因為一場病，一直也沒有想2018年會否再去旅行，直至治療方案開始明朗，身心都開始復原過來時，朋友仔就提議不如一齊去個旅行鬆下，咁出機票的時候我都有點猶豫，因為唔知身體狀況能否支持到，不過見大家都興緻勃勃，買就買啦，去唔到到時都係損失一張機票啫～
好感恩，最終可以如期出發，2018年再重臨闊別年半的台北!
Day 1
呢一日我都係坐巴士出去，真好，屋企附近終於有一架Ａ車直出機場，不用再轉車，不過去到我個站，其實最下一格的行李架已爆滿，第二格只剩最後一個位，好彩我都放到上去，如果得番最頂一格，真係死得！
咁我地有共識，唔好要咁早起身咁早出門口，所以揀左12點飛，呢個時間好好，起碼我可以訓到七點先起身（要五點起身的話真的太辛苦，年紀大了，舒適要第一！）
我早左半小時去到機場（沒法，巴士班次很少，要預鬆些時間好難較得準），見朋友仔未到，就影下相，好有聖誕氣氛！仲有幾日就聖誕
今次我只帶了一個26吋的喼，我矢志不會買東西，咁最終呢, 哈哈～不過個喼的轆真係唔多掂, 好難推, 講左好多次要買個新的, 希望我下一次真係可以狠下心腸啦
會合朋友仔們就check in, 今次執喼也不錯，只有11kg!
食個靚早餐先
好得意呀,我最愛的港式奶茶
係呢度竟然見到以前每天和我一同乘塔同一班村巴的乘客，佢原來和我同一班機，也太巧了吧！
我地乘坐華航，朋友仔大愛這公司，我地就跟隨啦，哈哈，不過呢張機票也幾貴，要$16XX ，係我係呢年半以來, 買最貴的一次,可能是太晏買了吧, 好彩兩位朋友仔也陪我豁出去。
天氣好像麻麻, 一起飛還下雨
飛機餐，不過不失吧
我愛影天空
抵達台北機場！即刻去買電話咭，買４天也是300台幣，之前用過也不錯，今次繼續用番中華電信
不過等過關差不多用了半小時, 好不容易才去等行李
我地在香港買了一張台北全日車票，去呢度pick up先,不過最終我地唔太用得著, 因為日日都係行附近, 唔洗乘好多車，咁都係留番下次用
都係乘番1819去台北車站，車程約45分鐘，下車大概下午4時了
今次我帶兩位朋友仔去住我住過的蜂巢，呢間旅店雖然房間比較細，但勝在乾淨同新，喜歡！我推介！呢次住３人房，一晚約港紙6xx元，仲要包早餐，每人每晚才不過2百多元呀,我覺得好合理
今次仲搵到由地下街行去，Ｙ13出口有升降機可上番地面，比行天橋方便，由台北車站去在旅店大概10至15分鐘路程，係拖緊個喼在地下街行時，我地發現新開的機場捷運線就在通往我地旅店的地下街附近，好近，比巴士站還近，咁我地當時諗，可以在回程時考慮乘機鐵。
久違了的蜂巢，有點物是人非的感覺！
床是有點小, 但呢間房已比我們在大阪的大, 起碼床與床之間可容一人走過!
放低行李，我地就去食午餐！不，應是晚餐了！
先去台北車站禁錢先!記住要係香港開通海外提款功能先呀
呢間係台北車站的火鍋店，實在係我最懷念的，我嚷著一定要來，一人一煲！不過呢日要等位，可能是星期日，好多人！
我最愛的義大利蕃茄豬肉煲！好好味
係呢度發生左一件低能事, 話說兩位朋友仔都吃了三份一, 但我的煲還沒有滾過來, 一看之下, 原來侍應沒有幫我開爐, 哼, 仲要俾佢地笑左好耐, 激氣
食飽飽Ｃ小姐忘了帶感冒藥，我地就返去酒店先，等佢食完藥再出發
我地決定行去西門町！
酒店行去要３０分鐘左右，如果行埋去家樂福就要４５分鐘
便利店充滿寶, 朋友仔的最愛
途經文具店，勁多角落生物，比香港平好多, 好抵呀，我買了很多, 都是給我小最愛的
再來西門町
來這裡朋友仔買咖啡豆，我買它的小吃
家樂福，又買茶葉, 不過今次大家都買少了很多
打道回府，又行了四十五分鐘，返到去大約晚上11時15分,有點累了, 好像走了很多路
酒店提供訂手信送貨服務, 我地都有訂少少, 雖然比市面貴少少, 但勝在不用周圍找, 又不用整天拿著大包小包
左攪右攪，都要成２點才睡
但呢度冷氣好怪，開大少少勁凍，開細小小又勁熱，好難攪啊
咁我一如以往，都係訓得麻麻地，又要寄望第二天
十下十下，好。笑😄
回覆刪除是話我沒有開爐🙄
刪除