周六

呢兩日都俾阿凶折磨，好慘

尋日返工時又大塞車，搭的士返到去都係遲到，激死

阿凶個樣真係好凶，俾佢訓示左一陣，又講左一大堆佢認為好勁o既idea,然後冷冷咁拋低一句：我全部都要今日要

痴痴地的，做到我好赲呀

今朝返工時好唔開心，因為一諗起又係part佢就想嘔，點知佢今日又痴左，非常好笑容，仲不停咁講：哎呀，我要放鬆d，唔可以咁緊張

audit之嘛，成日都做架啦，都唔知點解咁顛，分分鐘都唔同樣。都無佢咁好氣。一時一樣。

放工後即閃，去到千色店，見到好多靚衫靚袋，好吸引！跟住同S小姐來一個遲來的high lunch（其實都只不過係意粉屋）。再行左一陣，會合了她的b女，（阿b大個左好多wor,而且仲認人tim!)就去到vertical club,d衫好鬼靚，不過好貴，我地試完已經好想買了，點知個sales話我個張會員咭已經儲了$200coupon，我問佢我幾時有儲分，佢話每半年會結算一次積分，然後送返d coupon俾客人，我話我已經join左好多年，一直都唔知有咁o既優惠，佢就係到支吾以對。不過點都好，突然間我地多左$200 ，買o既時候都特別開心！

由於無bb車，我地都唔行得遠la，買完衫S小姐就湊埋b 女走了，我又繼續行左一陣，去到ans再看看我那個心意的袋，不過，要再諗諗，一下子都唔可以太顛。

大澳

濶別大澳兩年多，今次再來，除了有一個新碼頭，旁邊更起了一條大堤壩，讓遊人可在橋上近距離欣賞紅樹林，你還可以近距離見到很多蟹仔！

棚屋已看過好幾次，倒覺得不是太特別，但來到大澳，這也是必看的景點

如果你想看白海豚，不要坐船去看了，坐在岸邊也很好看的

中華白海豚

你有見過中華白海豚嗎？

日前到過大澳遊覽，一心想踫踫運氣看看牠們的芳踪。

參加了一個觀光船團（25分鐘一程，坐快艇尋找白海豚及參觀棚屋）。

坐著他們的快艇，很快到了海中心，亦很快聽到全船人的尖叫聲，因為大夥兒真的見到白海豚躍上水面的動容一刻，而我，亦不知何解地，可以看不見，有點失望吧，證明我跟牠們實在緣慳。不過，我卻很奇怪在海中央，至少有三、四艘這樣的快艇正高速行駛著（不計大船），海豚牠們不怕嗎？

回到岸邊，我們又走到岸上的海豚觀賞區，坐在石壆上靜候海豚的芳踪，距離當然是很遠，不過我也真的看到一團黑影躍上水面的情景！那一刻真的很開心，雖然不能近距離去看，但能夠這樣遠觀已經不錯吧！那時候差不多五時了，來往的快艇從不間斷，心中的疑問便更困惑了。穿插在多艘快艇之間，海豚不是很危險嗎？

坐著坐著，一艘漁護處的船著正徐徐的駛來，船尾卻是拖著一條大魚。那可不是大魚，而是中華白海豚！真的很諷刺，一心要來看牠，現在看見了，卻是牠的屍體！那一刻真的很傷感，也覺得自己好衰，雖然我不知牠的死因，但我相信，不少牠的同類，也是被船葉打死的！

我矢志不要再乘船去看牠們了！

回到碼頭，打算吃飯之際，卻見幾個身穿白袍的工作人員，正在把牠拖上岸，白白的，粉紅紅的，可愛極了，緊閉的雙目，卻是滿身傷痕，看得叫人心酸。

 

從網頁找來以下的資料，有空請看看

參考資料 http://www.hkdcs.org/QnA/HKdolp_cwd.htm

儘管中華白海豚仍未是瀕危物種，但牠們生活的水域的確滿佈陷阱。只要乘船出海一看，你也能親眼目睹其實海豚每天都活在驚險當中！

失去家園：
新機場有七成土地都是以填海得來的
比起十年前，現在海豚的家的確是縮窄了不少。從前，赤蠟角島的四周都是中華白海豚活躍的地點，但新機場的興建需要透過填海來增加用地，令海豚無法再回到那兒覓食。可能你會以為填了一點土地對牠們的影響不大，但事實上，各項大大小小的沿岸發展工程累積起來，就嚴重損害了海豚生境地的質素。

挖沙工程會加劇水質污染 ：
填海除了會破壞沿岸及海底的生態，令海豚可食用的魚量減少之外，當中的挖沙工程更可能會挖起海床中的毒素，加劇了水質污染。香港在未來還規劃了多項沿岸及海中的工程，包括眾所周知的港珠澳大橋、 10 號貨櫃碼頭以及其他不同規模的工程。我們的中華白海豚將要繼續面對多項威脅，情況叫人擔心！

船隻撞擊 ：
香港與其他地方的船隻來往十分頻繁，連海豚的家－大嶼山西北面、南面水域都不例外。對海豚最具威脅的要算是高速船。位於沙洲龍鼓洲海岸公園旁邊的龍鼓水道是往返香港與內地南沙等地的必經之路；而大嶼山南面則是往返香港及澳門的高速船航道。此兩處都是海豚的活躍地點，研究員就試過多次在那兒看到海豚差點被船撞到的驚險場面。事實上，我們發現數條仍活著的海豚身上都有被船葉打過的痕跡，雖然牠們都可以僥倖逃離險境，但我們亦不排除會有海豚遭船葉打死的可能。

觀豚船騷擾：
近年來，「生態旅遊」在香港興起，各大小旅行社、環保團體及學校都會舉辦觀察野生中華白海豚的旅行 / 考察活動，讓參加者能夠親身接觸活生生的中華白海豚，從而提高他們保護海豚的意識。
其實，此類活動對參加者實在有益，可是，由於香港在這方面缺乏監管，所有船隻都可以隨意載遊客觀賞海豚，故很多時候觀豚船都會對野生中華白海豚造成滋擾。很多船隻在海上發現海豚時就會高速駛往，甚至會出現數艘觀豚船圍繞著同一群海豚的情況。有研究顯示，觀豚船會令海豚避開船隻，或選擇較少到水面活動。長遠來說，不守規則的觀豚船可能會令牠們離開該處水域。

大澳的機動小艇對中華白海豚造成滋擾 ：
而在近兩三年，大澳海豚更出現了一批載遊客到大澳水域觀豚的機動小船。這些小船的船長對中華白海豚毫無認識，而且由於船隻速度更快，對中華白海豚的滋擾可能比其他觀豚船更大。

抖擻

病了好幾天,今天終於叫做好過來了。

只是還有很多痰(定係倒流的鼻涕?已經分唔到了),這樣令我不可以盡情地吃

真好,明天便放假了,

真係望穿秋水。

美容與購物

又一個星期天，假期總是這樣快過的

昨天好嘔電，因為又係part阿凶，係佢精心部署下，跟住成個月我都要part佢，我知道後心情真係直插谷底，點解，無論係以前份工，定係而家，我都係要part老細o既？？，不過，我唔會俾佢得逞，無論請事假又好，甚至病假都好，，我都要對少佢一次！

夠鐘放工，當然係即刻走（不明白星期六佢都要繼續ot？），然後趕去做facial，最近買了lauder的cream，長了很多小粒粒，敏感吧，我的皮膚好敏感呀，成日想試下出面d品牌，好似biotherm，Laneige咁，不過通常都敏感，唯有死死氣氣買返美容舖我用開個d牌子（這樣令我喪失逛街購買護膚品的樂趣！），數下數下，原來我係呢間美容舖已經做左5年facial，我好佩服自己o既耐力，因為真係好遠，同返工、屋企o既位置都相差好遠，由公司去都要成個鐘，做完返屋企要轉車仲要成個幾鐘，好浪費時間，有時都好想搵返d近自己屋企o既舖頭，不過做開覺得佢ok又唔想冒險去轉，而且因為熟客，佢都唔洗我join plan，好彈性，不過，我都由我高鋒期一個月２次（個時塊臉好嚴重呀），銳減到而家一個月一次，甚至兩個月一次（當然，年紀大了都出少粒粒），唔知我仲會堅持到幾耐？

今天跟媽媽吃了壽司，三文魚蟹籽船非常好食呀！，跟住我又去左shopping，看看有無季尾大減價的大褸同冷衫（幾慳家，預備出年著！），其實已經留意左幾個禮拜，今日終於買到件”燈苾絨”（唔識打）中褸，原價要＄800，而家賣＄290，好抵呀，呢幾年我都會等佢就快暖o既時候買褸，因為真係抵好多，反正我都唔係要緊貼潮流o既，褸款又來來去去都係咁樣，所以趁呢個時候入貨都幾好，可惜o既係，我由聖誕已開始想買o既冷衫始終買唔到，咁就出年先算啦

日子

於我而言，今天是一個很特別的日子。

伴隨著我的,有這些舊歌

 

人來人往 　陳奕迅
 
朋友已走 剛升職的你舉杯到凌晨還未夠 用盡心機拉我手
纏在我頸背後 說你男友有事忙是借口 說到終於飲醉酒
情侶會走 剛失戀的你哭乾眼淚前來自首 寂寞因此牽我手
閉起雙眼你最掛念誰 眼睛張開身邊竟是誰
感激車站裡 尚有月台能讓我們滿足到落淚
擁不擁有也會記住誰 快不快樂留在身體裡
愛若能夠永不失去 何以你今天竟想找尋伴侶
誰也會走 剛相戀的你先知我們原來未夠 借故鬆開我的手
藏在貼紙相背後 我這苦心開過沒有 但試過散心旅遊 如何答沒有
閉起雙眼我最掛念誰 眼睛張開身邊竟是誰
感激車站裡 尚有月台曾讓我們滿足到落淚
擁不擁有也會記住誰 快不快樂有天總過去
愛若為了永不失去 誰勉強娛樂過誰
愛若難以放進手裡 何不將這雙手放進心裡
時間會走 剛失戀的我開始與旁人攜著手 但甚麼可以擁有
纏在那頸背後 最美麗長髮未留在我手 我也開心飲過酒

苦口良藥 　許志安　陳慧珊  

珊：沒有燈　尚有人　相擁過亦算好運
　　縱是病人捱到茶也變苦苦茶亦變甘
安：多慶幸　幸福人　失戀過學會安份
　　你在從前留低的吸引都昇華變藥引

＃珊：無論你昨天的吻　給我吻出傷痕
　　　快樂變得殘忍　也叫我震撼至今
　安：分享過相愛的缺陷　不要再等憐憫
　合：往日那份痛苦如十誡　提示您與我努力再生

☆安：苦水喝過密棧會給我
　珊：過去藥到病除
　安：去抹乾眼淚
　珊：擁有過的即使失去
　合：如何難受最終平淡似水去
　安：你我活到幾多歲
　珊：最愛什麼都會累
　安：昨日
　合：如何完美亦似雪景始終都變水
　珊：流下眼淚有天潮退
　安：共快樂有天登對
　合：回望美麗雪景仍然留在你心裡

可惜我是水瓶座　楊千嬅

原來你這樣珍惜我
從前在熱戀中都未聽講過
別說這種行貨　哪裡留得住我
到底是為什麼分手你很清楚
如可笨到底　但到底　還是我
誰人待我好　待我差　太清楚
想繼續裝傻　卻又無力受折磨
心裡羨慕那些人　盲目到不計後果

我就回去　別引出我淚水
尤其明知水瓶座最愛是流淚
若然道別是下一句　可以閉上了你的咀
無謂再會　要是再會　更加心碎
要是回去　沒有止痛藥水　拿來長島冰茶換我半晚安睡
十年後或現在失去　反正到最尾也唏噓　夠絕情　我都趕我自己出去

猶如最結實的堡壘
原來在　逐點崩潰　逐點粉碎
極固執的如我　也會捱不下去
每天扮著幸福　始終有些心虛

離開，是為了回來

跟阿田去了別府吃晚飯。味道相當一般,但個日式pizza都幾好味,座位也算舒適。

不過是兩年多的光景,角色似乎逆轉了。

看著你那很勞氣,很苦口婆心的模樣,不禁會心微笑，真的大個仔了。

感謝你的體諒，聽著你的話，知道你真的想我好。

雖然你的樣子真的很”串”，但原來你真的很夠朋友。

如果我真要去吳哥窟，一定會通知你

”離開，是為了回來。”雖然是抄襲，但這句話真的很好。

謝謝您。

 

很期待你那沙灘婚禮，你們會滑水表演嗎？

樂施之友

我終於成為樂施之友了!

其實好多次都想join了,不過每一次都比好多借口推塘。

呢幾日都經過他們的流動counter,他們都同我打了幾次招呼了,

今天終於都坐下來,聽著他們解釋樂施會的工作。

係我唔係太堅定信念的情況下,我簽紙了,(無錯,當時自己好似未係100%肯定,始終,人性都係自私o既)

但當我在車上看著他們給我的小冊子,心頭忽然泛起一份喜悅感,想想其實每個月只需花一餐飯的金錢,便可幫助有需要的人舒緩貧窮問題,這舉手之勞,我怎會做不到?

這種施比受更有福的感覺,突然跟我好接近,也很實在。

這份喜悅,好像已經久違了,

今天,心靈很滿足

放監

終於都放監。

我足足俾呢個會(老闆)煩左兩個星期。

煩的不是會議本身,而係老闆個種疲勞轟炸

佢個種不斷重覆不斷轟炸不斷坐係你旁邊o既工作模式,真係令人吃不消(至少我已經去到頂點)

基本上係佢無時無刻o既威迫同恐嚇下,我呢幾天腰骨的舊患都番來了,痛得很厲害,貼了媽媽推介的辣椒九皮膏(好恐怖的名字)都無效,尋晚重嚴重失眠!

壓力不是因為個會議,而係呢個煩人!

今早醒來,便執齊東西出發,要我早成個幾小時去到headoffice,(唔知為咩)

下午回到office,成個人都好似虛脫咁,兩星期好似過左成個月咁…………..

我放監了!唔好再來煩我!

預祝

昨天跟S小姐提早慶祝生日，本來想唱K，不過因為S小姐唔舒服，所以改係pizza hut吃tea，跟住拖埋S2和K小姐落水，竟然無心插柳咁來了一個小型文學邦gathering（To Cat,下次你得閒d才叫埋你啦，我們下次的目標係阿始最愛，royal pacific的 tea buffet)

唔知點解，我而家都幾鐘意係pizza hut食tea，可能佢而家d裝修幾好，坐得又幾舒服，食物份量都ok啦（極度肚餓時可能略嫌少了點）

始：預祝生日快樂！減肥成功！！（食埋個tea buffet,你還有半年時間keep！）

剪髮

終於”的”起心肝去了剪髮,其實已經想係過年前剪，不過都係太懶，拖到今日先肯去。

本來諗住淨係修下髮同焗油，點知俾佢sell多兩下，竟然跌落陷阱！我好少俾人氹到，但竟然join左個焗油plan，唔知係咪short左，甚麼游離子髮芯焗油，佢會好似整負離子咁用個夾來夾d頭髮，（同焗油有咩關係？）整完效果我又唔覺又咩咁特別，不過唔join都join左，唯有迫自已勤d去整下個頭啦（個plan只得半年期限咋！）