Dinner @ 大和豚総本店

現在已經很少到旺角食飯,因為實在太多人,太多人,那晚跟朋友仔要到旺角一行,諗左好耐都唔知食咩好, 又唔想去個d又噪又迫的, 最後揀左呢間開業未夠一年的大和豚

 

環境唔錯,同旺角其他地方好唔同,可以傾到偈, 枱與枱之間有距離, 因為早到,可以坐窗邊的四人枱,可恨隔離坐左一男一女,講野大聲到半間餐廳d客人都會聽到,好討厭
呢間野主打日韓,有火鍋同燒烤,都幾多選擇,本來想試下佢的美人鍋, 不過因為太大份,驚同朋友仔兩個人會食唔哂,所以今次唯有放棄

壽司拼盤,呢度好似百四元左右,味道中規中矩啦

我地點了一個大和豚五品拼定食, 有五種豬的部位, 配前菜、白飯、湯同菜(菜是用來包著肉吃的), 約二百元,都幾豐富

鐵板是斜斜放著的,方便用小碟盛著多餘的油

侍應會教你點燒,有時亦會落手燒埋一份。

呢楂凍檸茶即使跟餐亦要補五十幾蚊, 不過真係好飲, 沒有冰,但夠凍, 甜度也適中,不會太甜, 推介 !大概可以倒六至七小杯, 兩個人飲好像多了少少, 跟朋友仔無法完成, 多一兩個人share 都ok

埋單時問侍應有無信用咭有折,  原來渣打有, 即時在網上下載50元優惠券, 開心

呢度環境食物服務都唔錯,價錢亦合理, 在旺角想找坐得好少少的餐廳可以試下呢間呀