too much

12月,好像吃了很多,

由月中開始,都離不開了食,

做冬個餐,掀起序幕

聖誕節那天,叫了pizza hut,家鄉雞,還有在超市買來一大堆零食汽水,吃了一個”小小”的聖誕大餐,十個人,才500多元,好抵,但好肥

之後,就是不停飲茶,

昨天跟友人去了pokka cafe,點了幾道菜和甜品,看來好像不太多東西,但其實好飽,

今天又去了打邊爐,請各文學邦見諒,我其實對打邊爐真的有點恐懼症(雖然都吃了很多,哈哈),可能每一次我都會食好多,好怕會肥,再肥我d褲真係要全部報銷!

佳節當前,大吃大喝在所難免,

不過年紀始終都大了,我除了力不從心,自制力都比以前好………(希望真係咁好),所以呢幾日要開始正常番,唔可以再食咁多

懨悶的平安夜

繼六年前那一個平安夜,

今日,那種嘔電感覺又番來了

office只有我與老闆!簡直係困獸鬥!

好鬼煩呀佢,又唔肯走,又要係你附近飄來飄去,甚至坐响我隔離傾好耐!!!

攪到我無哂mood,唯有不停咁做,完全唔理佢,

但今日應該係收爐的日子嘛!

而家趁佢食飯我先可以玩下,但佢只不過食半小時就會回來………….

真係好慘

幾時先等到收工呀

打邊邊

最近得了打邊邊恐懼症………….

早幾天跟N小姐到稻香慶祝生日,由於我最遲到,她們先點菜,

點知,真的出事了!

N小姐及J小姐竟然點了三碟丸(每碟12粒),和一碟魚滑(熟了後還不也是丸?),

三個人,點食呀?………….

我不得不承認,自己真的老了,食量已大不如前(雖然一直咁肥),食了一半,我已經投哂降

往後一段日子,我都不想再吃丸了

聖誕禮物

今年在公司收到了一些禮物(作為代替沒有雙糧bonus的下”欄”?咁講真係好衰),但我已經好耐無試過有雙糧了。

1)一盒好靚的cookie

2)一盒蜂膠(但唔識食)

3)一張東海堂餅咭

4)好多朱古力

好過無啦,都總算有禮物收啦,哈哈!

小心女人

女人果然係一種好可怕動物(自己係女人都係咁話),

你千祈千祈都唔可以得罪,尤其係上左年紀o既師奶,更加係惹不得!

雖然今次唔關我事,但作為旁觀者,仍然看不過眼,她們實在太計較,太無聊了,

真係好難頂!

日前阿ta打給我訴苦,原來佢在新公司也正面臨人事問題,

工作辛苦不要緊,人事鬥爭才最磨人,

曾經在舊公司受盡人事角力所摧殘的我,真的感同身受!

對付呢d人,最好就係不聞不問(當然係好難),然後就係做獨家村,

咁可能唔洗俾人摧殘得太慘………….

希望你開心番d啦,放假了,不要再想著那些人了

納悶

納悶指數奇高

身邊喧鬧極了,卻想收埋自己,有咁摺得咁摺,

拿拿臨過埋呢半個月就會好了?

卻又要想著生計的問題 ……..又係時候諗,去或留,真係好懨悶的問題………..

悶死了……………

Shopping

昨天放工後，去了荃灣飲茶，”矢志”要買野，要買好多個隻，

戰場設於千色店一帶，我買了一條短褲（儘管一雙肉腿好肥，我都要買來著下）

兩位戰友的成績比我好，越戰越勇，

我最終都只係買了一條褲

原來當你計劃要買野時，好多時都無咩心水，

但無心插柳的話，反而可以買好多野，

我要再去買，希望買一、兩件上衣，一對boots，一個手袋仔，仲有一件長褸．．．．

好想買野，

明顯short左

黑色星期六

一個月一度、最討厭的星期六又來了,

因為又係輪到我同一姐一個week,

每當輪到佢番的星期六,我都會異常唔想番星期六,

係呢一日,我都會玩自閉(亦只能自閉)

最糟時,她會望到我個mon,上下網都唔得………..

苦………………..(已經唔想講野,老闆仲要煩住哂…………..)煩!

一個悶,一個煩,

救命!

犀照

看了馮德倫與鍾欣桐的”犀照”

比想像中好，起碼不是爛片

雖然是鬼片，但不算恐佈，劇情也頗緊湊，沒有太多冷場，

可能我喜歡看大團圓，覺得個結局不好，因為最終都翻唔到案，美中不足

拿來消磨時間也不錯

姊妹

想不到一星期內，收到兩位兒時友好的婚訊消息。

兩位都是我人生最早期的童年友好，能夠看著你們披上嫁衣，真的很感動。

尤其是Y小姐，我感受很深，這段路真的很難走，難得有情人，祝福你永遠幸福快樂。

還有B小姐，雖然我們已不是時時見面，但仍感謝你邀約我作你的姊妹，那種兒時所定下的承諾，依然很窩心

要努力減肥了