High Tea

近來愛上high tea,全因為可以係星期六同朋友仔吹下水,hea 下,輕輕鬆鬆過一個下午,呢幾個月都去左三次


Lobby Lounge @ intercontinental HK

呢度如果坐唔到window seat, 我覺得枱與枱之間比較迫,少了一份悠閒。呢度的朱古力甜點唔錯, 如果唔太肚餓,三個人share兩份都ok


The Lobby @  Peninsula

呢度環境好grand, 餐具亦精緻, 只是等位時間太長,往往要個多小時, 企到腳也軟了…..食物很精緻,細細一件,但整體感覺太”彆扭”, 所以都未必再去了



Island Gourmet @ Shangri-La

呢次搵到呢間小站,實在是無心插聊,但原來很有驚喜,店子細小,只有十多張枱,但環境好像英式小店,好舒服好寫意, 食物份量很多,二人份足夠三人吃,味道不俗,價錢亦比上述兩間便宜,值得推介

然而,我最愛還是這間,找來了四年前的照片,(四年,真的物非人也非了) 位於廸廸尼的小巫師酒廊,真係超鐘意呢度的環境,服務同食物,價錢亦很合理,最鐘意那種坐在大沙發上,望位靚靚海景加食薯條的悠閒感覺,可惜,呢間餐廳已經結業了,真的可一不可再!!!

郊遊@大浪西

對於我呢d鐘意去下大自然但又怕辛苦的人,行山一定要揀一星,但一星o既地方相對又會無咁靚,…..魚與熊掌又怎兼得?今次呢條路線,就唔太辛苦,風景又好好,值得推介。



先到西貢市中心轉車至北潭涌( 後來才知道原來在西灣亭有接駁巴士來回西貢市中心的)

在北潭涌乘的士入西灣亭,大約45蚊,時間只係需要10分鐘

的士司機話因為西灣亭無訊號,所以最好搭接駁巴士返出來(因為到時會call唔到的士)



去到西灣亭見到呢個接駁巴士站,極唔起眼,亦要留意佢的時間,差不多兩、三個小時才一班!

往西灣只係需要45分鐘,究竟我最後行左幾耐?

沿途風光如畫

天梯,流汗時間開始!

去程其實下山多過上山,所以回程才甘

開始下山

見到大浪西灣了!

到了山腳，好多魚仔

原來我用左一個多小時，都好快！！

好靚呀，水清沙幼的大浪西灣，好似去左外國！對面的山是赤色的，大抵是赤徑吧………不過,這些5星路段,只能遠觀了!

好想係度游水,呢度d水係綠色的

呢度有些露天茶座,我地揀左呢間

超好view and feel

總覺得行完一輪山,最開心莫過於食碗出前一丁，賣相好有誠意!!!

坐係度飲杯凍奶茶,食碗面,望住個茫茫大海,真係好舒服

其實再向前行,會去到赤徑,不過自己知自己事,無謂勉強,就沿路返西灣亭了,回程大部份都係上斜的。

超及最後一班返出去北潭涌同西貢市中心的接駁巴士，完成一次簡單、又可以出汗，又欣賞到美景的旅程！