復活節，周圍都人山人海，去邊都多人，我地始終情繫郊外，就豁出去一齊迫啦（後來先知長州迫了幾萬人，好恐怖）
朝早要去旺角覆診，姑娘三度漏藥，累我唔見左成個鐘，好氣結！！
差不多成十二點幾先食個早餐，貪方便係附近好彩飲茶，又貴又唔好食，黑名單
去到西貢已快將兩點，真係超多人，我懷疑自己有強迫症，好驚見到咁多人，其實入黎時無諗過做咩，一見到咁多人我已經想閃，好彩見到去外島既船，見咁耐無去過橋咀島，就去下啦，因為之前去過兩次都行唔到連島沙洲。我明明記得以前係塔藍旗，但朋友仔堅時話係紅旗，就信佢啦，點知～～
假日紅旗去橋咀島加睇石來回五十蚊一個人，淨係去橋咀島就三十蚊，我地見無野做，就去埋睇石～～
呢日天氣一般，成日想落雨咁
呢個洞又幾得意
龜定兔，都係自己想像啦
遊左半小時船河，就去番橋咀島
超多人呀～～真係好驚，我諗我真係越來越＂宅＂，見到人多甚麼興味都沒有～～
好彩呢個連島沙洲好好玩，我都搵到好多蟹仔，魚仔同螺～～上了很好的生態課
我地係石隙間尋寶
見到魚仔嗎,佢既保護色好掂,都幾大條
呢隻蟹反肚了
好多螺呀
有專業堀蜆的人，好厲害
海水好靚
去到對岸再往山行，都唔算難行
最高點
再往下走
別有洞天
繼續搵到好多精彩畫面，蟹仔好得意，想不到一個小小的水窪已經可以孕育這麼多生機～～大自然這麼好，給我們這麼多歡樂～～我們人類真的很壞～～
影唔到兩隻蟹打交~~水不停湧進來~~
我矢志要買過更好的鏡頭，才能捕捉牠們的神態
因為怕漲潮，我地決定要返過去了～～
連島沙洲的另一邊相對少人，可以吹下海風，聽聽浪濤～～
上次來的時候還在燒烤，真的是那些年了～～
係呢個時候我地發覺越來越多人係碼頭等船，藍旗、貓記都有很多船接走乘客，唯獨紅旗，完全無影！！碼頭上只見紅旗的乘客在苦等！！
我地數著數著，大概每四架藍旗才有一架紅旗，實在不對勁！
我地跟住都閃去排隊，藍旗、貓記太多船了，他們反而叫我們紅旗的人上船，收十蚊一位，我就係唔憤氣，明明已經俾哂錢，但佢竟然無船，無理由又要我再俾錢去塔另一公司的！等左好耐紅旗終於出現，我地都排左差不多四十分鐘，是格硬迫上去的，很多人要坐在船頭上，好危險。呢個時候差不多六點（佢聲稱是尾班），但島上仲有幾十人等紅旗，真係不得了。大家如果乘街渡去外島，我絕不推介塔紅旗，藍旗、貓記班次密，而且船較新，價錢還要一樣的！朋友仔很明顯記錯，我地上次係塔藍旗的！！
本來夜晚諗住去滘西洲練習場玩下golf同食buffet,不過竟然full左，假期真係咩都爆～～咁就決定食海鮮啦～～
岸邊的海鮮檔不停會有人sell你，點解我會俾全記sell到，全因為佢講左一句「我們地方乾淨企理」，哈哈，就係咁簡單，都無咩睇佢有甚麼好食就上樓了
其實全記另外仲有間總店係大街，不過呢間看上來裝修比較好，我地就去了這間！！
本來可以坐室外，望海的，呢日天氣唔凍唔熱最適合不過，可惜侍應話會有人食煙，咁我地就坐番室內啦
環境真係幾唔錯，坐得舒服 （但洗手間真係要注意下衛生情況）
我地揀左二人餐＄478全包宴，4餸1菜1糖水，價錢合理
芝士龍蝦伊面，好好食呀，夠芝～～（可惜手震了，為什麼用samsung總是這樣的，用iphone時很少手震呀～～）
薑蔥炒蟹，不俗，略嫌細左少少
粉絲蒸元貝，夠大隻，粉絲很入味
䒱魚，都䒱得幾滑
油菜，已經沒有多餘＂胃＂置了
紅豆沙，為豐富的海鮮宴劃上完美句號～～
除了離島，在香港我最喜歡到的始終是西貢，無論大街、外島、更遠的行山徑，都是港人的後花園，下次真想去東霸看星星，不過一定要揀閒日，人太多真係不太理想啊～～
沒有留言:
張貼留言