2017台北三度快閃之旅~ Day 3

黎到行程最後一天了，快閃真係好快啊～～

一大早同C小姐同Y小姐去搵早餐食，本來諗住飲咖啡，但上次去的因為星期日無開，咁我地揀左附近的永和

 咸豆漿配蛋餅，佢地話蛋餅可以更加好

食完佢地就去退房兼去左行台北車站逛逛，我就返房繼續等慢半拍的Ｈ小姐，等左一輪我地都退房了，就出發去大安區

我地就係去食呢個粥店，嘩，好多野揀！而且價錢不貴

太豐富了吧

人均＄50港元左右，咁多餸，又有蜆又有肉又有魚又有蔬果，蕃薯粥還是無限添加，值得推介！

跟住我地又去誠品作最後衝刺，

我自己逛左陣，無咩收穫，同埋有點攰，就走左去starbucks，諗住慢慢等團友，點之又撞番已經坐低左既Ｙ小姐同Ｃ小姐，大家都有點攰了

之後出發返酒店取行李，再乘巴士返機場了～～

14.4kg, 呢次我堅無買野,哈哈, 比去程只多了5Kg, 太忍手了吧

因為Ｈ小姐是用積分換機票，她坐的HK airline 比我們坐的華航要遲一晚才飛,所以去到禁區就分別了

飛機餐的肉燥面線，好好吃！！

返到香港等埋行李差不多九時多，再乘巴士回家，可惜未離開機場島，前面撞了車，塞左好耐呀，塞到竟然H小姐落左機同取埋行李，我架車先離開到，真係誇到呢

返到屋雖然第二天要返工，但我都係堅持清左個gip，那裡來的堅持啊！！

呢次台北之旅係半年內第三次，台北係一個很適合快閃的地方，但我覺得要停一停了，因為我怕要去到太密，會覺得悶呀！而終於今年年尾敲定一個大旅行，對呀，自2015去過日本後，2016因為要轉工，只係快閃過一次台北，而今年年頭又轉工，所以都係快閃左兩次台北，很期待闊別很久的大旅行，希望遊記可以很快再次登場啦！！還有兩個半月咋！！