雖然剛去了個旅行，但最近發生了很多事，公司屋企又或是自身，小小的人需要沉澱一番，最令自己開心的，就是去大自然呼吸自由的空氣，今次去了我一直好想去的地方，西貢東壩！！
旅行回來開始病病地，可能日日都好攰，哈哈，攰過返工，好彩轉了醫生的藥幾啱我，食住感冒藥就出發了！！
吃過早餐先
因為好攰又有d病（懶就懶啦），決定用一個最舒服的方法入東壩，就係坐的士！！（之前係北潭涌試過想截的士入東壩，但因為閒日，等左半小時都無車，call的士站亦無人接，最終取道黃石），所以今次決定係西貢市中心直接乘的士入，沿途風光如畫，可飽覽萬宜水庫的景色，車資約$110，唔洗行又可以看美景，啱哂我呢種懶人）
世界地質公園！！
可惜今日大陰陰，仲好大風～～
這是座落在糧船灣東端的破邊洲，經過長年風化，形成了一個孤獨的小島，地理學上稱作「海蝕柱」，大自然真的鬼斧神工。
有六億年歷史的六角柱石，在劇烈的地殼移動下，尚未完全凝固的岩柱被扭曲摺疊，形成一幅巨大的天然壁畫，超靚
呢度影相一流， 發揮不同創意的時候！！（好明顯我就無了）
對面有工程，所以沒有行去了
食個午餐，不個超大風，眼前是萬宜水庫
萬宜水庫是香港儲水量最大的水庫。以世界罕見的大規模酸性流紋質火山岩柱聞名，獲列為中國香港世界地質公園的一部分。
萬宜水庫，好靚呀
跟住就往浪茄方向進發
呢度仲發現有羅漢松，希望它們能拙壯成長，不要再被壞人砍伐了
呢段路唔難行
好大的海，可惜天陰陰，勁大風，構圖上如果有陽光更好，但見到水是超清的
可以極目望遠方～～
是浪茄呀，好靚呀
望住個大海，人都開心d
D浪沖上岸時好特別，好像有花紋
不過，我地最終決定唔行落下了，因為已經差不多五點，怕落到去已經天黑（懶就懶啦），下次一定會下去吧！！
呢日好大風
沿路返回東壩，真幸運，因為是交更時份，開頭都擔心無車，好彩一call即有，原因是那司機正在車旅客來東壩露營，司機也說大家都好運，因為他一開工便做了來回東壩，哈哈。我地比其他一早在東壩等車的人更早上車，原來call 車都要看運氣！！
其實返回市中心的路風光很好，如果有時間和精力，我地都想行返出去！！要練好體魄！！
不過我地無係西貢食飯，返左出太子食個early dinner
我好鐘意東壩同西貢，一定會再來！！
😄😄
回覆刪除