炎夏下水禮最後一擊

炎夏下水禮最後一擊

今季少左去游水，可能時間就唔到，八月又請唔到假，所以有機會都爭取去海灘游，對上兩次都係去左梅窩，因為有退潮游＂泥灘＂的經歷，今次決定去番南區。山長水遠架，但環境水質靚好多嘛

來個早餐先，美心皇宮的菜干粥好好味

今天天氣麻麻，雖然氣溫很高，但有山雨欲來的感覺。乘車時突然下起大雨，車速卻沒有減慢，結果撞到路邊過長的樹丫，車頭玻璃碎裂，擾攘一輪，司機決定捱埋最後十分鐘車程….

大浪灣與石澳之間，最終選了石澳，貪佢多野食d

烏雲密佈，真係天公不造美

因為係平日，加上天氣唔好，無咩人，幾好，我真係好怕人頭湧湧的

可惜隔離來了四個九十後男女，不斷煲煙和亂拋垃圾，真係賤人，來得大自然唔該愛護下大自然

 我的＂午餐＂，炸雞翼好好味

有兩個外籍女孩下水前竟然叫我幫佢看住d私人物品，咁我點落水呢？？

喜歡石澳和大浪灣，因為完全無石，對我呢d無泳術而常要急著地的人來說，真的很好，可惜假日來總是超多人，沒有了那份閒情逸緻，所以有時都會請假才來

今天水質極佳，我看到水底有魚呀，好興奮！！但可能快要下雨，d浪好大，游的時候不斷被大浪沖前，換氣時又不斷飲＂浪＂打來的水，花上很大力氣，好攰，後尾決定去租個水泡玩下浸下算了

＂哂＂下太陽先，其實無咩太陽，不過咁仲好，吹住海風係度hea真係人生一大樂事

再出去游，突然傾盤大雨，海面超級大浪，都有d驚，游多兩下仲掛埋紅旗，全部人都要上返岸

呢場大雨落左大半個鐘，跟住都無心機游，玩下飛碟算了

本年度的游游游項目應該完結了，正所謂也無風雨也無晴

其實上次行山去左大浪西灣，真係念念不忘，呢個海灘真係超靚，可惜因為無防鯊網，我唔敢去游… 事緣有次去白臘，雖然都係好靚，但游左一陣已經覺得好無安全感，因為無防鯊網嘛，那時游左半小時就放棄了，所以仲未打開＂心結＂去游大浪西呀，真係無用……

乘小巴出番市區，小巴司機駕駛態度好有問題，揸到飄移咁，之後仲成架車剷左上去公路指示版上，手持這指示版的工人當場站不穩，退後數步，嚇到成車人都大叫，司機仲笑哂落車問工人有無事，痴線，仲笑？個工人可能都嚇呆了，都唔識應佢，我真係好討厭呢d駕駛態度咁不知所謂的司機，累己累人！