2020年第一篇網誌 (今天係年三初添)，希望大家都身體健康，開開心心，香港早點劫後重生！
仲有希望自己勤力一點寫番呢個網誌，上年寫的篇章破新低呀！！
作為今年第一篇，就寫下我首次的北海道之旅吧
日期：2019年10月7至12日
人物 ：小小的人、樂b、b媽、b爸
住宿：首四晚入住札幌市的Grand Sapporo
（約１千港元一晚），最後一晚入住登別的溫泉酒店旅花亭（約4000港元一晚，包一泊二食）
機票：乘坐香港航空，約港幣4000左右
我地所揀既飛行時間本身非常之靚，係星期日的早上九時，咁一早就諗住搭最早的巴士出機場，但某垃圾政府在星期五當晚實施蒙面法（明知對事情沒有幫助之餘更會火上加油仍堅決推行，我公司亦要提早下班！），當晚本身約左朋友仔食飯，但餐廳表示要提早關門，咁急急吃完就返屋企，那一晚睡得很差，基本上無咩點訓，早上7時起床，看新開看到心都碎埋，除左心碎香港攪成咁，不少msg send來告知, 因為爛鬼港鐵全面停駛(包括機鐵) ，不少陸路亦大塞車，青馬車龍倒灌入屯門公路，這令我想起了自己翌日的出埠問題！咁即刻打俾大姐商量，亦即刻搵機場酒店既資料，無錯！必要時打算早一日入去住酒店！（好似走難咁）
去到早上11點幾，見到機場富豪東方既價錢好似海鮮價咁，分分秒杪加緊，而當時公路情況仍然嚴峻，就決定拍板訂酒店！我頂！一晚索價$1700多元，多謝垃圾政府所賜！！
雖然我本身都執左少少行李，但始終係提早了大半天出發，咁就要超快咁執喼，後來雖然開番機鐵，但媽媽及大姐也話，早點出去機場好點 （打亂了樂B的煮食計劃，哈哈，要佢即刻執喼，難怪有點不高興！）
咁我就太概三點幾出門口，乘巴士去機場，幸好沒有塞車，咁一落車，佢地仲未到，但出面已攔哂水馬，見到已好燘，咁本身只有持24小時登機証才可進入大堂，但只要出示酒店訂單，仍可進入機場大堂，再行去通往富豪酒店的天橋 （否則要行路面會麻煩好多），多謝哂，極擾民的措施！
因為水馬附近無地方可以等人，我唯有入去等佢地，
去磅下個喼先, 冬天衫, 咁既重量, 還可以吧
危城一樣
入到去就膽粗粗去取我wifi咭 先 (因為本身係話翌日取的)，幸好店員都即刻俾我，佢仲話第二日都唔知咩環境，可能無員工返到來開counter! 呢次我係Klook訂，八天日本sim咭才70多元 ，幾抵用
等埋佢地，我地就出發去富豪東方取房，
往富豪的天橋, 也要查證
房間算闊落，但略舊，住一晚也沒太多所謂（無端端唔見幾千蚊！）
望著窗外, 滿懷倦的心情
稍事休息就去番T2食晚餐，
食完無咩野攪，就返酒店休息了～
沒有留言:
張貼留言