梅窩樂悠悠之旅

我怕凍，但更怕熱，不過炎炎夏日，確是出外遊玩的好時機，所以我又繼續同陽光玩遊戲la

指定動作，先到上環美心吃早餐

出發了～～

到梅窩其中一個地方常去的，是熟食檔。又食

那怕是太陽高高掛，我們放棄冷氣房，決定坐室外！！一路食一路流汗，為的是「崇尚自然」，但海景是無價呀！！

呢度炒蜆水準唔錯，食過兩三次都依然推介＄78一大碟，炒面就＄50，頗抵。不過呢度野飲幾貴，凍檸茶＄22，翠華價錢，但一點茶味也沒有

呢度進行緊很多改善工程，靚景不再

 

跟住又去張記租單車，租半天一架＄40蚊，我地幫襯左好多年了

我今次的戰車

好熱好哂，我地豁出去了，中午十二點幾決定踩上去瀑布，踩左一陣已經全身盡濕，熱得攞命，真的是34度，烈日當空，我覺得自己流了一公升的汗，快要溶淖。

沿路有好多黃皮樹

不過瀑布好靚呀，之前來個幾次都無今次咁大水，氣勢磅礡，而且山水好清涼呀，忍唔住除左對鞋浸下對腳，坐在樹蔭下，暑氣全消！！

裡面有很多魚呀，是一個天然小泳池～～

跟住踩落番去舊墟，係呢個時候呢杯凍檸茶簡直是奢侈的享受，可惜碗面唔係咁好食。

我地再出發，係附近兜，依然好熱，見到有隻雀仔站在牛牛身上，好攪笑，

呢段路比較窄，人又多，對我來說好難踩，決定返去，準時六點交車

跟住去左銀礦灣酒店食buffet，　好耐無食過了，之前幾次都係食半自助晚餐，今次可以食自助晚餐

好好味呀

呢度有即場燒烤，乳豬勁多肉

冷盤

我覺得今次食物同服務都好有進步，雖然人好多，又book 唔到窗口，不過好滿意，只係我當日我最愛的印度拉茶已經無左，食到咁上下，有兩個樂師仲會到你枱前叫你點歌添,

我覺得自己真係去左泰國咁，好relax

食完野終於天黑了，見到好多牛牛走去沙灘到瞓，好神奇，本來想影下其中一隻小牛牛瞓覺樣，點知突然有條水蛇從沙中冒出，嚇到隻牛牛即刻站起來，好恐怖呀，竟然有蛇！！！點解銀礦灣沙灘有蛇！！！唔通因為附近一帶進行好多工程，水蛇被迫出水渠跳入沙灘？？

呢日玩得很盡慶，不過我真很哂黑了～～這是與陽光玩遊戲的代價，哈哈