領隊：K小姐
導遊：小小的人
團友：S小姐及C小姐
目標：美食，行街，spa
總之係要Hea啦
我地選擇乘搭泰國東方航空早上8:15的機，所以4點幾要起身，真要命
去到機場差不多6:45，哈哈，竟然遲到，要C小姐等了二十分鐘到啦
一check in就發覺泰國東方航空唔多掂，空姐好串，不過我地都未知好戲在後頭
見仲有成個鐘先上機，食個早餐先啦
親切的大快活
將貨就價，既然選擇了泰國東方航空，就預左飛機餐唔得去邊，竟然真係得兩個包包，哈哈，好彩頭先已經係機場食左野先
影到好似四包薯片咁
係呢度我又要講番段古，其實我地幾個開頭都諗住俾貴幾百蚊搭國泰，但乘國泰的package同乘泰東的package相差四百元不得止，連同一間酒店的房間級數竟也有分別，泰東package的酒店房間級數比國泰還要好，咁我地無理由俾貴左仲要住差些的房間，最後我地選擇要靚房唔要靚飛機，哈哈，咁就大鑊。
話說一落機取行李時，C小姐發現行李鎖斷開了，而K小姐那件行李的好似被抹了層油一樣，好污糟，而暗自以為無事的我，正想拉起那條用以拖行行李的柄（原諒我唔知點稱呼呢樣野），竟然拉唔出！！！咁叫我點樣拖行李呢？？太過份!我當時係度諗，旅程先剛剛開始，我之後點樣將件行李運返香港呢？？哈哈哈！而我地結論係，以後都唔會再搭泰東！！
跟住我地就去的士站，係泰國搭的士比搭任何交通工具都要抵，而且機場服務好好，我地只需將想去的地址交給工作人員，佢地要會幫我地同司機講去邊，仲會寫低司機的姓名同車牌俾我地，方便有需要時投訴，哈哈哈，不過就要俾50 baht手續費，即大概10元港紙啦，我覺得值得俾架，因為唔洗自己盲摸摸去問路嘛，而由機場去到我地酒店要半小時，行埋highway 都係80幾蚊港紙咋
我地今次住的酒店係位於四面佛附近o既Grande Centre Point Ratchadamri，五星架！
參觀我地間房啦，超大架，有九百幾呎，有廳同廚房架！！
有welcome drink ga
廳，計埋房有兩部大電視
廚房，有埋洗衣機
睡房
有企缸同浴缸
窗外景色
酒店泳池，我地最後一天都游左轉
贈送的生果，但個樣唔多掂，所以無食
因為間酒店好靚，我地稍事休息（其實係影相）都攪左成個鐘，再次出發已經係下午一時多了
沒有留言:
張貼留言