一轉眼，又過了農曆新年。希望雞年大家都要開開心心，身體健康！而我自己，希望我要有勇氣，去面對新的挑戰！
我要努力追番d遊記先得，因為已經積存左好多篇了。
話說呢次台北快閃之旅，因為只有三天，而且我完全沒有參與行程安排，所有都寫唔到個長篇遊記了（懶就懶啦，哈哈），就簡簡單單寫篇小記錄吧
因為新工作令我感到很疲累，而當時又咁啱知道朋友仔H小姐將會快閃台北，講下講下，決定跟佢一齊去！所以11月就安排左人生第一個快閃旅行(原來因為轉工, 我2016年淨係去左呢個旅行咋, 今年一定要去番個長旅行!!)
多謝朋友仔H小姐為我安排所有行程, 感激萬分啊！
真架，我未快閃過的，而今次快閃真係行程緊湊！話說我當時仍然係新入職，所以只係請到一天假，即係星期五至日咁去，為左爭取時間，係坐星期四晚機的！咁星期四那天早上，我就一大早拖件行李塔巴士去香港機鐵站寄存行李，真係大鄉里，原來寄存行李都係拍左八達通先可以入去counter，寄件行李好快，可能只係早上八點吧，同埋我早一晚已經做左網上check
in ，5分鐘已經攪掂。寄完行李又拍番咭出閘，那時已扣左一百蚊機票飛架喇，不過夜晚再來塔時，就唔會再扣錢。
跟住就行番公司返工，咁樣都幾方便，因為夜晚去機場時，就唔洗拖住件行李lu。不過我就係老土的人，我始終都係prefer係屋企出發，因為起碼可以沖個涼，洗埋頭先出發嘛，relax
d，而家咁樣好似好趕好攰，唔通真係年紀大？
工作了一整天，放工就慢慢行番去機鐵站，會合了H小姐，就一齊塔機鐵去機場了！
去到機場去番我地最熟悉的T2搵野食，不過可能都成九點幾，原來好多地方都已經關門了，最終我地去食米線。
我地係乘搭香港航空2305機，上左機H小姐好快訓著了，連小吃也沒有吃。我保持一貫作風，訓唔著啦，可能已經係凌晨，佢都只係供應了一個腸仔包，不過無所謂啦，反正都無咩胃口。
抵步過關禁埋錢（第一次用海外提款服務，又幾方便wow，匯率也不俗），都已經0030左右，跟住去用巴士塔，朋友仔話平時d車一班接一班，點知我地今次等左差不多四十五分鐘呀，真係又攰又凍又眼訓。
車程大概要一小時，到了台北車站已經0237了，我未試過咁夜去搵酒店的！！
呢間酒店係我朋友M小姐介紹的，叫做蜂巢旅店，由台北車站行去大概十五分鐘。條路都ok，但建議如果咁夜，都不宜一個人行了（H小姐是台灣通，成日自己塔呢班夜機來台北，但我覺得她太勇了，始終夜媽媽，一個女子都係搵個伴好d）
去到酒店check in完返上房已經凌晨三點！我認我係老！好攰，不過呢間旅店我好滿意，雖然係好細，但勝在乾淨衛生，張床好舒服，我記得一晚大約$700，對於我呢個潔癖之人覺得物有所值。
我記得呢晚差不多四點半先去訓，而例牌，我又訓唔到，第二早還要去十分啊！！
嗯，我應該係斷斷續續訓左兩三個鐘就起身！疏洗後就出發去十分了！！
去台北車站購車票
去七仔買早餐
飯團好味
呢程車塔左一小時左右，去到瑞芳要轉車架
係等轉車期間，閒逛下吃下甜品
再上車，呢程車大概又乘了一小時
終於去到十分
影左一輪相
就行去十分曝布
都幾有氣勢
跟住就再乘車去菁桐
華，那些年
係呢段時間竟然要打番公司，呢份工真係。。。好困身
好好味的炸丸子
呢個警局好有特色，天燈形的，還有天燈的影畫看
離開時，好彩我地係總站上，如果係十分站上，係絕對無位的，要企大半小時都幾攰架
我唔記得係邊個站落，哈哈，總之乘了一小時，又再轉巴士返出，大概用了兩小時才到忠孝敦化，都已經八點了
因為我要幫朋友仔去大安站買藥，但因為在十分用了太多時間，為左唔阻住H小姐逛街時間，係呢個時候就同H小姐暫時分別，我自己乘鐵路去大安站了。台北同大陸源用同一車"幣"??
無錯，其實今次我係第一次自遊行來台北的，對上一次來台北既是十多年前，又是跟團，加上今次完全沒有plan行程，所以呢段短暫分別都有少少挑戰架，好彩google
map，好快就搵到朋友仔間診所，完成使命。
會合番H小姐，我地就去食個late
dinner。呢間胡同燒烤係看網上推介的，真心好得！！
吃了很多每人才港幣＄200多元,大推
乘捷運返台北車站，返到酒店又差不多十二點了，真係好攰，可能我之前無訓過，呢日又早出晚歸！！我記得呢間唔知點解又係攪到三點先訓呀，哈哈
純帶一提，呢間旅店有個好好服務，就係提供了幾間出名的手信店的訂購表俾我地訂購，當然會貴少少，但一次過可以幫我地買哂d野，慳番唔少時間，又唔洗一路行一路扲住，所以我地都有訂
沒有留言:
張貼留言