今日行程本來plan左去明治神宮同涉谷．．．．最後一樣都無去到，原因如下：
1)今日又輪番C小姐做領隊，一如所料（都唔應該感到意外），領隊無做任何資料搜集
，到前一晚我地急忙搵書時，發現兩個地方相距好遠，我地又唔係好夠時間．．．．
2)大家咁多日連池袋sunshine60都無行過（呢條地下街好吸引），好想最後一擊，買野！
所以我地咩景點都唔去la，決定留係池袋shopping
Morning唔洗咁早，今日要hea下
先check out,寄存行李之後先去食早餐
總覺得去唔同地方旅行，都要試下佢o既M記，我呢個沙律漢堡好好味架
開始掃貨啦！！
掃了一陣，已經覺得好攰好攰，呢度好大，亦都好熱！！跟住我地去了一間MK 一間boutique，買了幾件襯衣，K小姐看中了一件中褸，諗左好耐都決定唔到，又已經２點了,要醫下肚先
大家其實都無咩胃口,因為真係買到好攰
食完之後已經三點(我地book了4點機場巴士),本來應該完結呢個掃貨之旅,點知K小姐話想再看看頭先件中褸…….
我地返到去,見到間舖頭人頭湧湧,仲未知點解咁多人!K小姐不停係到試,我見無野做又係度試,後來我又看中了一件中褸,細問之下,原來買兩件東西有八折優惠,仲只限呢30分鐘內!!!怪唔之得咁多人啦,既然有8折,我同K小姐梗係即買啦!!
但點知,條人龍去到舖外,而個時亦已經3點9了!我地即刻同店長(好nice的,話得事咁,所以叫佢做店長)講,因為要趕乘機場巴士,可唔可以俾我地打尖(哈哈,咁都得!)
但店長堅決唔肯呀,哎呀,好有原則,係呢個時候,C小姐同S小姐發揮驚人的跑腿功夫,跑返去酒店改上車時間!!係度真係好感謝佢地o既九秒九!!
俾完錢,個真過了四點,兩位跑手亦返來了,好彩5點班車仲要位咋,如果唔係都唔知點好。哈哈,我地咁又多了一個鐘用,係呢個時候,C小姐又看中了一件褸,可能我地真係太煩,店長同我地打眼色,俾我地買一件都有8折(其實都過了那30分鐘限時),好開心呀
C小姐戰鬥到最後一刻。
瘋狂完,我地要返酒店la,因為我地要再pack個d行李。
5點上車,不到6點就去到機場la
不過可能大部份人都選擇搭呢班機,check in都排了差不多一個鐘!!
係我影呢張相o既時候,團友都四散去作最後衝刺,誓要用哂d散紙
而我亦係呢度唔見左個靚靚索袋
返到香港過埋關已經係凌晨一點了,我地呢個聖誕東京之旅正式劃上完美句號la
謝謝我三位朋友仔
,能夠和你們一起去玩真的很開心呀
也謝謝我的讀者們,(我差不多拖了一個月才完成這短短的遊記,實在太慢!)謝謝你們與我分享這個東京之旅
但,我未寫完的,哈哈,好鬼長氣呀
我仲要寫後記架
大家記住睇la
）
