開工大吉

放假o既日子總係過得好快,又係時候講拜拜。

大年初五,開工大吉o既日子,雖然要返工,但由於得我一個人返,所以都幾開心。

仲諗住買一個早晨全餐返來慢慢嘆,點知眼白白睇住兩部巴士離我而去(M車同P車點解會一齊埋站?)等到化灰後再來的卻是M車(行慢線),一路仲驚住會遲到(今日唔遲得呀,我要返來開門,我唔想坐的士呀!),好彩最終都趕到,飲恨的卻是買唔切我個早晨全餐。

泡了一杯玫瑰香片,好香呀,仲係所有人唔係到o既情況下,開了暖氣(因為阿姐慳錢,就算零度佢都會唔開),嘆下啦,上下網啦,今日係要咁架la(唯一的代價就係無得出去食飯)