”字給大家

這種黑色幽默，在年月的洗劫下，竟已進入化境。

無論是一部電話，或是一部相機，

價值不是關鍵，背後的意義才最磨人。

難得的是，無助的人仍可以以最無力的方法，幽自己一默，

哄哄自己，

也讓時間，過得輕鬆點。

這也恰恰說明，我們為何最不得人寵愛。

獻世

獻世  陳小春 我沒有膽掛念　你沒有心見面　試問我可以去邊 只要我出現　只怕你不便　亦連累你丟臉 你是我的秘密　我是你的廢物　缺席也不算損失 今晚你生日　祝我有今日　地球上快消失 眼淚還是留給天撫慰　你是前度　何必聽我吠 再不走　有今生　無下世　你是否想我　起這個毒誓 寧願失戀亦不想失禮　難道要對著你力歇聲嘶 即使不抵　都要眼閉　我這種身世　有甚麼資格　獻世 我共你不夠熟　眼淚也比較濁　 也沒氣質對你哭　不介意孤獨　 比愛你舒服　別離就當祝福 即使不抵　都要眼閉 我自卑不怕　有自尊只怕　 怕獻世

又係日本野

又為了證明我這陣子對日本菜的瘋狂程度,特別挑選了早前一頓晚飯的照片

(照片質素不好,但食物好好味)

北寄貝刺身

芒菓加洲卷

清酒煮蜆

餃子拉麵

朋友們,下次吃飯時,中西餐也好,千萬別讓我再吃日本菜了,哈哈

賊船

星期六，酷熱天氣警告生效。

放了工，理應去玩

但我要去做瑜伽（我唔覺得係玩）

 

因為佢係高溫瑜伽。

諗起都驚

 

點解會上了這條賊船？

也不細表了

只知道，還有三十幾堂！！

 

我拖住疲憊的身驅（好明顯係心理影響生理）去到旺角，時間尚早，去了潮流特

區逛，好耐無去過了，看中了很多心儀的玩意，一架煤炭屎o既木頭車，勁得意，一個由瓷器做的龍貓手飾盒，一隻兔公仔（太低能，但好可愛），仲有一個朱古力公仔屋（飾物盒），個一刻真係好想買左間朱古力屋＄68，但一諗到屋企已經無咩多餘位置，只好作罷。

 

行了一陣，就去做yoga，我早說過不喜歡旺角這間分店，因為尖沙咀個間太d，靚d，又無咁多人。呢度就好細，又多人。可惜尖沙咀個間已經close了，唯有去番旺角，點知今次去仲衰，兩間yoga房已改成spa房，浴室由十多個改為五個。同一時間有三班上堂，每堂就算只有十人都有成三十幾人要沖涼，有咩可能得番5個浴室？？真係好唔掂。唔知係咪好快執笠？可唔可以refund番？

 

講番我呢堂yoga，係出面已經熱死，入到去間房差不多有成四十度，我基本上做了一分鐘已經感到虛脫，做一小時近似係中暑咁。做完出來我成個人“攤”左係張sofa到，死左咁。

 

本來諗住行下朗豪坊，但我真係好似跑左幾十個圈咁，無哂力，所以只可以打道回府。

 

都唔知仲可以捱多幾多堂．．．．．．

一年一度

早幾天跟朋友仔去吃晚飯（一年一度），朋友仔選定了日本菜（又係日本野，不過今次唔關我事la，其實好多人都鐘意食日本野），本來諗住去和民，點知多人都暈，於是去了元祿，等了十多分鐘便有位，我已經N年無去過，但食物好似進步了些。

兩名女子竟然點了：

牛肉豆腐鍋（一般水準）

廣島吉烈蠔（唔掂，千祈唔好叫）

牛油帶子(唔錯)

小辣冷麵（幾好味）

北寄貝沙律壽司（一般水準）

芒果素麵壽司（唔錯）

三文魚壽司（一般水準）

仲有兩款唔記得係咩

 

好大食咁．．．．．．

不過我覺得只係剛剛好（想唔肥都幾難）

 

我跟朋友仔說，明年今日呢個時候，我應該會好窮（其實一直都係，不過情況會更糟），所以今次要食盡d….

別人的Blog

其實我喜歡瀏覽一些不認識的人的blog，有時甚至會加到我的最愛。看著別人的故事，也蠻有趣。

其中有：

1)“她”是一個很幸福的小師奶，養了一隻賓尼兔。Blog的內容主要環繞她的賓尼兔、與丈夫的生活逸事、推介美食、旅遊景點等。題材很豐富，也很好看。有時不開心看看，心靈上也好像富足了些（明明不關自己事）

2)“他們”是一家三口，其實blog中的男主人開了一間餐廳，我又唔知點解好鐘意間café，吃過後上網找尋有關呢間餐廳o既資料，誤打誤撞去了他們的blog，裡面主要記載老闆那四歲女兒的生活趣事，好得意架。

3)剛發現不久的。Blog主好靚女架，從她的文章可知，她是一個很有愛心的女孩（我好主觀），而且好有藝術天份，會整好多好得意o既手工藝品，雖然我同藝術無緣，不過都好鐘意佢o既作品。

 

其他：

說“她”是其他，因為起初覺得佢o既blog好看，但越來越發現佢同我心目中

o既佢有d唔match（但好明顯我唔識佢，幾主觀）。佢是一個年輕作家，（我想是年輕的），多才多藝，會彈琴也會跳舞，最主要係一個小說家。本來覺得好勁，但佢所寫o既野真係唔多似一個作家，（可能係我自己o既偏見）無咩深度咁（我對作家好像要求會高些，雖然無資格批評人），太過人化，她對自己新書有很多錯字亦會用：）呢個logo來形容，救命

 

其實我唔鐘意看，就唔好看啦，但又好想抒發一下我o既感受，好矛盾

宴

一覺醒來，才星期四，幾時先等到星期六的中午？

昨晚是祖母的大壽，去了市中心的客家好棧，見到很多很久不見的人，包括我那移居美國十多年的堂姐，她的女兒已經八歲了，但異常的扭計，雖然是鬼鬼地，但感覺始終是黃種人，不停以英文來撒野實在令人不太喜歡。

另一位堂姐只比我大一年，兒子也快要一歲，salad b 不停摸著他的頭，然後又說：“你係小朋友o黎架”（其實salad 都只不過係2歲半o既小朋友，已經扮大姐姐？），兩個小豆釘不停交流（但唔係好知佢地講咩），但佢地有佢地溝通o既方法，玩得好開心，小小b仲扯salad d 頭髮，salad只係皺著眉，竟然不懂”反抗”（我同二姐就看得好開心，大家都說俾salad扯頭髮扯得多了，而家佢終於都被人扯了，呢兩個auntie真係不得了）

而係呢d場合，我總俾人圍攻著一個話題，祖母每一次見我都會問那枝柺仗幾時先o黎同佢祝壽。我由早幾年笑哂咁答佢，到而家答得越來越敷衍。（幾乎已經無野好答），跟住，班阿伯阿叔又問（八）你究竟點架，你唔細了（鬼唔知）真係好嘔電。

繼續聽歌

有了妳         詞：鄭國江　唱：陳百強
電影「失業生」主題曲

有了妳　頓覺增加風趣
我每日每天都想見妳
那懼風與雨　那懼怕行雷
見少一秒都空虛

有了妳　頓覺輕鬆愜意
太快樂就跌一交都有趣
心中想與妳　變做鳥和魚
置身海闊天空裡

並著翅在飛　輕鬆自如
同吸新鮮空氣
游來又游去　湖海多美
拋開人生的顧慮

心中想與妳　變做鳥和魚
置身海闊天空裡

早兩天找來了許志安版的有病呻吟,這版本其實是一首串燒歌,他同時選唱了這首”有了你”,很幸福的歌,但不知為何唱得很傷心

他之後唱”有病呻吟”時,一路哽咽,唱到這幾句時,更有點崩潰

不要緊　請辜負
或者傷風比你更可惡
從病榻上回顧
其實愛你太辛苦　何苦

真的,

何苦

1/2聚會

是次聚會少了1/2人,不過以我們來說,倒也不錯了

去了朋友的朋友所開的bar,在傾盆大雨下坐在露台,談著兒時好笑之事,真的攪鬼

久違了的snowball,今次好像苦了點

J小姐身體不適,只點了fruit punch,

另外S小姐,喝了很多,但不知是甚麼

喜見S小姐那久違了的幸福微笑,總希望你可以幸福些。

十多年沒談及的話題,今次竟然回想起一件極好笑的往事,

原來當年你們的參選歌曲是周慧敏的”孤單的心痛”,幕後”軍師”竟然係我

當然,係”慘淡收場”

是夜,不宜聽歌

找來了由許志安演繹超級心碎版的”有病呻吟”,他幾乎只唱了半首

有病呻吟

作詞：林夕　作曲：林健華　

想喝水　給我水
或者高燒可勉強減退
然後鎮靜情緒
忘掉我這裡應該　有誰

不要想　只管睡
肉體安好不要怕心碎
無謂繼續麻醉
期待你會賜給我　藥水

如果失戀註定逃不過
逃到病床前　才明白更多
和你分手都也捱得過
然而這夜為何
無能力退燒　多麼錯

不要緊　請辜負
或者傷風比你更可惡
從病榻上回顧
其實愛你太辛苦　何苦

誰說失戀總會捱得過
捱到病床前　才承受最多
和你分手都也捱得過
為何徹夜難眠
良藥就算苦　請給我

然後,是容祖兒的”何苦”

曲：伍樂城    詞：林夕    

陪你遊過微風     時間溜過瞳孔
情感流失浮沙的擁抱中
誰對誰錯誰改     並不等於我們仍舊相愛
自相識以來  用眼淚填海
應讓早要講  離開

從微笑投入流淚遇溺     都因一個人
何苦  難為身體髮膚
從煩躁平靜沉睡夢醒     都可一個人
何苦  需要  在乎 

微笑還有餘溫     未必等於眼神仍舊吸引
記憶雖永恆  越美越殘忍
怎麼可再三重溫

從難過甜蜜無論甚麼   都只因一個人
何苦  難為身體髮膚
從埋怨期待原諒自欺   都可一個人
何苦  需要  在乎
何苦  逼你  在乎

林夕的詞會殺人

然後,有劉德華的”無出息的漢子”

作詞：青介　作曲：Dick Lee

這般傷感氣氛　這天嚴寒氣溫　能將這曲折的愛情
冷靜　動人或煽情　傷痛與激情　得一個我在聽太多
溫馨昨天　太多濃情碎片　和一生不變的愛情
太靜　是何樣摯誠　得我說不停　得不到你和應
如同沉睡恬靜躺在著安心歸去　安息中寄居
天意註定這般的結束　停住以往幸福
無出息的漢子　曾呼天搶叫像瘋子
此身的快樂藏身於　那回憶的往事
仍只得你在心　無依暗暗在滲　這生得灰暗
無出息的漢子　情深的彷似癡　無心再有下次
無出息的漢子　這生的愛情　不會有下次

意粉痴

早前去了和樂日式意粉屋（個名好似係咁）試它的意粉。

叫了一碟白汁大蝦意粉，份量少得可憐，，夾兩三次就食完咁，但味道都不錯。

香腸有三款味，原味、芝士及黑椒，都ok, 肥死。

凍朱古力好好味，不過都係肥死。

咁食法點會唔肥？

但作為一個意粉痴，我都係鐘意意粉屋多d

Tapaz

上次去Tapaz晚飯的照片

西班牙炒飯，無咩料咁。唔知點解要煮成四十五分鐘

Sangria生菓紅酒。白汁煙肉天使麵，好味，但好細碟

環境都ok，但因為附近有live band，有點噪。

 

天下老闆一樣黑!

很討厭,實在不吐不快!

原本，有一份project要今朝上呈總部。

其實我上星期三已經做完，只係等老闆批閱。

點知佢三番四次話留番星期六先同我傾，（佢個幾日唔係忙，佢唔睇純粹因為佢懶）

我同佢講想上星期五交，（費時夜長夢多）

佢就話：“10/6先交，仲有大把時間啦，你星期六返工嘛，唔會請假啦，星期六先傾啦”

咁我就由佢

星期六，黑雨。當然無返工

因為良心，我竟然想打俾老闆，唔係顛到話要返工，係想問佢10/6洗唔洗早d返，因要趕及deadline交功課。

好彩，我呢個良心維持左十分鐘就變左心涼，點解好彩？

我發覺呢d人真係唔抵可憐。

話說我今朝返工，水都唔斟就幫佢打份野，佢就係我耳邊不停講番黑夜個日，佢話如果十點幾除下黑雨（我個日放工時間係中午一時正），就諗住打俾我，然後車我返工（佢住係我附近），變態一。

跟進佢話12點幾打番公司無人聽。變態二。（唔知佢想邊個聽電話，因為星期六只會有我和另一位同事返工），佢意思好明顯係份project 咁urgent，點解除左黑雨我都唔返工！

變態！

如果唔係佢咁hea，前幾日唔肯做，份野點解會咁urgent??而家好似仲怪我唔返工！

公司有規定，黑雨除下後要2小時內返抵公司，除非已屆放工時間，當日11時才除下黑雨，剛剛fulfill左佢o既規定。佢話10點幾除下黑雨就車我返工，好明顯佢連半小時都同我計，如果咁計較的話，我都唔洗同佢講良心，好彩無打佢話今日早d返！

深圳半日遊

星期天原本跟媽媽、舅父去飲茶之際，誰知跟舅父閒聊時，大家都忽發奇想話不如北上。兩甥舅不約而同說起同一間餐廳（其實我們都是聽同事說過），便決定不飲茶，北上去了。媽媽對我們的“即興”都顯得有點摸不著頭腦。

由於大家都唔係好知地址係邊（淨係知係落馬洲新口岸附近），但我家只有車去皇崗，所以決定先去皇崗，再轉的士。同的士司機糾纏了一會，係我地提供

有限o既資料下，佢真係車到我們到門口。而且車資只係＄13，其實好近。

我們目的地其實叫“大漁鐵板燒”，$150一位任飲任食(不用加一，更是謝絕小費)，沒限時段，飲品包括啤酒、日本清酒、鮮榨菓汁等，食物更是多不勝數，師傅會在你面前即席燒烤，除了一般刺身壽司天婦羅，還有大量海鮮，扇貝、蠔、魚、蜆、蟶子、蝦、豬、牛、羊，可以有很多煮法（我吃了兩碟沙律蝦，佢地話我Short左），還有日式粥粉麵飯，甜品．．．．．我都覺得我地食得好過份．．．．．我們身邊還有一些港客來吃。

戰鬥了兩小時，我們終於投降了。本來諗住係附近行一陣（其實都無咩野好行），但媽媽歸心似箭（要煮飯俾個孫食，真係好堅持），所以我地走了，不過因為媽媽未去過新口岸，我地就徒步15分鐘，經落馬洲新口岸返香港。

是夜，我並沒有吃晚飯，因為真係好飽。