回應友人之blog

拿來早早早陣子的照片，這間餐廳跟隔鄰相差很遠

set din包餐包、餐湯、前菜，主菜、甜品及飲品,盛惠七十多元一位，價錢ok，味道嘛，有些也不錯的

呢d牛角包同前菜最好味

大蝦意粉，好多蝦，只是賣相不好

牛扒

甜品有雪糕or cheesecake

小結

隨著今天完成這個quiz後，星期一這科的所有大課已完結了（這科有點特別，頭八周全是大課，之後才上tutorial），有些少唔捨得，因為三科之中呢科比較好玩，老師又講得好．．．不過下周開始就上tutorial，但我今次d組員比較正常，應該ok的

星期六

很”包”同”悶”的一天

 

晨早買來一份三文治,我最討厭吃包,三文治算好點了

今早part阿凶,加埋老細,一個死亡組合,困獸鬥,一個月一度

阿凶明明早放工過我,都唔肯走,好心星期六就去玩下啦

一個朝早,好似過了好幾天…….

 

放工後去上堂,由於趕唔切食飯,要買上巴士到食,所以都係揀左三文治,悶極(其實而家weekday放工後上堂都係食唔切飯,要食包,都唔明點解唔瘦)

Dr.說得好起勁,但我好似無左半條命咁,雖然未至於訓著,但就好無心機,覺得好悶(最令我振奮是,我收到份測驗卷,,Dr.係我份卷到打了粒星,好似幼稚園咁,我也是喜出望外(幾易滿足)蘇老師,原來憑感覺都會”撞”到的)

放學後就”碌”去銅鑼灣,我其實係好唔想去的,因為太晏了,但我塊臉實在已經撐不下去,兩個月無做facial就攪成咁,再唔好唔洗見人了,飛車去到剛好六點,點知,佢竟然要我等,仲要等成45分鐘!(我本來約6點3)又係佢叫我最好早d去,激死!

係無野做的情況下,唯有去tea一tea,很難吃的XO醬炒腸粉,不過叫做醫下肚。

唔知佢係咪趕住收工,我覺得做得好求其,條眉修得唔好,佢話今日攪到我咁遲,唔好意思,所以幫我轉隻排毒海洋骨膠元面膜,唔加我錢,但我又唔覺有咩分別

最抵死o既係,我又買左枝洗面gel,明明一肚氣仲要幫襯佢,唔知自己咩心態。(按:之前係fancl 買的washing powder好細枝,又唔平,好快會用完,效果一般,大家可以不試),我諗住要12月先再去,fancl又好快會用完,所以買定先啦

坐巴士回家又有個顛佬坐係隔離,不停自言自語講粗口,唉,好鬼黑,我唔敢訓,只係攞住份notes讀,好彩佢都無望我

返到屋企又十點了,累,媽媽煮了餃子給我吃,可能肚餓,覺得好好味,而家望住d notes發呆(不明白為何每一次都臨急抱佛腳),我解讀古文的能力可謂今非昔比(定係以前都唔掂),很眼睏,還是明天再算吧……….

師奶好煩

心情本來是ok的，因為俾老細煩左成個禮拜，終於交了份文件，咁佢就無借口再坐響我隔離，起碼唔洗俾佢煩2日咁多（好過無），而且又完成了功課，應該可以食餐好氹下自己。

 

但原來，當你身邊的同事都是師奶時，真的會好“困擾”

 

呢個問題其實纏擾左我好耐，有人說：你不要理她們吧

 

但講易做難吧，尤其是，你每天都要花最多時間對住她們，而這些人總是喜歡八東八西（絕非關心）,不斷發出噪音

 

真的要命

 

吃好東西的心情也沒有了

世紀presentation

大家都知道詳情了(在此也不細表)

我總是會在不適當的時候遇上不合適的人

為左呢個presentation,我跟組員都死了很多細胞,

所得分數好彩(也不知是喜是憂)亦如她所願(如果唔係我同組員都死梗)

下一次,相信佢將會更顛

 

昨天的quiz都ok過關了,呢兩天腦海都不停係到拆字,

好明顯,我跟蘇老師一個係業餘一個係專業,

過埋今日我又唔識拆了

 

攪掂呢兩單野我話過要食餐好的,仲未食呀!

十年情事

其實與這個標題無關,但又好想用呢幾個字(好無厘頭)

 

跟朋友仔談及在那裡一些好笑事

我所選用的密碼,至今還沒有人去改……

曾買了蛋撻,和朋友仔所贈的飲品,叫齊”自己友”在那裡”開P”

帶來了一些布甸狗的啫喱,大家都不知是甚麼

還有,我曾做過泥水工,油漆原來沾上衣服便洗不掉

那些日子,苦中有笑

有我很討厭的人,但也有我很珍惜的人與事

情是真的,但人終究留不住

 

聽朋友仔說著他重遇了某人

準新郎悵然若失

原來從沒有將她放下來

有天我經過荔枝角時

發現那間餐廳已結業

想起了他與她,

十年情事,也應該寫上句號

尤其是,當幸福已是垂手可得

別再錯過…….

雖然, 大家也沒有錯……

 

知道朋友仔的決定

我也是 悵然若失

十年情事 兜兜轉轉

到頭來也是這模樣

你不是站在世界的中央

你只站在一旁,看見他們在你眼前

一個又一個的走過

重頭來過

又需要再花多少氣力

我的致肥日誌

又係時候,分享一下我的致肥之路

很久沒有在大排檔打邊爐了

清湯牛腩煲,d牛腩多到嚇襯你,好好味

又好好味的肉蟹

無咩特別的烏冬,但加埋落個牛腩就好正了

有天跟朋友仔去椰林閣high tea(我是否濫用了high tea這詞?)

蝦多士沙律

朱古力西多士,唔好味

我今期重點推介的小型buffet, 位於Megabox 的cheesecake cafe。(不過真係千里迢迢,我意外在openrice 看見的,好評如潮)

倘大的地方,佢俾我地坐張可以坐5、6人的U型大枱,最終我地揀了一張可坐四人的卡位,食到8點幾都仍然無咩人

佢其實係主打甜品,樣樣細細件,可以試好多,我覺得好好味

有熱食,冷盤、壽司,沙律,只是沒有魚生

推介極creamy的蕃茄濃湯

$168加一(不包飲品),如果想唔食咁多野,就想過下buffet癮,實要一試,佢地款式雖不多,但refill速度很快,間唔時有d新款,環境舒適,又唔洗同人爭,推介呀!(不過我就唔會再去,因為太過唔就腳)

埋單時,我同朋友仔竟然有意外收穫………………..好卑鄙呀我地

又係扭扭批???今次唔關我事,原因係姐姐他們想吃,所以我捨命陪君子

但原來已經轉左款,唔係芝士扭扭批,而係芝士咖喱批,感覺上,好似無咁好食

 

 

 

太認真

早幾天跟同學傾present傾到十一點幾（其實之前已傾了兩、三次，仲要唔計係電郵上的溝通）

一所大學去到熄燈同俾sercuity驅趕我覺得好嚴重

最主要係，實在無咁o既需要

救命

呢幾天都係糾纏緊呢件事，我好懷疑自己係咪做緊畢業論文

而呢件事亦一路會蔓延至十一月中……(因為要pre兩次)

我覺得最hea最有把握的一科,霎時變得最困擾…………

今個星期要present同測驗……….

我矢志攪掂後到吃一頓好的(好似無咩關係……….)

組員已打聽到組長下個sem take咩科,叫我千祈唔好take,

我就話,經過呢一次佢都不屑同我地一組……………

因為,我地實在太”膚淺”

繼續努力

明天要交一份assignment同draft好presentation的稿俾組長,這兩天都跟它們苦拼,終於完工了

兩個quiz的成績都有了,有信心那科成績比預期差,令我很頭痕的那科(幾乎要找S小姐替我幕後代考)卻又ok過關wor,我想,真的要加把勁了。

抽籤結果出了,不差的也抽不出來呀,所有東西都迫在十一月,偏偏十一月一天公眾假也沒有……….

芝味無窮

早前跟兩位朋友仔因為怕食唔哂,所以同呢個點點扭扭批緣慳,早幾天媽媽為了圓我所夢,竟然同我越級挑戰,兩個人都敢吃這個套餐!

真係”芝”味無窮!喜歡芝士的朋友千萬別錯過

除了呢個大批,無錯,係大批,套餐還包括一款小食,餐湯及餐飲

結果是,我們回家後繼續吃