三天成與敗

三天年假完成了

1.          拜年

2.          煲碟(真的樂此不疲)

3.          到二姐家玩

4.          草草看了村上春樹的 ‘挪威的森林’(跟朋友仔談論過這本書，大家意見有很大分歧。讀後感嘛，有很深的感慨，但暫時寫不出，不過大時大節也不應看這樣灰的讀物了)

 

計劃做但沒有做的

1.          Draft小說的大綱，諗都無諗過（今個sem要交一篇小說）

2.          搵presentation的資料，又係搵都無搵過

3.          執下個書櫃，望都無望過

4.          整理下那篇回憶錄

年宵

昨天做facial，在地鐵看見人潮，才意識：有年宵行

其實不是不知，只係唔醒起

維園的年宵真的萬人空巷．由地鐵站行去做facial的路簡直水洩不通！

我一向都無行維園年宵的習慣，有時家人會去行屋企附近的年宵，但規模細，人又多，無咩好買，點都無及維園咁多得意野

我見到遊人都拿住好多好得意o既牛年風車、公仔，好吸引呀！突然間有種好想入去o既衝動，感受下新年o既氣氛（都這麼大了，新春對我最大的意義不過是那三天紅日，唔會好似細過時買新衫新鞋剪新髮咁迎接，太無興味la)

可惜我無partner呀，人人都一家大細,拖男帶女,扶老攜幼咁,我一個人入去太脫俗了吧,平時一個人食飯行街都仲可以，但行花市一個人好像真有點奇怪！（遲幾年進化到咁都話唔埋），所以最後都無入去。

走左後就開始有點後悔（點解會後悔，平時都唔行架啦）

為左彌補心靈上的缺失，今天我買了很多東西！（又係借口吧）

1)一對鞋(看中兩對高價貨都無我size,最後買了一對平,質地是差些少,但都好架,平d嘛)

2)一件褸(但未有新貨,要過年後才有得攞,好靚好斯文的)

3)一個袋(跟媽媽看了四次,連媽媽都頂我唔順,勸我無折都買啦,其實上個星期都有七折了,但無買,今天原來歲晚大減價,除七折外,還再有額外八折!即刻買,真係好開心)

3)一件衛衣(這是昨天在sogo買的,又係大減價)

一口氣又買了這麼多,何其暢快!

祝自己和大家新年愉快!

早已學會，只是沒有學好

當於同一天遇上十件相當瑣碎但又不稱心的事，

到遇上第十一件瑣碎得極度無聊的小事時，便再不能按得下自己

讓情緒宣洩過來，讓自己再認真一點看看自己身處的環境

不用你在傷口灑鹽，我們也懂自揭傷疤

沉痛過後

為自己療傷過後

還是要活過來

還是要重新上路

～

sit左成個禮拜堂咁，極度折騰．．．．．

經過一輪add drop，終於都選定了科目

哈哈，早幾星期還誇下海口說甚麼”求學不是求分數”

我還是要向現實低頭，

因為，我一定要保住合格

加上同一個同學仔夾好一齊做presentation，

所以必需作出修定（大家知啦，搵一個適合的partner是很艱難的）

但今個sem選了一科我很喜歡的科目，希望真的會好好enjoy

 

今天和幾位朋友仔吃了”十年一潤”的團年飯

真的十年一潤呀！

閒談間有點”蒼涼”的感覺

始終大家都”老”了很多

也收到一些好消息

祝福你們呀

梅蘭芳

2009年我最期待的電影，非<梅蘭芳>莫屬

 

大家說我偏私也好，但我覺得Leon真的做得很好！！

當然章子怡，和飾演少年梅蘭芳、邱如白、福芝華、燕十三的演員也很棒！

有一幕梅蘭芳在吃飯時因太思念孟小冬，哭得更淒涼，我也忍不著流了幾滴眼淚（大家不要說我誇，我隔離個女仔唔知點解喊到要倒在她愛人的懷裡）

梅蘭芳與孟小冬的苦戀看得我很心酸……

他們的願望只是看一套電影，但最終都沒有償願。

真的很苦

註：阿嬌真的所有鏡頭也被刪了。

美中不足是，全片都充斥著北京土話，唔多明哩

 

另一套超級期待的電影：崖上的波兒

 

風月堂

一直也很想到這間餐廳，終於都嚐了

點了煙三文魚烏冬

還有饅魚牛油果米卷，薯蓉帶子蝦（味道不錯，但太多薯蓉，有點膩）

甜品很精彩，但最後只甜了朱古力香蕉新地

佢d飲品及甜品賣相很靚，下次要試試它的花茶。

驚喜不太大，但味道也挺不錯

要記住在網上可download coupon，會抵吃點的

大整蠱

公司最近買了一套新軟件，

阿凶拋低份厚厚的說明書給我，叫我聽日同佢地做過demo

HOW COME???

佢係咪誤以為我讀緊IT???

我今日唯有求救於IT人，但連佢地都話未摸熟套軟件

我而家拿住份menu都無用，因為我屋企根本無呢套軟件

想練下都唔得

做咩鬼野demo

擺明要我出洋相

但，

其實我都幾擔心

最慘係俾人笑

祝福我啦

成績單

昨天收到成績單了，

N年沒收過成績單，感覺很”新鮮”

一科預計會較好的，比想像中差

另兩科預計會較差的，卻比想像中好

但最攪笑是，三科都是同一個grade，好難做到啊

所以說，付出多寡與收成往往不成正比的

今個sem又報了三科，仲要全部係weekday

好明顯我沒有汲取十一、二月的教訓

而且同學說我今次揀的都是很”主觀”的科，好難取得高分（佢地真係好認真）

但其實到了我這個年紀，求學真的不是求分數！（但當然要畢到業）

最緊要是自己喜歡的科目吧

朋友仔說得對，我現在是兼職讀吧，也不要過份緊張，

要好好享受讀書的樂趣（希望遲多兩個月我仍然會咁講）

終須會時辰到

最近超熱播的歌曲非此莫屬

黃偉文說這不是一首情歌,而是說香港精神的歌,原來真的幾勵志。

囍帖街
歌手：謝安琪

作曲／編曲／監製：Eric Kwok
填詞：黃偉文

忘掉種過的花 重新的出發 放棄理想吧
別再看塵封的囍帖 你正在要搬家
築得起 人應該接受 都有日倒下
其實沒有一種安穩快樂 永遠也不差

就似這一區 曾經稱得上 美滿甲天下
但霎眼 全街的單位 快要住滿烏鴉
好景不會每日常在
天梯不可只往上爬
愛的人 沒有一生一世嗎
大概不需要害怕

忘掉愛過的他
當初的囍帖金箔印着那位他
裱起婚紗照那道牆
及一切美麗舊年華 明日同步拆下

忘掉有過的家
小餐枱、沙發、雪櫃及兩份紅茶
溫馨的光境不過借出 到期拿回嗎
等不到下一代嗎 是嗎

忘掉砌過的沙
回憶的堡壘 刹那已倒下
面對這 墳起的荒土 你註定學會瀟灑
階磚不會拒絕磨蝕
窗花不可幽禁落霞
有感情 就會一生一世嗎
又再惋惜有用嗎

忘掉愛過的他
當初的囍帖金箔印着那位他
裱起婚紗照那道牆
及一切美麗舊年華 明日同步拆下

忘掉有過的家
小餐枱、沙發、雪櫃及兩份紅茶

溫馨的光境不過借出 到期拿回嗎

終須會時辰到 別怕

請放下手裡那鎖匙 好嗎

這幾天

元旦

一句：新一年也不要這樣頹吧

終讓賴床中的二姐與我清醒過來

跟媽媽飲茶後，便陪了媽媽買餸，幾孝順

實情是，我成功游說媽媽在家打邊爐！

咁鬼凍，仲要洗咁多野，真係好苦差．．．．．

但在家中打邊邊總覺得是最好的，食物係最新鮮與美味！

最厲害是，當我翻看日記時，原來去年元旦我也是在打邊邊的

明年今日．．．．．

繼續打邊邊也很不錯的

 

2/1

被阿凶折磨了一整天,佢身心幾時先會復元(千祈唔好以為我好關心佢,係佢會將自己唔開心o既情緒發洩係我地身上)

放工後不知怎的很累,竟在車上睡著(我很少會這樣),然後會合了朋友仔,本來說行一陣,但我太累了,堅持要來一個遲來的tea(明明己快要七點)

貪吃的我們還是吃了這麼多………..但pacific coffee的洋蔥批真的十個推介

一路吃一路談,越談越起勁,竟也慢慢忘記了身體的疲累(好明顯只係患左返工病,一放工就無事)

好像很久沒有談得這麼久,這麼愉快

本來想hea一陣,點知一傾就係兩個鐘,唔記得左約左另一位朋友仔9點係尖咀等tim

碌到去尖咀,俾朋友仔”責備”了幾句,問我地究竟有甚麼好傾

我們去了italian tomato,

好難食!blacklist 呀!以前都唔係咁o既

本來因為第二天要返工,想早點回家,但點知我地又繼續吹水大會

一講又是講不停,早陣子為何又無咩野講呀

攪到十一點幾人地話關門我地都唔願走咁………………..

下次再傾過

 

3/1

今天雖然返半天,但天氣凍,加上對住最大隻的獅子狗,勁想唔返

放工會合了濶別年半的E小姐

真的別來無恙

每一次見面都會有很多消息update

不見一排就發生了這麼多事……..唉

知道你應該很難過,但卻說得很淡然

輕輕一句”宿命”,真的令我感到很心酸…………..

也不知為什麼會這樣黑…………..

幸好我們都懂自我安慰,(不然又可以怎樣)

下次見面時,希望會收到你的好消息。

 

別過E小姐,我去到天水圍

因為媽媽明天生日,所以提早慶祝

我們選定了嘉湖海逸吃buffet

起初我都好抗拒呢間野,總覺得好多內地遊客

但佢地又唔肯離開新界西,黃金又話唔好食,所以膽粗粗試下

又幾好wor, 188加一,以呢個價錢,食物都算不錯,有魚生、生蠔,冷盤,自選意粉,熱食,打邊邊,甜品都ok,最重要係無咩人,只係六、七成客,唔洗迫,仲坐sofa,幾舒服

 

其實呢幾日都不停吃,我已翻漲了2磅。希望開學後情況又會好轉

心頭好

要大家久等了

相片質素不好，真的要買過部相機了

登登登登．．．．．．．．．

係咪好跌蕩呢

係我最愛的龍貓！！

無錯，其實佢就係咁平凡

但就成為我的心頭好

大家也許覺得它太普通

但其實仔細去看，佢杯內杯柄都有圖案，好精緻架

而且佢分春夏秋冬四款，我當然無可能買哂，會破產的

我現在揀的很溫馨，也很可愛的！

但現在還欠一個襯它的杯蓋．．．．．．．