怒髮衝冠

因為已經同左好多人“呻”了，感覺好像好了些，但仍撲滅不了心中那團怒火。

 

事情其實是昨日下午六時發生，源於我跟老闆的一席對話。我覺得佢不止婆媽，更加唔係男人！我嬲到冒煙tim！

 

呢幾日本來已經俾佢煩到嘔，不過都仲叫做頂得住，始終都係我老闆，都唔可以撐得咁“行”，但聽完佢尋日一番話後，我只係覺得，佢真係唔抵可憐！我真係好希望佢到個日會出洋相！

 

由於條氣好唔順，所以今日我都黑口黑面，佢依然不停煩我，連我身邊的同事都話咁多日都係講同一樣野！好悶好煩！

 

一個領袖如果不是decision maker咁就不如唔好做領袖，咩野都要問長問短，自己又無料，又驚呢樣驚個樣，少少野都要請示上頭。可惜，升到高高在上的人永遠唔係有料，而只係識擦鞋！

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

戲迷

魔法奇緣

 

這個農曆新年最令我期待的電影便是「魔法奇緣」（其實都過完年好耐），終於看了。

說不上不容錯過，但希望可以開開心心咁過一百零八分鐘，不妨入場一看。

雖然現實並不會有童話(至少我不會遇到)，但原來我們這些都市人還需要童話。

劇情不算新鮮，但喜歡它的童真與簡潔，王子公主大破傳統沒有走在一起，但劇中人物全都能「快快樂樂的生活下去」，這個千古不變的童話結局仍是我們想看見的。

 

華麗一族

 

很久沒有追看甚麼韓劇、日劇，早前追看的已是「天國的階梯」（一路看一路鬧的一齣），今天終於有套日劇想追下。看了幾集，真係好「壓抑」，（有D似斷背山同色戒咁“鬱”），唔知點形容，淨係覺得成套戲都好慘，其實都唔應該看，但又真係幾好睇，木村做得好好呀，唔知我有無耐性追足十幾個禮拜呢？

心情不太好

今天心情不太好,其實又不是差,總之是不太理想。

老闆煩得緊要,一件事可以重覆幾次咁講,今日我大大話話俾佢搵左十幾廿次,係十幾廿次,好多時都係重覆咁問同一樣野,我都係重覆咁答同一個答案,連我d同事都覺得佢好煩。最討厭係佢好鍾意拉張椅過來坐係我隔離,然後”discuss”,煩到嘔。相信曾和我共事的朋友都知,對於老闆,我o既容忍程度已經算係高,除非心情極壞,否則都可以扮到和顏悅色,但呢個真係好煩好煩好煩!同我第一任老細真係拍得住。剛才佢又係我隔離講野,我終於頂唔順,黑晒臉,唔鬼應佢,佢先肯走。

點解我遇親o個d老闆都咁頂癮?

遲來的開年飯

昨天身心狀態都不好,渾渾噩噩,但係老闆唔係到監視o既情況下都依然做野,擺明好唔正常。

放工後便趕去旺角會合小詩,我們係三個星期前矢志要買衫,結果空手而回,今趟轉戰新世紀,依然揀唔到,奇怪,最後就買了本布書俾阿S的b女(兩位阿姨明顯係仲未可以派利是,所以只可以買禮物俾bb)

會合了阿S,便於帝京酒店來一個遲來的開年飯,首次看見阿S的利是封,感慨良多。呢度o既 tea buffet selling point係有魚生,不過魚生略嫌解凍不足,食物款式都多,只係不太喜歡好多人,可能人大了,(定係太摺?),總覺得同三五知己食tea應該要好hea同寧靜,太多人”迫”攞野食已經有點怕。

 

新年

今天依然好靜,只有我和一位同事係office,不過算係有番d人氣(不過我都幾懷念昨天得我一個係度hea o既美好時光)

呢個新年話咁快就過了,而家已經諗緊復活節假……

放假o個四天,除了吃,還是吃。

年初一,食完糕點早餐,就去拜年,緊接係飲茶,然後返屋企勁食朱古力,跟住又食飯…….

年初二,食完開年飯,旋即又去飲下午茶(但呢間酒樓唔掂,加20%服務費,仲要係無咩野食),然後又返屋企煲碟,再食飯。

年初三,跟S小姐,F小姐和她的W先生去了意粉屋,行了一會又同S小姐去了明將吃壽司,返屋企又再食飯…….晚上當然繼續吃朱古力…….

年初四,係最開心一日,因為我地一行八人去了黃金海岸食lunch buffet,阿 b食左好多野,周圍去揀野食,然後去了遊樂場玩,再去了攤位shop了一陣,b買了一個kitty汽球,我就買了一隻煤炭屎鬼o既吊飾。好開心。之後我們去了二姐姐家,我就享受otto按摩兼不停吃朱古力,媽媽她們又煲碟,我二姐夫就負責看實阿b,想不到阿b咁黏呢個姨丈。之後,就去了美心吃飯,菜式都是set定的,千篇一律,回家途中,我和媽媽又買了糖水吃………..

短短四日,我塊臉已經漲左好多咁…………

唔知又肥左幾多……….

開工大吉

放假o既日子總係過得好快,又係時候講拜拜。

大年初五,開工大吉o既日子,雖然要返工,但由於得我一個人返,所以都幾開心。

仲諗住買一個早晨全餐返來慢慢嘆,點知眼白白睇住兩部巴士離我而去(M車同P車點解會一齊埋站?)等到化灰後再來的卻是M車(行慢線),一路仲驚住會遲到(今日唔遲得呀,我要返來開門,我唔想坐的士呀!),好彩最終都趕到,飲恨的卻是買唔切我個早晨全餐。

泡了一杯玫瑰香片,好香呀,仲係所有人唔係到o既情況下,開了暖氣(因為阿姐慳錢,就算零度佢都會唔開),嘆下啦,上下網啦,今日係要咁架la(唯一的代價就係無得出去食飯)

年三十

公司的人都走了,只有我留守最後,已經執好野等收工,好free。

2時的時候,發現有份urgent文件要搞(政府部門好討厭,咁urgent點解今日晏袖先fax來?),我心諗,唔係下嘛,要收爐wor,攪唔掂點算?老闆已身在異地,打左幾個電話都無回覆,阿姐係我隔離又好緊張咁,(本來佢放3點,但攪唔掂呢件事,所以唔肯走),真係嘔電。

好彩,最終都發現攪唔掂,唯有放棄,阿姐4點終於肯走。

想起了某一些年三十晚。

那年公司聲稱可以放下午,但我地幾個做到成兩、三點先攪得掂(仲要又搬又抬),跟住先可以來個團年飯,但現在想來,原來個陣幾個同事嘻嘻哈哈咁一齊做野,真係幾開心。

又有一年,我年三十晚負責埋數,同事們全都做走了,唯獨我差不多六點都埋唔掂條數,加上想起個度o既艱辛,真係好深感受。不過,好彩仲有一位阿叔等我(當然,佢係負責鎖門)

係現在的公司度過第二個年三十,同上年一樣„我最遲走呀,不過我就無所謂,反而有點開心,唔知點解,人越大,就希望越有自己的空間,定係,我已經習慣了?

買唔到野

星期六，奇冷，又大雨，討厭的天氣。

好不容易捱到下班的時間，又要飛去旺角洗牙（咁鬼凍，真係好唔想去，但已經排左３個月了，一定要去）（免費野係要排咁耐）

洗完之後，會合了K小姐與C小姐，來了一個很晏的Lunch,因為很大雨，我地只能滯留在朗豪坊，好嚴重，平時已經好多人，個日更加不得了，間間舖頭都好似擠提咁，我地矢志要買d大冷衫，但行左一陣，我地已經覺得好暈好侷好眼訓，於是決定唔再行，飲杯野就算。

３個人都買唔到衫，奇怪竟然係無印買左d零食，攪笑。

是夜回家吃團年飯，好多餸，但唔知係咪好飽，所以食得好少

最強組合

跟朋友說,身上所穿的已是最強組合。

羽絨、(昨天還要爛埋修拉褳,真係黑仔)羊毛底衫、大冷衫。

都仲係覺得好凍,如果香港得番3、4度,甚至0度以下,我地仲可以著咩?

真替內地災民和滯留在途中的市民擔心,飢寒交迫,真的進退為谷,好慘。

如果當日決定取道張家界,我們應該需要退團

 

唉,凍到唔想返工,明天仲要係同阿凶一個week,就更加唔想番,一個月一次,都要捱埋佢