仿如隔世 - 長屻山

川龍家樂徑又點能滿足到我.

我最愛仍然係西貢同大嶼山的海闊天空, 但西貢的車程真的太遙遠, 所以呢日選擇左大嶼山既長屻山

屯赤隧道開通後,我去東涌的確方便了很多, 三十五分鐘巴士車程便可以去到東涌

 

吃個早餐先, 真的久違了的行山感覺

 

去乘3M, 同司機講係伯公坳落車, 會有分段優惠

 

真的很久不見了, 伯公坳

要找低難度高顏值的行山路線, 其實一點也不容易, 今次呢條路線全程只需攀升百餘米, 之後就一直向下走, 對剛起動的我真的很不錯

 

朋友仔擔心我狀態未恢復, 建議我走這邊郊遊徑, 相信會容易一點。但我實在很想走走鳯凰徑兼遠眺鳯凰山, 所以堅持走鳯凰徑。

 

一開始便是樓梯級, 這是我十分想念的鳯凰徑, 一年不見, 真的彷如隔世。

回望便是大東山

 

一路扯上去, 行下休息下, 也不算難處理。

 

半個多小時便到了這個分叉口, 右上繼續是鳯凰山, 但我地今次係轉左往長屻山方向進發。深愛的鳯凰山, I will be back, WAIT ME!

 在這邊觀賞鳯凰山, 超美呀!!! 還有狗牙嶺!

這段路風景很美

風景很美

到達長屻山, 這是長屻石。

 

 其實去到分叉口, 呢日的上山路線已經完, 哈哈, 之後就係不停落山了。

去到呢個位, 左邊便是郊遊徑,朋友仔一開始就係話行呢度, 相信會少點上升位, 但風景可能無頭先咁靚

我地食午餐

休息後向前走, 一路落山, 終點將會是塘福, 如果調轉係塘福呢邊上, 應該係天梯。

另一個風景位

下降約半小時便抵達呢個引水道

朋友仔找到的山橙, 原來是有毒的

呢個位真係好靚, 可以咁樣望住個鳯凰山

沿塘福方向前進。

本身想係塘福食野, 但發現才4點舖頭已關, 便乘車離開吧, 呢日係閒日, 巴士也是滿座, 要企番出去東涌, 行完山再企出去, 都真係幾攰。

東涌下午茶

呢日既路線可算係低難度高顏值, 有我深愛的鳯凰山, 雖暫未能再上, 但總有一天可再做到。

大嶼山確實還有很多地方值得我們發崛!