前排天氣好唔穩定呀，成日落大雨，不過小兒甥女放sem break，一早應承左同佢去海洋公園，而且仲買哂飛，點算呢～～最終決定博一博，如果真係落大雨就即閃，可惜媽媽唔舒服，最終都去唔到～～
對上一次來都不足一年，除左多左個樹熊館好似無咩新野，不過今次同小兒甥女再來（上次同佢來還只是三歲呀），好開心呀
天公算造美，一早出發，天陰陰但無落雨，仲有點涼意，唔錯！加上天文台話明呢日天氣差，而且係平日，比假日少來了五成人，正！！！（基本上所有館都係直入，除左䌫車排下隊，其他都唔洗，very good!!）
第一時間閃去乘䌫車，只排了十分鐘，爽
本來想去激流，點知維修呀，走左去玩踫踫車，雖然小最愛未夠年紀自己坐，但佢話好好玩，之後仲玩多次添！！
今次揼青蛙我地好勁呀～～
全部是小最愛自己揼回來的！！叻女！！佢開心左成日，小朋友真係好簡單～～
跟住去左玩摩天塔，零人排隊，爽
去左鯊魚館，成個館計埋我地得十個人，超級勁呀～～小最愛最鐘意睇解說，加上無人，可以逐一細讀，所以呢個館睇左好耐呀～～而我仲幫工作人員做左有關保育既問卷，真係好認真架，入去前同出來都要各做一次，最後送左個好靚既海豚環保袋俾我地呀，嘻嘻
再去魔天輪，想落雨咁，竟然開始覺得凍～～
出發去食飯，我地去左冰極餐廳，window
seats!! 同企鵝一齊食飯，記住book的時候要request 定，因為得四張枱最貼近玻璃屏幕的！當然一有企鵝游近，成班大人細路會衝前影相，食野時有少少覺得disturb啦，不過可以同企鵝咁接近，我覺得好唔錯呀
呢度main course分一人份或二人份，我地揀左卡邦尼太子意粉、蕃茄汁吉列豬扒飯同小食併盤（有芝士薯條、洋蔥圈同雞翼），全部都好食
跟住參觀冰極天地，呢個館就最多人，好彩我地頭先已經睇左好耐，而呢度我真係凍到漏哂鼻水，明明已經著番風褸先入去行，好凍！誇到覺得甩肺咁，頭痛欲裂～～返屋企要即食藥呀～～～～（我記得上次來完全覺得唔係太凍的！）（而我參觀完呢度開始跌watt~~）
之後就開始落兩，都算感恩，玩到三點先落出，而且也不算大雨，我地行埋水母館就落番山。
雖然話人唔多，但係等䌫車期間（已經落緊雨，頗狼狽）始終都要同兩位自由行大媽開拖，又打尖！！！佢地真係好乞人憎，我相信佢地係後面已經打左好多同胞的尖，但當然去到我地到就梗係唔肯過佢！！而今次工作人員比我地更狠（可能因為當住他面前打尖），叫佢地如果再打尖就落番去再排過！我俾十個讚呢位工作人員！！
落番山，雨停了，真好。跟住去左我最愛的樹熊館～～牠們也真太寂寞了吧，住在澳洲的樹熊應該比較幸福
之後還去了小最愛一定要去的熊貓館，看著自由人對牠們又敲窗又吹口哨，我真替這些動物同工作人員感到煩心！！
睇埋海洋奇觀就走了，玩到人家要關門了，真是盡慶的一天～～
沒有留言:
張貼留言