hea爆南丫島半天遊

要給自己加加油，就去散散心吧

先到Mcdonald來一個good morning，美味（返工日子好刻板架，麵包或者麥皮又一餐）

跟住去左看玩轉腦朋友（inside out），早場真好，座位任坐，幾乎包場。
卡通片，卻看到我一路流眼淚，一幕是阿樂在堆填區講述主人最美的回憶，另一幕就係主角番去搵番父母時，大喊的一場）但朋友仔就看得好開心，真係唔同性格、唔同經歷既人看，大家既得著都好唔同呀～～

同朋友仔都有人多強迫症，決定唔溜連市區，要去些空氣好的地方，行到碼頭，去南丫島的船要開了，就決定去南丫島啦（實情最先開的是長州，但我最唔鐘意長州，太太太多人了，完全同市區無分別，它已經不像我喜歡那些寧靜的離島了） 

 今日好好天氣呀

閒日都幾多人呀

同埋真係好熱呀

太陽伯伯好耀眼

去酒樓食個午餐，唔係咁肚餓，求其叫d野食下，價格貴過梅窩wor，都係填飽過肚算

揚州湯面，咩都有咁啦

咸魚雞粒炒飯，幾好味

開始我們的健步行（唔用上山這些字眼，哈哈，全平路）

這一條最熟悉的路

天氣太熱了，又有借口唔行上去風采發電站

 

 

跟住慢慢行去洪聖爺灣

找到個好位置，有樹蔭，望住個海，好舒服，悶熱都一掃而空

當然又係＂傷春悲秋＂的文人時間

可惜個海灘對住三支煙囪，大煞風景呀

呢度一路行去係索罟灣呀，不過太熱了，我決定下次先行，哈哈

慢慢行番出去，吃豆花似乎是指定動作，其實我覺得無咩特別架，志在食個甜品～～

未夠鐘乘船。想入去圖書館看看（嘆冷氣吧），點知無開。

微風隨來，好舒泰～～我好喜歡如此的寧謐，我真係可以咁樣待一個下午，謝謝我的朋友同我一樣，一樣咁hea

轉船出番去尖咀

同場加映去左咖啡弄，冰滴咖啡和玫瑰奶茶，味道ok la

定價其實不菲，但環境很噪，枱與枱又好迫，我有強迫症嘛，呢度不是我杯茶

夜晚我地又係去食點心呀，哈哈，真係點心狂迷

就咁樣過了平淡但很舒適的一天～～讚