七月之星 ~ 一年一度大浪灣游游游

終於都寫到我的月份了!!七月之星~~

先講講生日去左做咩，呢日講明會有狂風暴雨，嗯，我的生日成日都係打風落雨既～不過都決定照出發

例牌飲過早茶

生日當然要豐衣粥食啦

之後出發去大浪灣

呢個時候仲有少少陽光的，租左把大傘同椅子, 不過黑霊也在不遠處

舊黑雲越來越近

玩左一陣，真係開始落大雨，我地撐左陣就上岸，諗住食下野先，一邊等停雨

呢間野係正沙灘旁，食物幾好，但比起路上的食肆貴好多，但勝在可以望住沙灘上的物品

點之一路食一路勁落雨，等左好耐終於停，但已經走左好多人

我地又落水，玩左唔夠半小時，又下大雨，呢場雨係堅大，大到要即時上岸，

我地避番去傘下，但雨越下雨大，風又越來越大，我地即使用大傘頂住風和雨，但所有物品都盡濕，係呢個時候好多人都走了，但我地見一場來到，想游多陣，所以就一路撐住，但風雨實在太大，我地頂左大半小時，等不到停雨了，決定離開。係呢個時候，我發現自己對水鞋已載滿雨水！

離開又是另一考驗，因為有交通意外，巴士進不了來，我地call埋uber都無人應，最終在橫風橫雨下等了大半小時才有小巴～～

呢日真係水為財，返屯門之際天文台掛起紅雨了，真係好厲害呀

沒有停下的雨，但生日飯要繼續

去到三聖都係揀左上記買海鮮

去左海天到食，除左環境好，呢間野無論服務定價錢也很一般

我愛上奄仔蟹，好好食！

龍蝦大愛也

 

最後來個我最喜歡龍島朱古力芒果蛋糕，又濕又乾但很開心的一天正式劃上句號！