本來我地想第三日先去食,但因為就唔到其他節目時間，所以就攪到一落機就去食了
酒店服務好好，未出到門口已經問我地去邊，然後就幫我地call taxi，我地搭去文華東方大約20分鐘，約需20元港紙。
嘩，lobby 好鬼靚呀
我地間餐廳叫lord jim’s，離門口仲有幾步路，receptionist 已經問我地係咪Ms Chan，唔通我地真係咁異相？
lunch buffet分兩輪，1130 或145，旅遊書話呢間野主要係泰國有錢人才來，哈哈，我地梗係要扮下濶太啦，其實呢一餐，都係300元港紙到。
而佢主打係任食鵝肝同生蠔，但我地去呢日就無生蠔。
我激讚的芒果糯米飯，超好味
朋友仔結論係，熱葷太少，食物不夠熱，唔會推介。但我又覺得唔錯，除左食物真的不夠熱，其他都不俗，或者香港人都是喜歡大堆頭，食物款式要夠多，但有時我都喜歡吃下環境，食物精緻點都可以接受，而呢度甜品都真係唔錯架
有無敵河景，good ar
食得飽飽，就諗住去附近河邊行下，呢度四周圍都係d國際名牌酒店，有架免費觀光船可以遊覽哂佢地外觀，不過我地最後都無搭了
然後又搭的士去附近o既silom bodyworks 做modern thai massage and hot compress，搭左十分鐘都係十蚊港紙。
而我地之前係用電郵預約，早左成個鐘去到，好彩都有得俾我地做。而呢個massage我覺得係成個旅程最舒服的兩小時。雖然間野唔夠grand，但勝在簡約，價錢合理，連20元小費，約需160港紙。
值得推介。
做完massage都已經差唔多7點,跟住我地又去搭的士去食飯la
我地所揀o既係勁多人激讚o既建興酒家，hehe,搵下我地領隊個大名啦
小泉純一郎都來過，信心保證！！
點知，呢一餐亦竟然係我地全個旅程至差o既一餐，哈哈
menu勁吸引哩,但只不過係金玉其外!!
超腥的蠔仔蛋
泰式生蝦,唔爽,個醬超spicy
粉絲蝦都可以唔好食.
招牌咖喱蟹,還可以吧
中規中矩
飲椰青算啦
呢一餐咁o既野每人約70元港紙
可能係遊客區,跟住截的士遇到好多好差的的士司機,要小心係曼谷有d的士係唔用咪錶的,會當你係水魚咁呃架,小心小心
幾經辛苦,我地終於搵到個又識英文又識路又用咪錶o既的士司機,返到去酒店附近big C逛逛
多色的疑似益力多,梗係唔會買啦
逛了一陣已經十點幾,要返酒店,但因為認錯四面佛(咁都得),我地行錯左個大圈,原本十分鐘路,竟行了差不多一小時!!哈哈,不過我地又真係唔識路,一開始已經的士出的士入,又要摸黑搵路,經過埋街市同地盤都夠膽死,最後搵到都算叻架la,而亦因為咁,我地就摸熟哂酒店同其他商場o既位置la
沒有留言:
張貼留言