2017紐西蘭聖誕九天大自然探索之旅~ Day 9 與後記

來到最後一天了, 要返香港喇!

因為morning call係3點半, 咁基本上我又無訓過就起身, 準時4點半到樓下集合,個個都攰到一個點的樣子

旅行社安排的早餐, 也太豐富了吧, 呢度係一人份, 我同朋友仔都吃不哂, 早知取一份兩份分~裡面仲有一隻蛋啊

終於要走了

經過昨夜的努力, 不斷扔不斷整理, 最終達標!

過左關我地就係shop下, 因為發覺唔係好夠手信, 都買左唔少野!!

上機lu, 終於要離開,直航機預計飛十個半小時, 約下午2時許會到香港

呢程機終於可以坐走廊位!

早餐,有中式炒面,因為返香港了,唔怕肚唔舒服(咩道理), 就吃了乳酪, 好味

  

午餐也不錯, 牛肉薯蓉, 略嫌分量有點少

基本上好眼訓, 但我也不是訓得很好,始終半夢半醒, 醒的時間比較多

我應該只係看左一套電影, 就係lalaland

回程因為係早機, 我覺得比較無咁辛苦, 時間過得快一點~~

香港時間下午2時許回到香港!!!!結束九天紐西蘭之旅!

朋友仔就趕船返澳門, 我就同其他團友返出去禁區等行李~~

等左半小時終於等到行李, 咁我就去乘巴士, 不過因為個喼本身好重, 我又多行李, 真係舉步維艱! 托上去個巴士行李架真係用左洪荒之力! 我真係好強! 值得俾個讚自己! 不過我唔想再咁托法了,希望可以早點物色到一個輕身一點的喼吧

回到家已經四點幾, 我稍為梳洗沖涼後, 即刻開喼拿手信出來, 點解, 因為約左屋企人七點去舅父家打邊爐, 無錯, 我唔知自己幾耐無訓過, 又乘車出去玩!!!為左玩, 我可以去到幾盡!!! 個晚玩到成11點幾先返到屋企!!我好記得, 之後我就開始昏迷, 到第二日中午12時才恢復知覺!!!!!家裡的床真是最舒適~~~~而呢日亦係除夕日, 我攰到下午出去吃個飯, 就又回家休息了! 勁誇!

 ~後記~

由回來到今天，這個紐西蘭遊記足足用了接近５個月才完成，我真係勁懶呀～～

雖然我係一個愛風景多於愛購物之人, 但奇怪紐西蘭從未成為我的bucket list,今次因緣際會下在紐西蘭度過2017的聖誕, 確實是一件開心及難忘的事

今次的旅伴雖然不是很愛風景, 而且是社交媒體分享重症之人, 致令很多時候都要自己去行山、逛街, 影相, 但我其實這幾年已訓練得很獨立了, 亦很享受一個人的時光, 所以其實也沒有甚麼問題。但點都好, 能夠找到一個肯陪你在異地度過聖誕節的人, 也是一種福氣啊~

紐西蘭有明媚的風光, 汪洋,湖泊, 雪山, 冰川, 繁花, 森林, 大草原, 小動物, 星星, 新鮮的空氣與食水, 寧靜而沒有污染~這裡是一個世外桃源, 盡管團費洗費很貴很貴, 但這裡的一切都令人難忘。我第一次看冰川, 第一次乘直升機, 第一次現場看笨豬跳, 第一次見到薰衣草花海和草泥馬, 第一次乘小艇在洞底看螢火蟲, 第一次自己在國家公園行山~~一切一切都是彌足珍貴的體驗, 比起塔斯曼尼亞, 紐西蘭更貼近我所喜歡的東西, 一次超級大自然之旅, 縱然很貴但很值得。(不過, 瑞士在我心中依然係no. 1, 除了雪山繁花大草原, 可能那裡有更多點童話色彩吧)

一次又一次的觀星活動也落空 (塔省遇上暴雨, 紐西蘭則是多雲), 難道注定與星空無緣? 點點繁星是小小的人的最愛, 兩次機會也把握不到真係有點失望,  但人生就是充滿遺憾, 希望有機會可以再去紐西蘭看看吧~~~

但我也很感恩, 紐西蘭全年的降雨率達50%, 幸運的今次旅程遇上兩三場大雨, 但都是在車上時發生, 到下車時又陽光普照, 令成個行程進行的很美好~~

值得一提是, 可能點到點都有一定的距離, 所以呢個行程每一天都要很早起身, 有幾天都要5點半起床啊, 我覺得是太早了, 而很多晚要到晚上九至十點才回到酒店settle,確實有點Chur,  同大自然悠閒之旅似乎不太吻合,  當然, 我自己的睡眠質素也真要好好改善下, 天啊, 為什麼總是睡得這樣差!! 

今次的紐西蘭之旅,有一些時刻讓我特別感到很寫意的, 就是坐在車上聽著音樂, 看到窗外的世外桃源, 那時候只有自己在靜靜思考, 靜靜休息, 半夢半醒, 開心的唔開心的, 就讓大自然為自己好好療傷

今次的主題曲完全是點題啊~~

最長的旅途

風帶著他走上 最長的旅途
一路跟著晚霞 再沒有停下
擁著溫暖星光 也吻過夜裏的花
一路肆意流浪 還記得故鄉嗎
任生命穿梭 時間的角落
他靜靜看著 人們愛過和恨過
隨時間漂泊 隨它忘了或記得
他離開她的回憶 重復的活著
風帶著他走上 最長的旅途
一路跟著晚霞 再沒有停下
擁著溫暖星光 也吻過夜裏的花
一路肆意流浪 還記得故鄉嗎
任生命穿梭 時間的角落
他靜靜看著 人們愛過和恨過
隨時間漂泊 隨它忘了或記得
他離開她的回憶 重復的活著
任生命穿梭 時間的角落
他靜靜看著 人們愛過和恨過
隨時間漂泊 隨它忘了或記得
他離開她的回憶 重復的活著
離開她的回憶 重復的活著

一路肆意流浪 還記得故鄉嗎

最長的旅途, 小小的人究竟還要走多遠的路才可以停下來………

謝謝紐西蘭, 陪我走完2017~~

下一次最長的旅途, 又會去那裡呢? 等待中……

~完~