想不到去完塔省一個多月，小小的人又可以去旅行，真係好開心
我還記得2014年年初曾寫下自己的Travel Wish
List, 有五個地方很想去的，分別是塔省、台南、北海道、西藏和北歐，在11月圓了塔省之夢，想不到12月亦去了台灣南部！！雖然不是台南，而是墾丁，但都好貼近呀，俾個讚自己，一年圓了兩個旅行夢～～
早係今年八月，那時候塔省之旅都仍未拍板，一次家庭聚會突然談起，不如找次來個家族旅行～～沒錯，係咁多年都未試過～～當時愈講愈起勁，大家仲揾埋日曆對下日期，又打電話俾其他人問好唔好～～結果我地用左兩個小時的high tea 時間就定出旅行地點同時間！！好厲害，真係想做就去做，愈諗得多反而成唔到事！！（我地就係係「天外天」傾成呢個超級大旅行，值得紀念呀～～）
其實當時大家對墾丁的熱衷度很一般，除了有些人已去過，最重要因為冬天去墾丁無咩野好玩，不過我地咁多人，又要顧住荷包，想搵一些最簡單的地方～～最後就決定去墾丁了～～
說說今次我對墾丁的feeling
景點：基本上全海景，每日都見到個靚海，真係好靚，但我地最開心既係一天內見到三次彩虹，好感恩。小小的人最鐘意望海，今次係大滿足～～
人情：我碰到有些墾丁人不是太友善，希望佢地只係小撮
天氣：這幾天時晴時雨，忽冷忽熱，又勁大風，對老人家會比較吃力，不過好彩都有兩天是晴天～～
食物：也許是我個人口味，我覺得d台灣菜唔係咁啱胃口，就算大受吹捧的食肆我都覺得一般，還有那酸酸叔叔臭臭的味道，為什麼每間食肆都會有？？小食以煎炸為主，亦不能吃過不停啊～～我覺得最好味的，是奶茶呢！！
消費：因為剛去完塔省，比較之下覺得好大分別，落差很大，台灣的東西都幾便宜，手信亦可以買得爽手些～～不過在高雄的商場就變得貴了，一個好些的午飯要港幣＄100呢
衛生：這部份實在不吐不快，出發之前已經有人提我，當地的洗手間不太好～～但我地呢家人超級潔辟，除左機場同商場，我覺得各景點的洗手間都很不得了！！九成都是又濕又臭又狹窄，有些甚至沒有水洗手！！中國人為什麼都不講衛生的？儘管大家都說台灣的公廁已比中國好，但我真係覺得好污糟！！我去東歐時都未遇過這樣的廁所！！如果你問我會否再來墾丁或者台灣，呢方面係我最關鍵的考慮點！！！（我承認自己越來越潔辟，但我真係接受唔到～～，所以十幾年前去過一次北京後，我都無去過大陸旅行了～～所以我好懷疑自己去唔去到西藏～～）
雖然墾丁的廁所文化令我有點卻步，但今次能夠一家人去旅行，是一件很開心很幸福的事，而一班人一定多意見，大家都很容易妥協，讚～～我對呢次旅行俾足一百分，希望以後會有更多機會一齊去旅行，真係好開心呀～～（早幾天大家已經開始心癢癢，講到話要去北海道浸溫泉～～唔知成唔成事～我真係好期待呀～～）。快樂不在客觀的事，而是主觀的心情～～
特別鳴謝大姐姐勞心勞心編排今次行程，我知道自己太懶了～～
也特別鳴謝樂b為我們帶來很多歡樂，還當上小翻譯，真係長江後浪推前浪，我們的普通話也真的太爛了，哈哈～～如果下次去日本，小最愛話佢會開始學日文呀，靠你了！！：）～～
雖然我成日話要leave me alone，但其實都只因為找不到可暢所欲言的人～～我真的十分感恩，謝謝我的家人和大朋友仔，小小的人心有千千結，謝謝你們陪我度過美好的2014年，希望大家以後都開開心心，健健康康～～
我也要努力儲錢，為更多開心旅行加油加油～～
👍
回覆刪除👍好溫馨！
回覆刪除要努力經營~~
刪除