最愛坪洲之旅

要數我最愛的香港島嶼，並不是長洲，南丫島這些地方，對我來說，這些地方真係太太多人，已經沒有小島風情，想遠離市區呼吸新鮮空氣、逃避繁囂找回恬靜的樂土，我會選擇梅窩、塔門、東龍島等地方，而我最喜歡的，還是坪洲，因為這裡有我最喜歡的一個地方.....

這天天氣很好啊，有陽光真好！

寧靜的坪洲，真害怕它有日要變成長洲……

從前來坪洲，都會去行手指山（坪洲最高點，能俯瞰整個坪洲），今次時間比較充裕，決定來個環島遊，秋日流汗之旅！

　

今次先取道釣魚公觀景亭同坪愉徑，其實風光真的很美，是一條家樂徑，很容易行，只有少量上斜路。

沿途有好多小沙灘，水清沙幼

對面就是廸士尼了！！

講真，部電話影出來的相真係唔錯架

呢度可能較小人行，我竟然見到蛇同好大隻蚚翼，好恐怖呀

有太陽真係好舒服

見到鈞魚公石了 

沿路勁多熟透至壞了的大樹菠蘿，好浪費啊

返出去碼頭先，大約用左個多小時行完呢段家樂徑

抖左一陣，再出發上手指山

呢段路最甘

上到山頂，樹長了很高，影不到外圍地方

係另一邊下山，就快到我最鐘意的地方

登登登登，就係呢度！！

記得好多年前來時，呢度有好多蜻蜓，青䓤翠綠，坐在椅子，迎著海風，被山嵐所包圍，景色一絕，我將它命名為＂青蜓間＂哈哈

其實呢度真名叫銀仔洲亭

這就是我心愛的青蜓間，說實在，情意結勝於一切

記得兩年前來的時候，它剛被山火所吞噬，好傷心，甚麼植物都死了，蜻蜓不見，還嗅到陣陣燒焦味

今日再來，曾被火焰灼傷過的森林，今天已披上新的衣裳，果真野火燒不盡　春風吹又生

我係度會做咩，除左食野，當然係放風箏！！

呢隻風箏跟了我很多年，好掂，夠食風，可以飛得好遠

越飛越遠，去到白雲上那黑點呀，有一段時間，飛到去另一邊山，我好唔放心，拉番佢番來

佢可以去到廸士尼架，我信佢得！！

真係唔捨得走

行落山去街市買海鮮，諗住拿去好景酒樓到加工，竟然又無開！！

好彩仲有一間海景有開舖，

估不到呢間都好好味，鮑魚好得

街市沒有花蟹，只能買較為軟縠的本地蟹，但都好味，師傅了得！

粟米魚肚羹是上佳之作

店子小小，但服務態度親切，價錢合理，味道一流，值得再來

這個寧靜小島，物阜民安，讓我忘記只有商場還是商場的香港生活，其實不需要錦衣玉食，望著這片天空，就會找到屬於自己的快樂。