繼16年11月快閃了台北3天後，事隔不夠四個月我又快閃了台北一次，不過呢次會再多兩位新成員，加埋就有四個人，而日數都多了一天，去了四天（因為10號坐夜機，所以不計一天啊），而最特別係，呢個出發日係我last day呀，係呀，返左唔夠七個月，我終於頂唔順，放棄左我搵左好多年的dream job，真係好唏噓，而家隔左半年，我的心都仲有少少…唔知點咁……(當然心情已經好轉了很多)但人要向前看啊，我相信終有一天，我會找到自己想找的工作～～
2017年2月10日至14日
呢一日我都係一早塔車去香港機鐵站check in，寄埋行李，我地係網站買機鐵飛有折，好像單程＄70多元,，朋友們買來回都有平～
跟住我都返左公司，買左個早餐，要對自己好些啊～～
最後一天，預左俾人折磨，lunch 都係食得二十分鐘，仲要收到”新＂老闆的電話，煩到一到點，最終仲要OT成個鐘才走得（真係太無用）……
離開呢個地獄後，我行左半小時返去香港機鐵站，會合左今次快閃旅行的另外三位朋友仔，就一齊乘機鐵去機場了。
我地去左T2 food court吃晚餐，呢個係我的晚餐。
我地今次都係乘坐香港航空，今次的機票我太概用左＄1,100，不算平，但也可以接受
飛機餐係包一個，我吃了少許吧～～
去到台北機場過埋關差凌晨十二時多吧，我地即刻去搵巴士去台北車站～～
今次我在香港買左呢張中國聯通電話咭，$118，貴，但好用（之後五月我又快閃了一次台北，那次我終於係在台灣買本地咭，平好多，呢樣在下次遊記再分享吧）
去到台北車站約大概一時許，即刻去搵酒店
今次我地住桔子商旅，我就幾滿意，不過因為佢浴室的玻璃門不到頂，朋友Ｙ就有少少唔喜歡，咁又係既，抽風如果唔好如廁後的味道可以飄出房外，又真係唔多好。
我地落去樓下7仔買左少少野，她們一早在網上訂了一些產品，可以在7仔提貨，很方便。
返到房settle down都差不多四點，要訓了～～
第二日一早，我地去找吃的。我地呢間酒店包早餐的，但要到酒店外指定餐廳吃，我同Y 小姐同C小姐一早去左呢間指定咖啡店吃早餐。
簡簡單單都無咩所謂了～～
會合埋 H小姐，我地就出發前往台北車站，
買左呢張icash咭,其實店員提示我這咭不及悠遊咭方便,不過我鐘意佢的樣呀,所以就買左了(當然,佢真係好多地方啫不到呀,所以下次再來時,我買番左張悠遊咭)
再會合H小姐的朋友X先生，一行五人就乘的士去上引水產了
我還是第一次來啊！！真係好多野野食
你可以選擇室內的食肆，或都外賣出室內戶外區
我地買了這隻蟹～～
呢度咁多野，有松葉蟹，有海膽，有鮑魚，帆立貝，五個人吃了＄1500，都算係咁啦
之後找巴士去到中山國中站
別過X先生，我地乘鐵路去貓空
呢日天氣幾凍，又無太陽，坐在纜車都覺得好凍咁
呢程車大家笑下吹吹水，勁多笑料，半小時很快就過，真係好抵塔
落車後唔講得笑，可能得番十度，我要帶番頂冷帽，堅凍呀
我地看中了呢間茶室，好有feel
水煲茶靚，呢杯係我的文山包種茶，我的favourite
輕輕鬆鬆又過了一個下午，呢間紅茶館遇有茶葉買的，我都買了少少
因為時間唔早，我地決定返去了
我地去左忠孝東路，我同Y小姐看中了呢間黑熊café，可惜準備吃飯，我地只係買左兩件brownie外帶走了（呢間café在我第三次快閃台北還有故事的，哈哈）。
跟住我同H小姐帶左佢地兩位去左我地上次買到好多野的一間飾物店，嘩，估唔到佢地戰鬥力驚人，唔捨得走，但因為我地book左間餐廳夠鐘，我同H小姐就去拿位先，估唔到等左一輪位再入座埋，佢地先買完返來，勁呀！最緊要買得開心！
今晚我地又去左胡同呀，真係好好食呀！
重點推介松阪豬
呢個帆立貝蟹膏實在邪惡但極好味！！
四個人才吃了港幣＄1,200左右，真心推介！！
吃完後都十一點幾，團友們意猶未盡！！繼續買買買！勁呀，我地以後叫呢條街做敗家街！！
真係好攰，我地決定乘的士回酒店～～
不過唔知點解，都係要攪到四點先可以訓呀～～
沒有留言:
張貼留言