指定動作，去了上環美心飲早茶
跟住去了Mcafe 買Minions餐具給我的小最愛，又真係幾得意既。
然後去筲箕灣轉小巴入大浪灣（臨時決定由石澳轉去大浪灣，以避人潮）
決定好正確呀，暑假竟然無咩人，天氣極熱，但水好靚，見到好多魚，海底沒有石，只是沙，對我來說實在太好，因為可以游游下急剎停，啱哂我這種泳術欠佳的人。而且可以玩玩衝浪，好玩
跟住去左岸邊一間餐廳，雖然話個景好靚，但真係幾貴，腸蛋面索價＄45，雞翼也是，下次都係去番上面士多買，平一半，外賣去番沙灘食都一樣啦，反正我們也有太陽傘，哈哈，不過佢d雞翼又真係幾好食既
返出市區去番鋰魚門食個晚飯，今次都係去威記揀海鮮，貪老闆娘好人，不過今次龍蝦竟然唔好食，為什麼？？
蟶子，我至愛，好味
肉蟹，正！！
三百元（未計加工）的龍蝦反而麻麻，肉好像有點霉，用米粉做底也太多油了，下次還是吃伊面好。
海鮮買了七百三十元，海鮮魚湯(魚是威記送的)竟然不用加工費，加左碟炒菜，茶錢和加工約四百元，共銀一千一百，都可以接受啦
不過生果盤有驚喜，有芒果，但太飽了，只能淺嚐
係鋰魚門都食過幾間，不過南大門去得比較多，我鐘意佢環境夠乾淨企理，但其實佢加工比較貴，而今日的味道算中規中矩，下次可以試下其他
沒有留言:
張貼留言