偷得浮生半日趕

今天終於都要放下自己假,

其實是這幾天精神都很差,有點病,

昨天終於捨得俾錢人洗,換來今日的半天假(我擺明係辛苦命,永遠係星期六日先會病)

情況其實不是爬不會去公司,只是想到後天要考試,今天一定要好番,

星期六可以睡晏點真的幸福

好彩阿凶心情好,(打去佢屋企係一件好大壓力的事),個心都定d(我也不過是請半天,班C9一請通常就是兩天啦)

然後去了樓下的圖書館,無野好借,

再碌去中央,真的糟糕,很多書都給人借了,就算我想好題目都沒用,唯有預借,但到手時我想我都交了,

怎辦?真的很糟糕,

現在又放它一邊,這份paper死定了

很眼睏,但要溫習了 (點解無得open book?)

好煩呢

 

為了哄自己,我定下一些目標:

兩周後,

1)整頭髮

2)做facial

3)買衫

 

努力!!!

~

完成了，以為會鬆一大口氣，但原來，又沒有這種感覺。

可能某些事情，還是做得一團糟

總是有很多沙石阻撓你前進

很瑣碎，但很煩人

 

這裡的C9宛如一部偵察機，應該是轟炸機，“聲音”很刮耳，

非常滋擾

有時好想搵個麻包袋笠住佢地，雖然把聲都係遮唔過

當自身已經有好多野煩緊o既時候，就唔會有多餘無力氣去應付她們

 

希望那些東西盡快落實，

以“塞”她們攸攸之口！

埋單

終於都完成了今個sem所有presentation，有一種吁了口氣的感覺

起碼當太多野都未完成時，心情難免很著急。

呢兩日要同份paper“埋單”，唔想拖太耐了，好懨悶

仲有一份paper12號交，但題目都未有．．．．．．

下周一還要考試．．．．．．

 

但好快就完啦呢個sem

 

希望私務會快點有好消息．．．．．．

NO EXCUSE

我係憤怒自己太慢

我實在容許唔到自己可以同佢”糾纏”咁耐

今日我要完成3000字!(講住先)

昨天已有半班同學交了(老師話佢地準時交,考慮要酌情加分)

淨番半班即係包括我,就唔該唔好再遲………………

有謂一日不做事,一日不吃飯(其實句野好似唔係咁寫,但我要呢個意思)

我當然做唔到

所以：一日不做完，一日不吃朱古力！！！

今晚再總結！

~

何謂快樂，何謂幸福

 

它們會有準則嗎

 

而這些準則　都必須得到大眾的認同嗎

 

 

獎勵

今天再上磅，比上星期又輕了磅半（呢個禮拜發生咩野事？）

即係話吃麥皮後輕了三磅半（其實都輕得好慢！我好似食左好耐咁）

但我真係好開心，好耐都無輕過了！

今日去完lib後，為左獎勵自己，買了腸粉同豆漿吃（明明中午已經飲左茶）

好耐都無食過了，又幾好味wor

媽媽問我究竟係想減肥定增肥

其實，忍口真係好辛苦的…………

我又矢志,十二月要好好吃一頓!

謝

謝謝阿樹同阿cat,雪中送炭

阿樹替我上了急救班,可惜名師出不了高徒,雖然最後都是死傷慘重（真係始料不及）,但我已經獲益良多,(仲要幫我撈番本書,真係好感激)

謝謝阿cat將珍貴的資料交予我,替我節省了很多時間,最起碼知道不會離題,現在已不是太太太擔心(查實都好擔心)

知道兩位都在百忙中幫我，真的很感激（我真係由衷的，不是誇張）

未來十四天內要完成：兩個presentation,一次quiz同一份term paper（八千字，一粒字都未寫過）

有可能嗎？

今天收到組長四個sms 同三個email,真係人都顛，本來諗住要整好個ppt,但因為佢仲不停改緊，所以我都唔鬼理佢，整住第二科d野，不過，過埋星期四，我同組長都可以獲得解脫（相信佢對住我同另一位同學都想嘔血）

圖書

 

今天睡得很晚，起身時覺得塊臉好像細了點，一磅之下，竟然瘦左兩磅！！！（唔好意思，大家有所不知，呢幾年要我唔肥已經好難，說減磅更是天方夜潭，所以我好振奮，都不枉我吃了差不多3個月的麥皮）

飲完茶就去了中央找書，我已經N年無入過呢間圖書館，感覺得陌生，又唔知一張圖書証可以借幾多本書，又唔知人地開放時間……

勁樣衰

係搵書o既過程，我才驚覺自己好大穫，明天就要“死”出題目，我仍然是茫無頭緒，點算呢？

回家途中，自覺孭著一個重擔子，但經過東海堂，又忍不住買了兩件cake與母親分享，當獎勵自己瘦了兩磅（好明顯癡左線）

現在，我很眼睏，那些書本都催眠人的，但我仍然想不到，真係超大穫，都係聽日再算

走幾場

昨天，身心俱疲，那怕是生理影響，心情很壞，尤其是老闆整個早上也坐在我身旁，看著我打字，filing，影印，scan野，接電話，極之討厭，幾好修養的人也會發脾氣吧，我已經唔多應佢，佢就係滔滔江水，我遇上千年厚臉皮的老妖怪！！唔講我真係會以為佢鐘意我！！煩死了，我相信將來如果我辭職有6成因為佢，4成因為班C9！

 

放工後如常去上堂，上到半路中已經好肚餓，但為左減肥，都係唔買野食，心想夜晚又吃餐勁了。然後，老遠的去到南區“飲”，我差不多最遲去到，上流社會的地方也令人有點壓力，全場婚宴除了那隊live band演奏，我彷彿聽不到其他聲音，大家說話都很輕，我亦只跟隨這種怪怪的氣氛，一對新人很有心思，將他們一年來籌備婚禮的過程都拍下來（包括影婚紗相、揀禮服、排舞、整dvd、兄弟姊妹開會的情況等），我只感到嘖嘖稱奇，他們這一年彷彿有位御用攝影師在他們身邊……..勁

 

好彩有專車接送，回到家才十二時許，但姿姿整整又攪到兩點幾先訓…….

目黑

早兩天跟阿樹去了目黑吃壽司，坦白說，計埋呢次我只係去過兩次，無論食物質素同服務，感覺都好一般，明將好像更好味，當然，又未致於我那次去北海道活壽司的差勁經歷。但朋友仔卻覺得不俗，真係各人有各人的口味。

沒有開閃光燈，環境又黑，所以相片質素不好。

我地好像吃了七、八碟壽司加刺身，仲加多個鍋，勁飽。

三文魚芝士卷，一般

加州卷，稍為正常一點

刺身

蟹棒，勁雪，唔掂

黑豚肉窩，都係一般

飯後去了閒逛，大家矢志要買東西，但最後只有我買了一枝潤唇膏，我看中了一件勁聖誕的斗蓬，但要300個大洋，唔捨得，希望遲d減價先買