冬至聖誕除夕瘋狂吃幾番~~
冬至午茶~~人多，越難找一個合適時間，今次就來個冬至飲茶，一樣高興，揀左八月呀，叫左兩個雀籠添，好高興～～
Dinner @ 華特餐廳
今次來環境很噪，人好多，而且食物貴了很多呀～～
這個索價三百多元的牛扒餐只跟餐湯, 餐飲也沒有~~
另外散叫一個蟹肉墨魚麵團 ，二百元左右，幾好味～～
我覺得唔值，可能環境差了～～物非所值，下次要選另一間了
Dinner @粵
這是我們最喜歡的中菜館啊，因為食量越來越少，決定唔叫套餐，散叫一樣有驚喜
前菜魚仔好好味
粟米蟹肉蝦球，呢度d蝦無得輸，我最鐘意呢個餸，每次來也會吃
蜜汁豬柳，個汁略嫌咸了些，但炸豆腐很好味
竹笙魚湯浸菜苗，好味！！
我的魚蓉杜庭烏冬，上次一試難忘，今次再來一客，好正呀！！夠熱又夠香！！
呢餐又係大滿足
Dinner @沙嗲軒
繼續瘋吃～～
本來諗住食番我最愛的沙嗲蟹粉絲煲，但見到人地個個係度打邊爐，又試下啦，仲要揀個貴架海鮮煲，二人份連加一$700，趁佳節當前就豪一豪啦～～（成日都有借口）
好勁呀～～看看那龍蝦
呢個煲有勁多料，有龍蝦、花蟹、花蝦、帶子、鮑魚、青口、雪場蟹腳、星班片、魷魚、雲吞、粉絲還有菜籃，超強組合，隻花蟹好大隻，蟹鉗差不多有三分一手掌咁大！！
我塊面本身咁大，佢都仲大過我塊面，真係好多野食呀～～
我地揀左星州蝦湯底，加埋d海鮮，個湯鮮到不得了，係勁鮮甜！！！
雖然真係幾貴，但真係推介，每樣材料都好新鮮，隻龍蝦生猛到係咁郁，連雲吞都好好味啊～～值得一試
龍蝦頭好大呀
New Year Eve Dinner @ Uncle Ken's Home
連續兩晚打邊邊，超瘋呀～～分兩個爐添
謝謝舅父為我準備至愛的象拔蚌片～～
呢晚都係海鮮宴，我本來唔敢食咁多，但都係忍唔住口，食左好多蠔同蜆，太好味了，回家真係要飲蜜糖水，我係塔省帶回來的蜜糖幾好，第二天喉嚨即時舒服番d
來一個朱古力雪糕蛋糕，為2014年劃上完美句號
豐衣足食的2014，希望2015繼續食好野，大家要開開心心、身體健康、世界和平呀～～
仲有你呀，係你呀，多謝你常來這裡支持支持，一切在心中～～謝謝你～～祝福你～～
小小的人也要加油～～今年我好叻，這幾天也很叻～～以後都要咁叻～～
P.S. 小小的人聖誕去左台灣，努力寫遊記中，記住來棒場呀～～
邊個？邊個？舉腳支持！;-)
回覆刪除請落力支持:)
刪除