'
上年沒有去旅行, 呢次就來過西貢本地遊, 係香港旅行。最重要係實現長咀夢,無錯, 上年年頭去長咀唔夠時間, 最終出唔到咀, 沿路折返。因為我住得太遠,起步太遲, 為左可以早些出發,我決定早一晚要在西貢過夜!第二朝可以晨早出發!
但我又驕生驕養, 仲未可以去露營, 結果就決定來個西貢3日2夜之旅,住酒店,
又去食好野, 又去行山,正!
籌備多時,起行!!
但點之出發前三日, 我無端端坐骨神經痛!!我仲咩去跑步啫,我明知去行長咀,為什麼仲要早幾日去跑步!!我好嬲我自己呀,雖然唔知係咪跑步造成, 但真係好蠢呀!
但我仍然心存奇蹟,
呢日一早起身仍然好痛, 好像下不到床咁,但郁番係行到, 只要腰好痛, 坐下比站著會好,咁繼續開展第一日活動啦!
