我要去朝聖了，團友們好無奈地都要跟埋我去
眼花撩亂，不過領隊做足功課！
由築地乘JR去到三鷹差不多要一小時
見到佢啦！係貓巴士！如果係三鷹站出，就需要轉乘貓巴士先可以去到三鷹之森美術館，即係宮崎駿博物館
沿途風光如畫，果真地靈人傑，哈哈
終於到達目的地了，這個我渴望已久的朝聖之地！
如果大家真係好想去的話，一定要係香港買定飛，因為你唔係日本公民，去到先買通常唔會賣俾你，而且有入場時間限制，每日入場人數仲係有規定的，勁煩，所以如果去到先買通常都係失望而回，香港唯一的代理叫日航天地旅遊，d飛有指定日子，但無入場時間，係就係貴少少，但好過去到先知無得入嘛，在此亦要多謝C小姐抽空去幫我地買飛，哈哈，我知佢係好唔想去呢個景點的！
每位到場人士會得到一張菲林入場券，極具珍藏價值，謝謝團友將天空之城這張給了我
還有中英日對照的小冊子而以下照片都是極度珍貴的，哈哈，因為除了戶外地方，場內嚴禁拍照，我也明白不准拍照的原因，但它真的好靚呀，我們就影了一些(手稿同儀器都不敢了）謝謝團友們冒住被人沒收護照的危險都要去影
好童話feel
窗花都靚到暈
全館樓高三層，真係好得意，美術館會定期播放不同動畫，我地看了一套龍貓的，係未曾公開播映的短片啊，不過就淨係得日文（其實都無咩對白）
美術館仲要宮崎駿模擬工作間，動畫製作過程，最珍貴的，有好多宮崎駿的手稿，一定要看啊
我地都好想玩，不過遲左廿年了
廁所之內大影特影
天空之城守護神
天空之城心臟
係時候要去掃紀念品，係呢度擺左當時仲未在香港大hit的波兒counter,（日本比香港早上映半年），呢個counter當然係最多人了。
至於我，就係呢度遇到祈福黨！！！
因為有好多’便衣’監視住，團友影相都影到手震
好唔捨得呀，但時間不早了，我們還是要走了
由三鷹步行往吉祥寺的三岔口，五點幾，已經黑到咁，遇到一位好cool的日本男士，佢都係去吉祥寺的，所以走一齊行（基本上佢越行越快，好快唔見左人），但我地都順利去到吉祥寺
可能時間太晚了，也不過時六時吧，很多舖頭都關門，而團友們都開始感到好疲累，所以只逛了片刻便乘JR離開。
回到池袋，我地矢地行下西武，因為咁鬼近但都無時間行過，某團友在裡面名店買了一件手信給一個男人，我不禁打了一個寒噤
行得咁上下，大家都攰到無命，所以諗住返酒店坐下抖下，先再去晚飯，回酒店途中．．．
又要食下野，好吸引呀
哥仔好開心咁
呢個情景係咪似曾相識．．．．團友S小姐經常要俾錢，仲要被偷拍，我地好無良！
返左酒店，抖了一抖，我地出發去食飯啦
一直都好想試下這些日本街邊小店，終於都嚐了！如果你也曾住過sunshine city prince,相信你對呢位伯伯絕不陌生，佢好nice架
簡簡單單一碗日本叉燒拉麵，好味，但天氣太冷，太大風，我地要快速地解決它呢！吃完後身子暖一點，但都要即刻返酒店了，外面太冷了！
回到酒店又差不多十一時，但今晚好多野做，要pack行李，好大工程！除此之外，我地仲要傾明天的行程，因為我地明天坐晚上８４５機，而又book了４時的機場巴士（早些去機場諗住可以行下，點知．．．），所以明天仲有大半天的行程，按照早前協議，明天的領隊會係C小姐，如果大家仲記得Day1，（都係C小姐做領隊），大家就會明白我地點解今晚無得訓
欲知後事如何，且看聖誕東京之旅最終回吧
沒有留言:
張貼留言