呢一日大概八點鐘morning call，梳洗完就出發行梅田了
我們房望出去景觀開揚
我地真係極方便，酒店門口對住大丸，而係南出口一出轉左就可以一路行去阪急、阪神、hep five，三番街等地，又或者搵入口落地下街，都可以去到，總之條條大路通羅馬啦，大阪站同梅田站係相連的，跟指示就可以去到。
咁多人等開門？？
我地係三番街附近食過早餐先，人均消費約600䍏~~
跟住就開始shop啦,呢度真係一個大迷宮
我地要去三番街北館U2搵公仔野，途中經過見到佢呀！！布甸狗cafe！～～好想入去呀，不過今日行程緊湊，又啱啱食左早餐，所以只能放棄～
鬆弛熊專門店，都買左少少野
行到十二點幾，有少少behind schedule ，因為我地本來打算1點要到心齋橋食蟹道樂的，但K小姐經過bake cheese tart話一定要食呀，但要等40分鐘~~咁等就等啦，一場來到
等既期間飲下野
工作人員為我們講解購買程序，佢用英文好努力同我地溝通，服務一流
嗯，其實味道ok，奇怪是即製但不熱，而且不夠流心，除非完全不用排隊，否則我個人不太推介～～
終於買到我來日本最想買的手袋colors by Jennifer sky~~
跟住K小姐要去大丸買化粧品，竟然給我們見到它，老爺爺芝士蛋糕，不過又係排長龍，我地趕時間，唯有下次再買
返上去酒店稍事休息，即刻出發去心齋橋
乘四個站便可抵道頓掘，不過弱冷車廂真係好熱～～
我很想試的磯丸水產，本來諗住今晚吃，不過最後趕唔切食唔到～～好彩有先見之明影左張相
久違了的蟹logo～～上次來的時候沒有吃，飲恨之一，今次來到已經三點，但要等到四點先有位，仲要計夜晚價錢，多番思量，決定食啦～～
等既期間行左陣道頓堀同big camera，有少少收穫
不過同四年前一樣，我覺得心齋橋、道頓崛不是我杯茶，太多人而且太旅遊區，藥粧又不是特別平，下次如果再去大阪，我會飛左呢個景點了
幫同事買的藥
終於等到我的蟹道樂～～
我地揀左秋冬限定set，人均消費約HKD$550，就豪一豪啦，呢一餐亦都係我地的very late lunch
燒蟹肉好好味啊
很豐富，大滿足
本來今晚是join另位兩朋友仔，打算等他們check in 後過來磯丸水產的，不過我地食完呢餐已經六點咁制，而且仲想shop下，所以決定番梅田吃
行多一陣我地就返去梅田，去左大丸買生果食（士多啤梨、香蕉同柑，約$1000䍏）
呢度d甜品好精緻～～
朋友仔由和歌山而來，返來大阪同我地住同一間酒店呀，等佢地8點check
in 完，我地就出發食飯，今日決定再去東通街～～
可能大家都攰，而且我地仲好飽，都係求其去左漁心壽司店，不過呢餐就無咩驚喜～～
跟住佢地想去行驚安，行左一陣就打道回府～～
都成十一點幾先返到，真係晚晚都好夜
宵夜時段，除了有我們在大丸買的生果，還有P先生買來的酒～～
最後又係攪到三點先訓，好攰啊～～明天要去嵐山～～
沒有留言:
張貼留言