慶祝@金泰釧

有開心事慶祝,我們又去了元朗的金泰釧

生蝦,賣相比係去泰國那間建興好好多,味道就唔知有咩分別,因為都係辣到飛街,我一隻止步了

椰汁雞湯,即係冬蔭公走辣,好味

大蝦沙律,味道無咩特別

蛋白炒飯

菠蘿炒飯

椰汁焗鳳尾蝦,好好食

炸蝦頭

芝士蝦雲吞,非常好食!!

呢間野最出名的,面包蟹,叫了少辣,所以我覺得好好食

因為大家見野就叫,毫無共識,所以呢晚好多蝦,呢碟係蝦春卷

我覺得曼谷文華東方的芒果糯米飯係最好食,哈哈

芒果卷,推介

芒果布甸同椰汁西米露都係餐廳送的,無可能食得哂,只好帶走

好瘋狂的一餐,食到行唔郁! :)

好鐘意VIP的感覺,因為有85折,成餐變得好抵咁

折後每人約需140

平價海鮮餐

呢排同海鮮好有緣份

上星期老細請食海鮮,食左好豪的一餐(對佢來說應該係)

四月頭又有機會去食過,真開心

不過再食餐豪之前,其實茶餐廳都有些平的選擇

個芡係咸了些,但呢個翅都幾足料

鮑魚加蟶子皇

同場加映自選煲仔飯 排骨加豆豉鯪魚

dinner buffet @ 麗景酒店

食後感是

冷盤非常好，如果你喜歡吃刺身、蠔、長腳蟹等，已經值回票價

熱葷同甜品就弱了些吧

上去40樓可欣賞維港景色，對面是K11（應該是吧）

甜品櫃很不俗，不過食一兩件已經好膩

超級推介長腳蟹

原來呢個叫　瑞 士 煎 刮 Raclette 芝 士，好正！

 

朋友仔都係看到呢個網址，取得coupon先去，大家有興趣都可以去試試

不眠王子 味の皇宮 - 不眠王子 - Yahoo! BLOG

 

http://hk.myblog.yahoo.com/choro-q

 

一頓晚飯

我最愛的南瓜湯

很好吃的蜜汁燒豬手

 

少不得是我至愛的肉醬意

 

甜品是青蘋果芝士餅和烏龍茶啫喱

花茶很特別，是苦瓜蜂蜜茶，好甘，仲好苦，但好清熱咁！

 

 

一件小事

因為遺失了一件東西，

弄得自己，還有身邊的人，人仰馬翻

小小的人，小小的事，卻讓我看到很多

1)一直很關心我的人，跟我一起反思，經一事，要長一智

2)一些人（包括我的老闆），原來對我很好，大夥兒替我大規模搜索時，實在讓我很意外

3)一朝天子一朝臣，經此一事，往後的日子又怎會好過

4)朋友仔說，現在還怕輸什麼？也許是的，都已經賭得這麼大，還會有什麼好輸？聚沙可成塔，我不能讓那點滴沙石白白溜走，要調整自己的心態，不能在這小宇宙裡，困悶一輩子。＂神是我自己　若然目光高過聚散分離…..想快樂不靠神跡，才懂創世紀＂

5)當然，這幾天又再提醒我，我們也別要開心得太早

創舉

星期六去了踏單車

目標由大圍至大美督（我是大貪了一點）

因為我係兩、三年前先學識（哈哈，真係失禮），

而且中途又無咩踩過，踩親都係好大好濶的路，所以一直都好擔心

究竟我有無可能完成呢段路呢？

結果係，當然無啦！

 

一開始，我去到久違了的大圍，見到條路已經皺哂眉

又窄，又多彎位（對我來說係），又多障礙物，最慘係好多人，

跌跌踫踫幾次，已經唔見哂d同伴，因為我真係一踏一驚心，

完全攞唔到平衡。

後來去到沙田，條路仲窄左！好灰，人好多，好難行，大部份團友都唔見了，

只有兩位朋友仔亦步亦趨咁‘旁＂住我，不過，可能我d車速實在太慢，同伴們都頂唔順，慢慢超前了我好多，而我視線只有部單車，完全欣賞唔到附近優美的景色，那時只踩了四十五分鐘，我已經想掉頭，朋友仔說我好像受難似的，又熱又累，哈哈，真係進退為谷。

過左科學園，情況終於有所改善，路闊了很多，人流又無咁集中，我開始可以望下周圍的景色，好靚呀，呢段去大埔的路真的很美。那時候跟所有同伴都分開得遠遠的，我踏著單車，享受著迎面而來的海風，一個人在途上，竟然生起一種很悠然的感覺，那是久違了的一份安穩，很舒服，很寧靜，什麼也不用想，什麼也不用煩惱，車一路向前，人只跟著前行，不用瞻前顧後，不需要再跟自己角力，感情理智都可以擱在一邊，隨心所欲，像放下一個個很大的包袱，我不期然想起＜斷背山＞，回想自己的生活，確實有太多制肋，生活，不應該是這樣吧？

回到現實，我終於來到大埔海濱公園，簡直係創舉！歷時2小時！（根據非官方數字統計，呢段路正常只需用1小時便可完成）我已經盡了力，我從未試過可以踩咁耐，踩咁遠！同伴們都很好，短道我少做運動，所以都決定係呢度還車，唔踩去大美督la,（好明顯佢地已經等到我化左灰）今次好成功！我會再接再厲，下次一定要踩到去終點！（大家都係聽住先，哈哈）