輕輕鬆鬆游走小白腊

繼大浪西後, 又一一粒星山山水水之旅,又係去我最愛的西貢

呢日天陰陰，都唔知繼唔繼讀去好，不過諗住唔游水都可以行下山，所以最後都出發了！

同去西灣一樣，先係北潭涌等的士，沿途風光如畫, 十五分鐘到,就係呢個路口落車,車資約60-70元。的士司機提我們,因為呢個位係無網絡,回程時要係白臘村士多call 定的士……我地仲諗住好穩陣,點知……

一路向山下走, 風景都唔錯,十五分鐘便到山腳

好多牛牛

再行多十分鐘,便見到白臘灣了

搵番之前去大浪西的相,有太陽下的大浪西係咪勁靚

雖然天陰陰, 亦好似無大浪西灣咁靚,不過小白腊依然水清沙幼

由於呢度唔屬於康文署, 所要要向士多借/租用更衣室

無防鯊網的泳灘其實我真係有戒心,呢d就係魚與熊掌不能兼得的煩惱,遠離市區的泳灘,交通不便利, 沒有救生服務沒有防鯊網所以人流少,但環境相對美,水質也很好多!　政府唔好打呢度主意！

最後因為驚鯊魚,哈哈,咁都得, 只好在淺水地區游左一陣,因為沒有太陽,水很凍啊

要預時間行番上山,所以要走了,點知,士多竟然關了!!仲諗住食碗公仔麵添!  雖然仲有條水喉可以沖下身, 但無電話call taxi 呀!!

沒有辦法,都要上左山先算

黃昏景色很好

去返路口,真係一粒人一駕車都無,訊號繼續係零………

繼續行,風景好靚呀

我地膽粗粗咁諗住行返出去北潭涌…..70蚊的士的步行距離有幾遠………

行左大半小時,終於見到有兩架的士飄過,但都載了人……..失望…..

 再行多一陣,開始天黑, 有點擔心了,都唔知仲要行幾耐, 就係呢個時候,有架的士空車進來,我地即刻截停佢,原來佢係頭先個兩架的士其中一部,佢話估我地要車,所以返來接我們!!太開心了!!真係好好彩啊!

就係呢度坐上的士,其實覺得佢都開左好耐先返到出去北潭涌, 真係好彩,唔係真係要行幾個鐘!

夜晚本來去我係西貢最鐘意的一間cafe,點知佢又唔開,激氣,所以試左呢間斯里蘭卡菜

不太合口味的龍蝦湯

甜酸茄子,幾特別,但要六十蚊

薄片最可取

臚魚, 差不多要二百元,貴但沒特別

斯里蘭卡入口啤酒

總結係唔啱自己胃口,貴,無下次