SSSSSSSSSSoSAD2

生命可以很脆弱

SSSSSSSSSSoSAD

剛聽到一個故事

徹夜難眠

偶爾找來了一首舊歌,聽了很多遍

已分不清是懷念這首歌,這齣戲,還是昔日情懷…..

假如真的再有約會

人清醒　難感性　迷失方能找到期待愛情
夢中見　亦高興　能將心靈希冀盡說明
誰決定　人本性　或許生命中有埋沒姓名
純真愛　難記認　人間本來應該是有情

望這不再熟識破落故城
何以變了這樣寧靜　長街失去歡欣笑聲
留下我孤單的一個生命
疑望這風雪　未知那日會停
來世你我要是重認　能否找到彼此背影
假如全無憑無証

原諒我當天不懂得珍惜
只知任性　壞事情
唯願你此刻可於虛空中　將心聆聽
將來若　真的再有個約會會完成
真的會再有這樣深情
我以天為証　跟你帶領

我以天為証  請你帶領

生活雜記

1)想不到八月還有生日飯吃,畢竟到過了一整個月,一行四人來到The One的金牌小龍,網上好評如潮,我們足足等了一小時,等位期間還見到大劉與甘比等人……….(巡視業務吧),雖然苦等了一小時,但味道一般,價錢又太貴,四個人竟然要點十二道菜才夠飽,再不會去試呢

2)跟朋友仔們慶祝生日,去了都會海逸吃Tea buffet和意粉360，前者的buffet比JW好，後者的燒春雞值得推介！

3)去了看inception,的確好看,大家對結局有很多疑惑,哈哈,其實這也很好,大家可以自己決定結果吧,只是看這類戲時,真的一步也不能走開

4)收到遲來的生日禮物,是鬆弛熊的床單!好開心!!!

重頭上路

跟他密談了四十五分鐘,哈哈,真的是”密談”

那種重頭上路的感覺油然而生

這個星期有點不踏實

怎麼我總是跟著你的路走

無論是那一方面…………..

我在沙巴樹上看風景:新手篇

今次旅行以hea and relax為主，有諗過日日留係酒店到玩，所以揀左偏離市區的Nexus，住resort同住酒店好唔同，真係wild好多，我地甚至連遊遊天書都無睇，就咁就上機，哈哈。不過出發前，都有係網上找資料，睇左好多blog，原來真係有好多得著，所以我都寫番d資料，等一眾沙巴新手參考下先

酒店篇

其實係市中心有好多五星的酒店，起居飲食都比較方便，房間間隔亦會modern d，不過其實去得沙巴呢d陽光與海灘o既地方，都好想親近大自然，所以住resort真係唔錯的選擇。個人認為Nexus很漂亮，但酒店設計較為舊式，如果要住，就最好住ocean wing同villa，因為Nexus是一間唔太新o既度假村，住garden view相信當中的設備會更舊。

基本上留起Nexus住番幾日都無問題，有私人沙灘，有個lagoon park,又可以做下spa(不過呢度o既spa唔平架，30分鐘腳底按摩要200蚊港紙)，如果純粹去hea,玩足五天都可以

另外是交通問題，Nexus去市區有成45分鐘至1小時的車程，出入都會預多些時間，大家要考慮了。　

好多人話一落酒店大堂就有好多Local tour向你招徠，價錢仲會平些，所以唔洗係香港報定名，但我想講係Nexus係唔會有囉，千祈唔好咁老定呀！

飲食篇

係沙巴最出名莫過於海南雞飯、肉骨茶同海鮮。

雞飯我試過，也不俗的，但要留意佢開舖時間，有些好早收檔的，有些又好晏開檔。

海鮮最出名係海皇同不夜天，我地選了平民化的珍珠，都唔錯的，可以一試！

住係Nexus的朋友唔想出城，可以考慮去佳楊或沙律，的士車程約15分鐘，不過好似都係夜晚10點就收檔，唔好咁晏去呀！



浮潛篇

成個旅程我最擔心係浮潛，因為始終唔熟水性，又未試過係大海到漂浮，所以一直都好驚，但原來：

1)      同事說，去兩個M字頭的島（雙島遊）是在近岸玩的，要穿鞋落水，淺水區已有好多魚，當然，因為人又多，水上活動又多，破壞自然多，自然無美人魚島咁靚了。

2)      去美人魚島，要在海中央浮潛的，約有幾米深，我參加的Local tour是完美假期攪的（但through永安買），教練都好好，會跟住我地唔識游水的人，所以都唔洗太擔心安全。因為我始終唔太熟識係水裡呼吸（所以永遠都係游幾下就唔夠氣囉），所以無用到snorkel（因為要口吸口呼），我費時越攪越亂，所以就咁＂微水＂就算，原來都work ga,　不過就攰d啦



交通篇

在沙巴不會找到巴士，主要交通工具就係租車或者的士，的士係唔用咪錶，要議價，小心一點好，尤其是在市中心的的士司機…….感覺有點….叫酒店幫你call taxi會貴點，但就好像安全些



手信篇

基本上呢度唔會有野你係想買

唯一我覺得ok的是

Simply chocolate：手造朱古力，很好味，仲有佢的拉茶，咖啡也不俗

人人話機場急凍海鮮正，我就無咩特別感覺，無野買，都可以買下o既

沙巴消費一點也不便宜，甚至貴過香港咁，千祈唔好諗住會買到平野！



必備品

蚊貼：呢樣野你無可能唔帶，我係一個超惹蚊的人，基本上係一個救全家個種，係我身邊你會好安全，所以我呢幾日係沙巴，貼到成身都係，酒店因為係郊區，我連房都貼埋，焗到朋友仔想死，哈哈。個人認為紅樹林同大排檔係最多蚊的地方，我個日成身貼了六個蚊貼同一條蚊帶先幸保不失！

防曬：誠意推介 Anessa，超級掂，雖然佢好難清洗，真係用埋卸妝油都攪唔掂，但我真係曬左成日都無黑到（反而返到香港仲曬黑），無人信我去過沙巴，哈哈哈

鞋：強烈建議著涼鞋、拖鞋或膠鞋去，因為佢成日落雨，著波鞋會好麻煩。



沙巴六至八月會進入雨季，當地係呢個時候不是放暑假，是放雨假，哈哈，都係個句，天氣o既野好難預測，安排節目時，最好要有兩手準備了。

我在沙巴樹上看風景: Day 5

今日無咩行程，因為我地要坐11點半機，都係個句，馬航一日得呢班機返香港，無得揀

我地食完早餐，就預早少少時間去check out, hehe,呢幾日原來都簽左唔少帳，係時候要俾錢喇

我地個package包左機場接送，所以8點半就有車來接我們了，不過因為要接其他酒店的人（都是買了永安package吧），所以乘車時間就長了些

哎吔，唔知邊間酒店個衰人，遲大到之餘仲要上左車都唔通知個guide,累我地白等左半小時！！

去到機場已經10點半，我地好多野要做架！！check in 前，要將所有寄倉行李過機先，然後先可以check in,我地因為要買急凍東星斑同老虎蝦，所以又唔可以過機住，機場只係得一間海鮮檔，大家唔會認錯，佢地會幫你pack得好好的，一條一斤鬆d的東星約港紙１００元，一般價錢啦，志在試下，我地買完野，哎，係呢度又見番simply chocolate,我又掃了少少，比市中心貴少少啦，過完機，我地去check in la,嘩，好長龍，唯有分頭行事，有人去唱番錢，有人排隊check in,嘩，11點10分，仲未排到我地，機場開咪搵我地呀！！哈哈，佢仲特登開條專line俾我地check in……..

入閘前，佢一見我地係呢班機，check 都唔check passport就俾我地碌去出境counter到…..

好彩,都係有驚無險

馬航呢款機好細，為左坐響d有利位置，都係早些check in 好

我隻腳可以伸到好出!!哈哈,扮下坐商務先

落機已經係2點半喇!攪下攪下,返到屋企都4點幾，其實都幾好，有足夠時間俾我執行李，唔洗攪到三更半夜，第二日又可以如常返工喇！！

媽媽落足心機煮的東星,始終係急冰魚,都唔可以要求太多,至於我的老虎蝦,嘻嘻,大家都好俾面,食哂!

我在沙巴樹上看風景:Day4_Part 2

我地呢個tour其實共包兩次浮潛，上午一次，下午又一次，教練問我地下午想繼續浮潛，還是上島玩，其實都係十五十六，但因為朋友仔唔太舒服，而且又想去好出名的美人魚島島上逛逛，所以我們最後決定上島玩！！

真係好靚架，水清沙幼！呢度仲有沖身設備，好企理的，不過我地玩到成身都乾哂，又懶得郁，所以就無沖到身，哈哈，好彩無沖，因為一陣都會濕哂………

妹妹都學我地”望洋興歎”

 呢個妹妹好叻,得8歲人仔，已經係浮潛高手，哈哈，唔洗教練帶住自己玩架，定係我真係咁差？？？？

係度可以租樹屋住，超正，不過我係度諗，如果天氣日日都唔穩定，咁咪一路出唔番市區囉

玩完一大輪，我地要走喇，不過呢程大飛可謂驚險萬分，一上船教練佢地好緊張咁幫我地收埋行李，又限制船兩邊坐的人數，要令架船好平衡，唔可以反轉，咁大家都知道返出去的浪將會比之前更勁！

而同我地一齊係Nexus出發的外籍人士，其中一個女人到達美人魚島時已經好唔妥，返出去時仲四肢抽筋！又暈又狂嘔，教練call左白車要送佢入醫院，所以我地架大飛已經唔係大飛，係超級大飛！！海浪大，大飛又飛得好快！！我對面的外籍人士不停咁嘔，又抽根，坐在我右邊的朋友仔又暈陀陀，坐在我左邊的韓國人又係到嘔，浪大到有人頂唔順要係架船上帶微鏡，我就覺得架大飛不斷拋上拋落，拋到肺都穿咁，好誇張……..總之呢45分鐘就好似過左好耐，全船人都由頭濕到落腳……….其他去過美人魚島的人，可有這樣的奇遇？？

係呢到奉勸各位前往美人魚島的朋友，一定要有心理準備！有需要的話易先吃暈浪丸，如果好容易暈船浪的人，就要諗清楚去唔去喇

到步後，已經見到白車在碼頭standby，送了外籍人士上白車，我地呢團人終於可以返上陸地，站穩的感覺多好！我覺得自己仲入係拋下拋下咁呢！係車上，終於都睡了，因為實在太攰！坐左個幾鐘，終於返到Nexus,　唔經唔覺，已經係六點喇，我地第一時間就咩，當然係深層清潔，哈哈!雖然今日唔算好大太陽,但我地都唔敢怠慢，搽左勁多防曬！好鬼黏呀，所以一返到酒店，我地就好好咁執番個人先。

攪到七點幾，我地去食飯喇，其實尋晚己經約好左的士司機楊先生來接我地，不過佢真係好鬼長氣呀………

因為真係迢長路遠，我地唔去市區了，係Nexus呢個郊區，如果想近近地搵海鮮食，可以選擇佳楊或者沙律，我地就揀左後者。的士來回約90蚊馬幣。

無論佳楊同沙律，都係水上屋，大排檔feel，記住帶蚊貼！

細細蝦，用奶油整，出奇的好味

疑似蟶子，都好味

哈哈，佢問我地想點食蠔，唔知點解我地話用蒜蓉，好古怪！！

呢餐約需130蚊馬幣，比較經濟

食得飽飽，我地要返酒店喇，因為要Pack行李呀，因為今日體力勞動非常之大，大家都好攰好攰，好快就去訓喇。

我在沙巴樹上看風景:Day4_Part 1

今日因為要相就雙島遊的行程，Morning call再推前至6點,哈哈,真係好早啊!

一起身走出露台，陰陰天，浪又大，大家都打定輸數，我們與美人魚島無緣…….

係penyu食早餐，聽到有個爸爸同個仔講，＂今日玩唔到香蕉船，可以玩其他野，要Positive D!”，　哈哈，都幾啱聽，去唔到美人魚島，去雙島遊都唔差啦，其實兩者有咩分別？

美人魚島位處外島，好遠路程，加上每日限制50人上島，換言之人少d，環境自然靚d，只有浮潛同潛水玩，水深腳不能到地；雙島遊因為位處內島，交通方便，淺水已經有好多魚同珊瑚，一定要著鞋落水，而且好多降傘、跳傘同海底漫步等水上活動玩，自然＂熱鬧＂好多。

Leon話，如果美人魚島之旅唔成行，會係7點3前通知我地，所以我地一路等佢電話，點知，7點30都無打來！！！咁即係話，我地可以去美人魚島喇！！真係皇天不負有心人！！

今次佢搵左架十人車來載我地，同行有仲有一家四去同一對外籍人士。司機兼教練是一位馬拉人，雖然唔記得叫咩名，但佢好好人呀，我地係車上簽上類似生死狀的物體，便往美人魚島進發！

沿途風光,其實都係天陰陰

車程大概一個半小時，睡了又睡，終於都到了碼頭，等齊其他人了，大約二十人便乘快艇出發！

看來風平浪靜，之後其實大浪到飛街！！

我影完呢張相後，好快就即刻收埋左部相機，因為我地即將進入左旅程最大挑戰的地方!

浪高過架船,第一個大浪撲過來,成部機差d濕哂!



呢程快艇約需45分鐘，其實佢唔係快艇，係＂大飛＂，超大浪，我可以成身濕哂，有人仲嘔埋，望向對面，只會見到一個個比快艇的浪衝過來，好恐怖！！

約10點30分，我地終於到達喇，d水係淺綠色架，真係見到底架，好開心！

見到相片較上方，黑色海水的位置，就係頭先進入美人魚島前，大浪到嘔泡的地方

其實呢個local tour會包埋所有浮潛裝備，但因為我同朋友仔驚青，所以淨係著住件救生衣同加副微鏡就去浮潛，而另一位朋友仔就係香港買定snorkel用品，始終都要用個口咬住，用私伙野會比較衛生。

呢度係稍事休息的水上屋,著好救生衣，攪掂哂d裝備，我地乘快艇出去珊瑚區，因為相機不是防水類型，所以之後浮潛沒有影相了，呢程大概係10分鐘度啦，朋友仔好似有些暈船浪….

跳海前,教練問我地有無人唔識游水,我地大概有十個人話唔識(幾歹都話自己唔識啦),佢就將我地分成三組,每三人跟一個教練,都幾安全,其他識游水的人就自己玩。

跟住d人就開始跳海!我地個教練係度一路整緊個大水泡,一路叫我地三個Jump,

呢個Jump字的確令我好猶疑,點Jump 呀?雖然我都識游幾下,又有救生衣,但我從來都未試過唔到地,加上望到四周圍都無陸地,好似好深海wor, 點樣跳呀? 不過見到其他團友仲有我自己d朋友仔一個個咁跳哂,後面又有人咁推我向前,我就咁樣,試左我人生第一跳,哈哈!!成功喇!

我一跳落去,就即刻搵我個教練同個水泡!朋友仔原來已經捉住左個水泡喇,我好驚青咁爬去扯住個水泡,人都未定下來,已聽到我朋友仔驚呼”好靚呀”!原來朋友仔已率先微左個頭落海!

我確定自己爬實個水泡條繩,可謂驚魂甫定,哈哈,就即刻伸過頭落水,嘩!我第一個感覺係,好恐怖!!!係因為我無諗過海底可以咁靚!!!鋪天蓋地的水底都是珊瑚啊,一群群的魚在游來游去,水底世界很平靜,很遼濶,五顏六色,真係好似跌左落海洋公園的海洋館裡面!!太誇張了!!

我地捉住個大水泡,教練就扯住個水泡,一路帶我地向前游,因為我同其中一個朋友仔無用snorkel,所以不時要上水面吸氣,但其實海面唔多平靜,一上水就有個大浪衝過來,哈哈,要飲海水了!

玩左半小時,因為我地不停跟住教練游,所以都好攰,但海底真的很靚, 沒有邊際的,那些魚群自由自在的游來游去,還游到我們身邊„海星,小丑魚, 海床佈滿著奇形怪狀的珊瑚,……. ,實在很感動呢

攰到暈,我地又搭番大飛返去水上屋,食番個午餐先!

熱烘烘的食物,再望著這片人間小天堂,真的很滿足!!

我在沙巴樹上看風景:Day3_Part 2

我地又準時三點去到lobby等旅遊車，真係unbelievable，shuttle bus壞車呀！下一班要等到5點先來！諗左一陣，我地決定退票，call taxi！

酒店幫我地call taxi係要收charge的，不過都無辦法了，而佢地幫我地call的taxi都係專做酒店客同機場客，佢地呢隻的士係唔可以係市區搵客的，所以變相其實會安全些，因為佢地都係under 酒店吧，就係咁樣，我地就認識左識廣東話的的士司機楊先生……….

呢程車計埋酒店附加費要85蚊馬幣,如果不計附加費就係75蚊,一d都唔平架,不過坐成九個字,都差唔多o既,

呢個楊先生都好唔錯,我地第一站係要搵海南雞飯,佢就首先兜住成個圈,介紹center point一帶的環境給我們認識,等我地唔洗盲中中去搵,然後才帶我們去味雅雞飯

 要謹記它的營業時間!

好出名的桔仔冰,夠經濟,4蚊港幣一大杯

馳名雞飯,都唔錯啦

呢度有d榴槤檔,買左可以即場食,兩位朋友仔好似執到寶咁開心,我就彈開左

好多小販檔,這些煮好的食物讓人任夾,再計錢,但感覺很不衛生

呢度係waterfront同菲律賓夜市一帶,好多野食……..但沙巴,你的陽光去了哪????

跟住去左asia city搵好出名的富源茶室

超平!!

出名的吐司,面包軟綿綿,不錯,呢個拉茶好好味!!已經頗飽的我都堅持飲哂佢!

食完去左center point閒逛,不過都無咩野買,跟住去左warisan去搵好出名的朱古力舖,simply chocolate

呢度d朱古力係handmade的,真係好好食,我呢個朱古力迷當然是顛左了,老闆娘仲俾我地試左好多味,佢的拉茶也很好味,哈哈,我地可能買左好多,佢俾折頭之餘,仲送左些小禮物給我們,嘻嘻

跟住我地要食晚飯了(明明已經掃左雞飯同吐司….真係好大食)

我地放棄左不夜天同海皇城等等”名店”,去了較平民化的”珍珠”

好彩老闆娘教路,唔係可能行錯方向!

奶油老虎蝦,在沙巴好像是必吃的,不過不失吧

佢地叫呢d做飛螺

我好鐘意呢個焗蠔!

呢條魔鬼魚真的千呼萬喚啊!等左一個鐘頭先煮好!不過燒得來好juicy,正!

呢餐大概170蚊馬幣啦

為免係條街到呆等,所以我地一早約左楊先生來接我地,哈哈,佢好鬼長氣,打左好多次電話俾我,但我無理由話因為條魔鬼魚,所以要遲左半個鐘先出現咩

今日幾好,十點幾可以返到酒店,有時間做下facial,仲可以早些睡,嗯,唔知聽日究竟成唔成行呢