不平

聽著你的遭遇,不禁想到,社會真的很黑暗,人心就更加險惡(我慶幸現在的工作環境比較有點人情味)

有時我想,如果我還在,情況可能會好一點,(收消息可以快些吧)就算改變唔到d咩壞規矩,超碼還有我的黑臉,日日黑口黑面咁對住個兩個人,日日都有句怨念：”他朝君體也相同”，黑到要佢地都頂我唔順。

還有那個他，真想不到是這模樣，偽君子比真小人要危險得多，想我也曾對他說了很多真心但不能公開的話，現在想來真的很心寒。難怪Ms Kwok早於四年前已暗示要小心一個人，原來就是他，要用四年才看清一個人的真偽，究竟是我們簡單，還是別人太過厲害？

數

累得要死,今天真的不想返工,返左工一路諗放工

昨天臨危受命,去了head office數錢,(本來係一姐去嘛,點知佢竟然…….)

善款好多wor,果然有香港心,

但由朝數到黑,數到我頭暈,仲要負責埋數,真係人都顛,我同”數”呢個字真係無咩緣份,一路埋,一路驚,因為中間錯一個數都要由頭計過(咁咪放唔到工?),好彩我個組有驚無險,順利過渡,但我已經消耗哂所有力量,

返到屋企都已經唔識郁,今日好想唔返工,攰到而家,好誇張

認人

各位文學邦o既朋友,

請問你地仲記唔記得我地有個中學同學叫鄭X舜?(已經唔記得係邊班),

我有日經過深水步時,見到有個關於選舉o既街版…..

個樣好似佢,不過呢個相中人o既家底好雄厚,仲係某明星的姐夫,究竟係咪我地o既同學呢?

如有時間認人,可到民X聯網站或係yahoo打佢個名就可以了,

哈哈,定係大家都可能唔記得有呢個人了

事不關己？

明明已經事不關己，今天一早卻給某人吵醒！

聽著她滔滔不絕，我心諗：”其實仲關我咩事？”

坐在巴士上，開始盤算她的話，突然好想找份報紙來看！

但，其實已經唔關我事啦！

我好快就知道結果，不是關心，純粹出於八卦，但結果是，好失望！

失望到，真係覺得好失望！

回想四年前，那是已差不多凌晨一時，我們站在場外，聽著一個一個令人（我）高興的消息，真的開心到想哭（站在我身旁的人，包括小詩卻傷心得要哭），我在想，自己真的很無間。

今天，我已經抽身了，但想著他們趾高氣揚的模樣，仍然覺得很氣結！

happy moments

明天便是Hello B的生日了，在此祝賀hello b生日快樂！快高長大！

昨天跟Hello B預祝生日，去pizza hut食午飯，然後去買禮物、行街，玩左一陣去客家好棧食飯，好累，但看見hello B樂不可支，幾累都抵啦

阿B自己揀的蛋糕，一看就知好睇唔好食啦，哈哈！

我跟二姐姐、二姐夫夾份的禮物，好誇張，阿B自己揀的，竟然係一個可摺式的”波波池”

阿Bo既外婆指明要叫這個兒童餐給佢個孫（好明顯，阿B好多野都唔食得）

早幾天買給她的手挽袋，內含很多細少的禮物包，雖然BB唔食得，但攞住個袋已經好開心，而家出親街都要攞住佢，小朋友真係好易氹

 

國王的新衣

公司的人都說我瘦了，

我心諗，究竟瘦左係邊度？我d褲頭仍然係咁緊

但幾乎個個見到我都咁講，牙痛可以令人瘦嗎?但已經痛完好耐了，我而家已經回復日食夜食本色．．．．．．．．．．

定抑或好似國王的新衣，佢地夾埋整鬼我？

番屋企磅下，一磅都沒有少

跟同事講，佢地叫我用公司個磅．．．．．．．

我竟然真的瘦了5磅! 無可能,我完全feel唔到,想我當日戒食、狂去打波,做瑜伽,食西柚的日子,那時1磅都減唔到,而家當我唔再郁時反而瘦番?

究竟係邊個磅有問題?如果我真的瘦了5磅,我真係會好開心好開心,因為我真的肥得太過份了…….

愛人結婚了,新娘/新郎是你嗎

與Ms S閒聊,她說在facebook重遇了舊男友的弟弟,從此得知舊男友已結婚了,Ms. S說很生氣,並不是因為她仍然喜歡那人,只是那人曾說過30歲前是不會結婚的,如今卻……..,除此之外,Ms. S覺得自己仍未找到好歸宿,卻被他爬頭了………

女人,都是如此………..患得患失…………我也很明白

她還說在地鐵站遇到了一位理科班的男同學,原來很多人都結婚了,包括曾是我熟悉的人………..(各位有興趣知是那幾位,我可以私下告知,包你估唔到)

我想,當我知某些人結婚了,會否一樣感到好疙瘩

感覺瞬間

離奇上網一天後，再度失靈，今早一覺醒來，便等icable上來維修，一等便是3個小時，暈。

偶然在電台聽到一首陳曉東N年前的歌，

今天聽來，份外有味道，陳曉東，都幾感性

感覺瞬間

曲/編:黃尚偉 詞:陳曉東

常說人世有許多轉站 　轉錯便難折還
就像望流星勿掩上眼 　我倆總奢望這一晚
常說言語的種種空泛 　最愛亦能轉淡
日落後日出未想寄盼 　卻怎知越等心越冷
當房中光線月轉淡 　街角也漸變藍
人若忘返聲竭力挽 　感覺是讓呼吸終止一瞬間
縱使週遭的空氣在飄散 　人便越感覺到不害怕
望寂靜夜已藍　而人的感嘆　都消失瞬間

今日

今日 －　陳奕迅

”今日事情如不願　今日問題如不盡
像處圈中圈　了斷也了不斷
若今日你倦了　頹然哭　容許我送贈暖
准我漫漫長路末端　亦如初戀
 
抬頭吧　相信愛　你便能飛
敢交出　你會創出傳奇
變幻人生是避無可避
卻沒人可驅使愛別離
抬頭吧黑暗過　會是晨曦
懷著樂觀　總有轉機
今天珍惜今天　逢凝望我心所愛的你
我已彷彿會飛”

這些，從來都不是我們所能掌握，換個角度想，她已走到人生的另一階段，雖然分開，卻沒有真正的別離。

明年今日，但願一切都會好過來。

祝福您們。

福祿壽

濶別一周,今天電腦突然能離奇上網,我也不知是否需要取消星期日的維修booking

昨天我們西方三俠放棄了favourite的royal garden,轉而去了阿始經常推介的royal pacific食buffet,

果然不俗wor,價錢抵,食物款式多,仲每人加送一隻大閘蟹tim,值得一試!

特別感謝c小姐,希望你成日加人工,股壇賺多d,請我地食多d飯,哈

想不到曾經年輕的西方三俠,無間不再,竟被冠以福祿壽的稱號,我真係覺得好好好好笑 

阿里"爸爸"

我有2個同事分別賺了8千幾同萬幾………

這隻”爸爸”,真係好顛………..

【明報專訊】阿里巴巴上市首天勁升1.9倍，除成為市值近2000億元的科網股巨無霸外，市盈率(PE)更暴升至320倍，若以2007年公司預測純利6.22億元人民幣為基準，並假設阿里巴巴未來「不幸」沒有盈利增長，純利年年不變，它便要累積足足320年純利，才能「賺回」等同當前的巨額市值。這市盈率遠比著名的國際科網股，如Google的36.7倍及雅虎的60.8倍還要高。中大財務學碩士課程主任蘇偉文形容阿里巴巴的股價實在偏高，更可說是「癲」了。

無法上網的日子

家裡的電腦已有四天不能上網………….

好像有點與世隔絕…………..

到現在還是要靠在公司上網……………..,

十數年前上網還沒有普及的時候,日子究竟是怎過的………