子游與天空之城: 2月 2009

2009年2月26日星期四

聖誕東京之旅Day2-Part2

要出發去大涌谷la ,要乘坐吊車的

轉唔掂張相，麻煩掉轉45度來看吧

途中見到疑似富士山物體，但唔肯定，因為只見到山尖，你話似唔似？大家都議論

去到姥子中轉站，我地即刻指手劃腳問職員o個個係咪富士山，佢都淨係手指指話係，我地好明顯大鄉里出城，好開心呀

成個團經歷最凍時刻，到左大涌谷la

周遭充斥琉璜味，火山要爆發？？

見到la！！！！好靚呀

試下好出名的溫泉蛋先，領隊忙於俾錢，大家係咪覺得好凍咁

其實無咩特別，除左表面黑色外，味道都一般雞蛋無異

特濃牛乳，我地仲特登走出室外飲，寒冬中飲杯熱飲真的很攪鬼

行上山la，好多溫泉，不過唔浸得o既

時間過得好快，行得o黎又天黑了，要落山la

坐完吊車，要等纜車，好彩趕及尾班車

架車好新淨，係度遇到兩個台灣自遊行的婆婆

要再坐小火車返箱根湯本

返到箱根湯本，我地又搭小田急浪漫特快返新宿la

返到新宿，已八時許，好有聖誕氣氛

選了日本定食作為平安夜的晚餐

晚後諗住買番朝早看中的聖誕蛋糕，點知正在關舖呀，才九時吧，好早收工呀，

無蛋糕做宵夜tim

但今日的節目仲未完架

返到池袋，我地去左夾公仔

正所謂係邊度跌低，就係邊到爬番起身，

今次我一定要夾到！！呢度夾公仔好好的，你看中邊個，只需叫店員，佢就佢放你中意個隻公仔係個　”洞”前

我揀o既係廚師鬆弛熊！！！

唔夠第一天夾了的兩舖，大家估下我夾左幾多舖？？？

係十二舖！！！！

簡直夾到暈，好大壓力呀，大家都七嘴八舌

一鋪雖然要成八蚊港紙（然則，大家估到呢隻野夾了幾多錢）

不過最緊要大家玩得好開心，起碼我地夾到時，真係嗌得好大聲，冠絕全場

團友K小姐吸取我的教訓後，明白到夾公仔的真正秘訣，之後挑戰高難度公仔

真係夾到架！！！大家又估下佢夾左幾多鋪？

我地就咁樣攪度差不多十二點先返到酒店

勁攪笑的平安夜晚

枯竭

跟朋友仔談及了枯竭的問題

當枯竭得你己無力去描繪時

又或是當一個人時,你寧願獨自尋思,卻懶得去撥個輪表述時

我想,那應該是枯死了

人前人後大抵已兩個模樣

到底,是不是我們都太假了

還是,我們都太入戲了

甚或是,我們都被自己騙倒了

幾乎分不出,那些真的令人開心嗎

談到工作,我們最近不約而同都用了三個字來形容

唔開心

一份工作令你每天都覺得好唔開心去做時

我想,留下來只剩下最後一個理由

最好笑是,這些以為自己已枯死的人

每天,仍要為自己打氣

生活鎖事

1)草草完成了這份assignment，好求其，其實只需寫800字，不明白都要寫到辭窮咁

2)明天傍晚才開會，通常要開到七八點，好想乘機唔返學，奈何聽日要交功課，

仲要傾present，無借口tim，後天還要見tutor,我跟同學仔仲未正式傾過呀

3)謝謝S小姐與我”腦震盪”,我也有了一些頭緒(起碼交住先

),你依然係我心中的NO 1

4)腰患又來了,真的風濕,這些日子通常都會覺得自己好不孝,因為媽媽常常都腰酸背痛,但我都無咩理,到自己痛到鬼殺咁噪的時候,唯獨只有媽媽好緊張的為自己搽藥油,好不孝呀

2009年2月25日星期三

聖誕東京之旅Day2-Part1

旅程進入了第二天，平安夜呀，我地o既目的地係箱根

今天的領隊是S姐，由於S小姐早前曾自遊到箱根，所以行程唔會有咩大問題la

Morning call好早呀，但大家好明顯都起唔身，所以差唔多成九點先出發

怱怱係酒店o既超市買左早餐，我地就乘JR去新宿，

去到小田急百貨，已經是九點十，原本我地想左十點列車，不過趕唔切了，只要搭十點八的

箱根有七種交通工具，為左方面，我地決定買free pass同坐特快，係貴d，不過勝在方便，而且較舒適，哈哈，我地係富貴團嘛，free pass要差不多七千yen，即係單係車費已要六百元港紙la

係未搭我地o既小田急浪漫特快，我地shop左一陣

，發現左好多好靚o既聖誕蛋糕呀！！我地矢志返黎時要買一個，點知．．．．．．．

無人駕駛？？哈哈，駕駛艙係上面呀，呢駕就係小田急浪漫特快，車程約需個半小時，無錯，已經係特快，出發la

去到箱根湯本la，已經十二點幾，我地即刻轉巴士去元箱根港，呢度好寧靜呢，要坐海盜船la

好凍呀，我d雞仔冷衫、兔毛帽、手套終於可以出場la

風光如畫,d書話天氣好可以見到富士山，富士山，係邊呀？？

到達桃源台港la，要醫下肚先

呢間餐廳好正，無敵大海景，價錢實惠又好味，呢個餐係咪領隊的？

唔記得tim，我記得自己個碟係奶油蟹肉意粉，極好味！！！

食飽去再出發，下一站就係大涌谷la!!

2009年2月22日星期日

聖誕東京之旅Day1-Part2

9時許，終於都去到池袋la,天氣也不算太冷吧

我地今次住o既係大家都好熟悉的sunshine city prince，放低行李後(要2點先可以check in),我地就係附近閒逛

行到差不多十一時,我地要吃飯la,呢度係自助形式,自己入錢買票的

呢間野好多人食架,香氣四溢,但食物就………….

比較油呢

呢個飯最好吃,也最便宜,只需約400yen

飯後經過了一間很大型的夾公仔店,我夾了兩鋪都空手而回,係香港夾我都叻叻地架(夾公仔還有下文呢

)

回酒店途中，經過了一個車展，行哂整個車展仲有禮物抽，哈哈，我地四個都抽到禮物架

機械人在演奏宮崎駿動畫的金曲！！

可能始終係坐凌晨機的關係，我地都覺得好疲累，check in完，大家就係間房梳洗下，抖一抖，點知領隊C小姐好快訓著左，我地三個只好商量跟住去邊，大家出發之前本來plan去台場，再去東京鐵搭，不過台場真係好遠，我地又好攰，領隊好明顯又無做資料搜集（就算有佢都訓到昏迷左咁），所以決定改行程。最後我地決定去Namja Town，再去東京鐵搭。傾完之後，領隊終於肯醒，佢訓左成個鐘（真係唔明點解佢咁攰，我地三個前一天下午還在上班，而佢已經放了好幾天假

）

Namja Town 就係酒店附近，以歐美及日本昭和30年代的街為題之遊樂場，裡面最出名係餃子館同雪糕館

又開餐la

呢間雪糕舖好吸引，我地揀左呢間食雪糕

係Namja Town，我最大感受係：　好熱！！！！！

頭先搭JR雖然都有暖氣，但因為時間早，天氣較凍，所以仲覺得ok，但一到下午係一個充斥暖氣o既空內地方，再加上著住羽絨，簡直熱到暈！！！個度起碼有廿七、八度，加埋著住d厚衫，我真的出汗了！之前已經有朋友仔警告我地日本室內地方好暖，但我地無辦法，出面得幾度，唔可能唔著羽絨呀

（呢個問題一直”困擾”左我地成個行程

）

離開Namja Town，我地出發去新宿，轉車去赤羽橋，都搭左好耐車架

東京鐵搭

有棵許願樹，許個願先

我地去左旅遊書都有介紹的咖喱店吃咖喱，個飯叫regular都咁細，唔夠食wor，不過每款飯都會送杯乳酪解辣

食完都成八點幾，由尋晚到而家好似廿幾個鐘無訓過，人老la ,要返酒店休息la，返去池袋都要成個鐘

2009年2月21日星期六

聖誕東京之旅Day1-Part1

終於都肯寫了………….返左o黎都差不多兩個月啦

本來諗住認真寫一篇遊記，但無一位團友肯負責番自己o個日，我又寫唔掂（唔想寫，好長呀）咁多字，所以唯有透過blog，用圖，加我少少o既文字去介紹番呢個聖誕東京之旅。

團友：S小姐、C小姐、K小姐與小小的人

行程：東京五天自遊行

為便於統籌，我們每人負責一天的行程

Day 1and 5: C小姐　

（首次到日本，雖然係兩日，但都係係機場多，應該無咩問題，但結果．．

）

Day 2:　S小姐 (曾有一次自遊日本經歷，是最有經驗的成員）

Day 3:　K小姐（曾遊日本，但沒有自遊行的經驗，手持最update的旅遊書）

Day 4:　小小的人　（未曾到過日本）

我們係搭23/12凌晨2點日航機，11點幾已經去到機場，因為無得網上劃位，所以早些去，希望劃到d好位