海下獨木舟初體驗

自從18年7月後，呢兩年完全沒有同水玩遊戲了，為左重啟游水禮，大半年前還買了新的防哂泳衣，準備下水，點知又踫上疫情，一拖足足兩年了吧（明明是懶，這麼多借口）

好山不好水的我，對我從來是淆底，學了十幾年也沒有甚麼進步，對的，畏水的人，如何才可學好游泳呢？盲點也實在太多

呢一日卻不去游水，走左去爬獨木舟  ,原因係, 我的朋友仔好想去玩, 但無人陪, 講左好耐, 咁我捨命陪君子啦

由於我本身就興趣不大, 所以亦沒有做太大資料搜集, 最終朋友仔敲定左海下呢個地方

食個早餐先，

呢一日話有雷暴，好彩最終落左一陣，就停雨

 去到西貢轉小巴入海下，半小時一班車，大家要留意了

早幾次來海下，是逛紅樹林、行山之類，並沒有玩過其水上活動，對呢度既廁所狀況亦唔太多記得（堅抽好重要的啊，我沒有印象，唔通係無公廁的？？）

剛下車落左小小雨, 好彩好快停

 

我地無咩計劃，就求其揀左好景到租借獨木舟(仲有間叫雲海, 下回再講下)，200蚊for 雙人艇，細問之下係才知要返出去小巴站，一條小路下去才有公廁，還有，衛生情況可接受

好了，第一次玩，熱身也無做，就上艇了！

因為手機放左入防水袋, 所以影出來有時矇了

幾架艇一齊出發，唯獨我地呢架明顯第一次，划得好慢！

Add caption

好彩亦比我想像中不算難划！

原本都幾驚，因為我游水從來不敢去腳不到地的（即係唔識），要划去深水都真係有壓力，但可能呢度水波不興，沒有湧浪，又有著救生衣，加上有朋友仔壯膽，咁好快都划到好遠

 可以去唔同小島~話說我本身買左對水陸兩用的鞋, 但去到一著竟然覺得刮腳! (試既時候點解無反應?!) 咁就唯有著番去時既拖鞋(雖然我地呢日不浮潛, 但始終要間水, 而海下海底有好多蠔殼, 所以都一定要著番對鞋)

 上左一個小島小休一陣

 

其實幾好玩，因為可以划去一些淺水區，找下水中生物

好多海參啊, 成日海床也是, 我們錯誤的示範, 當時太興奮, 拿了牠上來, 下次不敢了

 

淺水區肉眼可見

雖然呢日有少少陽光, 好處無咁哂, 但能見底差少少, 好難見到海星, 海膽同水母

蚋蛇尖, 幾時上山啊

划到好遠
不過好攰

遇到一個女士自己來爬艇, 真係好叻, 我嘛, 也不錯吧

從來在橋下看風景, 從前行山會經過上面WWF的中心, 今次竟然划到它底下了

其實很多人在浮潛, 朋友仔好想玩, 但呢日無工具

好了, 玩左兩個多小時, 很累,上岸了

我只係想講, 呢度既沖身好恐怖, 沖身在一條窄行, 只容一人經過, 但這也是儲物室的通道, 咁有一堆人在沖身, 咁我地又點行入去儲物室? 呢樣野不算恐怖, 沖身後邊係所謂的更衣室, 我在全黑狀態的更衣室換衫, 出面有人沖身, d水係四方八邊又腳底衝入來!!!!好恐怖呀, 我成腳也是別人的沖身水!!!係極度恐慌下, 把衫子也跌在充斥污水的地上, 潰而崩!!!!!! 我矢志不會再幫親呢間野(我目測其他店舖的沖身環境比較濶落, 乾淨一點, 點解我唔多做資料搜集呢!!!!

崩潰完, 就返出去西貢, 今次好彩, 得左幾分鐘便有車仲上到(記住, 半小時才一班車啊)

我地去 吃念念不忘的洪記, 五百多元二人餐, 食材新鮮又好味, 性價比高, 大推啊

 

見到雙彩虹添!!!

這天初體驗, 雖不至愛上爬艇, 但不再抗拒, 海下這地方很適合初哥去練習, 而且好天可以看到很多海上生物, 不錯~

(執筆之時, 其實我已經再去多次海下, 而且仲玩左浮潛, 好開心的經歷, 呢次租用另一間舖頭, 感覺好好多, 下回再分享)